Site icon Odisha.com

ଇଂଜିନିୟର ହେବା ଯୁକ୍ତଦୁଇ ବିଜ୍ଞାନ ଟପ୍ପରଙ୍କ ଲକ୍ଷ୍ୟ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ମଇ ୨୦(ଓଡ଼ିଶା ଡ଼ଟ୍ କମ୍) ଆଇଆଇଟି ପଢି ଭବିଷ୍ୟତରେ ଇଂଜିନିୟର ହେବାକୁ ଲକ୍ଷ୍ୟ ରଖିଛନ୍ତି ଚଳିତ ବର୍ଷ ଯୁକ୍ତଦୁଇ ବିଜ୍ଞାନରେ ସମଗ୍ର ରାଜ୍ୟରେ ପ୍ରଥମ ସ୍ଥାନ ହାସଲ କରିଥିବା କଟକ ସ୍ଥିତ କଳିଙ୍ଗ ଭାରତୀ ଆବାସିକ ମହାବିଦ୍ୟାଳୟର ଛାତ୍ରୀ କିଟ୍ଟି ଜୈନ ।

ବଲାଙ୍ଗୀର ଜିଲ୍ଲା ଟିଟିଲାଗଡ଼ ନିବାସୀ ମିଲଚାନ୍ଦ ଜୈନ ଓ ମୀନା ଜୈନଙ୍କ ଝିଅ କିଟ୍ଟି ମୋଟ୍ ୬୦୦ରୁ ୫୫୭ ନମ୍ବର ରଖି ଟପ୍ପର ହୋଇଛନ୍ତି । ବିନା କୋଚିଂରେ ମଧ୍ୟ କଠିନ ପରିଶ୍ରମ ଦ୍ୱାରାସଫଳତା ମିଳିପାରିବ ବୋଲି ସେ କହିଛନ୍ତି ।

ପରୀକ୍ଷା ପାଇଁ ସେଦିନକୁ ଛଅ ଘଣ୍ଟା ପରିଶ୍ରମ କରୁଥିବା ବେଳେ ଭଗବାନ, ମାଆ ବାପାଙ୍କ ଆର୍ଶୀବାଦ ଓ ସହପାଠୀ, ଶିକ୍ଷକଙ୍କ ପ୍ରେରଣା ଯୋଗୁଁ ଏହି ସଫଳତା ପାଇଥିବା କହିଛନ୍ତି ।

ପାଠପଢା ବ୍ୟତୀତ ଗୀତ, ନାଚ ଓ ଖେଳରେ ତାଙ୍କର ରୁଚି ରହିଛି ।

ଓଡ଼ିଶା ଡ଼ଟ୍ କମ୍

Exit mobile version