ମୁଖ୍ୟ ଖବର

ବେଦାନ୍ତ ବିଶ୍ୱବିଦ୍ୟାଳୟ ବିରୋଧୀଙ୍କ ବିଜୟ ସମାବେଶ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ, ନଭେମ୍ବର ୩୦(ଓଡ଼ିଶା ଡ଼ଟ୍ କମ୍) ପ୍ରସ୍ତାବିତ ବେଦାନ୍ତ ବିଶ୍ୱବିଦ୍ୟାଳୟ ଓ ସରକାରଙ୍କ ବିରୋଧରେ ହାଇକୋର୍ଟ ଦେଇଥିବା ରାୟ ପରିପ୍ରେକ୍ଷୀରେ ମଙ୍ଗଳବାର ପୁରୀ ଠାରେ ବେଦାନ୍ତ ବିଶ୍ୱବିଦ୍ୟାଳୟ ବିରେଧୀମାନେ ବିଜୟ ସମାବେଶର ଆୟୋଜନ କରିଛନ୍ତି ।

ଶତାଧିକ ଯୁବକ ସିଂହଦ୍ଵାର ନିକଟରୁ ଏକ ମଟର ସାଇକେଲ ଶୋଭାଯାତ୍ରାରେ ବାହାରି ପୁରୀ କୋଣାର୍କ ରାସ୍ତାର ବେଲଳ ଠାରେ ପହଞ୍ଚିଥିଲେ । ଆୟୋଜିତ ଏହି ସମାବେଶରେ ବିଜେପି ଓ କଂଗ୍ରେସ ସମେତ ବିଭିନ୍ନ ରାଜନୈତିକ ଦଳର ନେତାମାନେ ଯୋଗ ଦେଇଛନ୍ତି ।

ବିଶ୍ୱସ୍ତରୀୟ ବିଶ୍ୱବିଦ୍ୟାଳୟ ନାମରେ ସରକାର ଏକ ଘରୋଇ କମ୍ପାନୀ ପାଇଁ ଜମି ଅଧିଗ୍ରହଣ କରିବା ଦ୍ଵାରା ସରକାରଙ୍କ ଏହାପଛରେ ଥିବା ମନ୍ଦ ଉଦେ୍ଧଶ୍ୟ ପାରେ ପଡ଼ିଯାଇଛି ବୋଲି ସମାବେଶରେ ଯୋଗେଇଥିବା ନେତାମାନେ କହିଛନ୍ତି ।

ପୂର୍ବରୁ ଲୋକପାଳ ବେଦାନ୍ତ ଓ ସରକାରଙ୍କୁ ଭର୍ସନା କରିଥିବା ବେଳେ ବର୍ତ୍ତମାନ ହାଇକୋର୍ଟଙ୍କ ରାୟ ପରେ ସରକାର ଓଡ଼ିଶାବାସୀଙ୍କ ପ୍ରତି ବିଶ୍ୱାସଘାତ କରିଥିବା ପ୍ରମାଣିତ ହୋଇଛି । ତେଣୁ ସରକାରଙ୍କୁ ବରଖାସ୍ତ କରାଯାଉ ବୋଲି ସେମାନେ ଦାବୀ କରିଛନ୍ତି ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.