ମୁଖ୍ୟ ଖବର

କୋଣାର୍କରେ ସ୍ଥାପନ ହେବ ଗ୍ରୀଡ଼ ସବ୍ଷ୍ଟେସନ

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧୪(ଓଡ଼ିଶା ଡ଼ଟ୍ କମ୍) କୋଣାର୍କ ଅଞ୍ଚଳରେ ଗୁଣାତ୍ମକ ବିଦ୍ୟୁତ ଶକ୍ତି ଯୋଗାଣ ତଥା ଲୋ-ଭୋଲଟେଜ୍ ସମସ୍ୟା ଦୂର ନିମନ୍ତେ କୋଣାର୍କ ଠାରେ ଏକ ୧୩୨ କେଭି ଗ୍ରୀଡ଼ ସବ୍ଷ୍ଟେସନ ସ୍ଥାପନ କରିବାକୁ ସରକାର ନିଷ୍ପତ୍ତି ନେଇଛନ୍ତି ।

ଏଥିପାଇଁ ୨୧ କୋଟି ଟଙ୍କା ବ୍ୟୟ କରାଯିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଶୁକ୍ରବାର ଅନୁଷ୍ଠିତ ସମୀକ୍ଷା ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି ।

ନିମାପଡ଼ା ଗ୍ରୀଡ଼ ଷ୍ଟେସନରୁ କୋଣାର୍କ ଅଞ୍ଚଳକୁ ଯାଇଥିବା ୧୩୨ କେଭି ଲାଇନରୁ ଅଧାବାଟରେ ଆଉ ଏକ କେଭି ଲାଇନ ପୁରୀ ଆଡ଼କୁ ଯାଇଥିବାରୁ କୋଣାର୍କ ଅଞ୍ଚଳରେ କ୍ରମାଗତ ଭାବେ ଲୋ-ଭୋଲଟେଜ୍ ସମସ୍ୟା ଦେଖାଉଛି ବୋଲି ଶକ୍ତିମନ୍ତ୍ରୀ ଅତନୁ ସବ୍ୟସାଚୀ ନାୟକ କହିଛନ୍ତି ।

ସଂପୃକ୍ତ ଅଞ୍ଚଳ ଏକ ପ୍ରମୁଖ ପର୍ଯ୍ୟଟନ ସ୍ଥଳୀ ହୋଇଥିବାରୁ ସରକାର ତାହାର ବିକାଶ ପାଇଁ ଏଭଳି ନିଷ୍ପତ୍ତି ନେଇଛନ୍ତି । ଖର୍ଚ୍ଚ ହେବାକୁ ଥିବା ୨୧ କୋଟି ଟଙ୍କାରୁ ୧୩ କୋଟି ଟଙ୍କା ଓପିଟିସିଏଲ୍ ଓ ବାକି ୮ କୋଟି ଟଙ୍କା ସରକାର ବହନ କରିବେ ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.