ରାଇସ ପକୁଡି

ପ୍ରସ୍ତୁତି : ବର୍ଣ୍ଣିକା ପଟ୍ଟନାୟକ

ଆବଶ୍ୟକ ସାମଗ୍ରୀ:

ବଳିଥିବା ରନ୍ଧା ଅରୁଆ ଭାତ-ଦୁଇ କପ, ଚାଉଳ ଗୁଣ୍ଡ-୪ ରୁ ୫ ଚାମଚ(ଛୋଟ), ପିଆଜ-ଦୁଇଟା (ବଡ), କଟା କଞ୍ଚାଲଙ୍କା-ଦୁଇ ଚାମଚ(ଛୋଟ), ଧନିଆପତ୍ର କଟା- ଦୁଇ ଚାମଚ(ଛୋଟ), ଭଜା ବାଦାମ ମଞ୍ଜି-୨/୪ ଚାମଚ(ଛୋଟ)ଭୃଷଙ୍ଗ ପତ୍ର-ଅଳ୍ପ କିଛି, ସ୍ୱାଦ ଅନୁସାରେ ଲୁଣ, ଛାଣିବା ପାଇଁ ରିଫାଇନ ତେଲ, ଲେମ୍ବୁ ରସ-ଦୁଇ ଚାମଚ(ଛୋଟ)

ପ୍ରସ୍ତୁତ ପ୍ରଣାଳୀ:

ରନ୍ଧା ଭାତକୁ ଭଲ ଭାବରେ ଚକଟି ରଖନ୍ତୁ । ପିଆଜକୁ ଚୁନା ଚୁନା କରି କାଟି ରଖନ୍ତୁ । ବର୍ତ୍ତମାନ ଚକଟି ରଖିଥିବା ଭାତରେ ପିଆଜ, କଞ୍ଚାଲଙ୍କା, ଲେମ୍ବୁ ରସ, ଧନିଆପତ୍ର, ଭଜା ବାଦାମ ମଞ୍ଜି, ଭୃଷଙ୍ଗପତ୍ର,ଓ ସ୍ୱାଦ ଅନୁସାରେ ଲୁଣ ପକାଇ ଭଲ ଭାବରେ ଗୋଳାନ୍ତୁ ।

ବର୍ତ୍ତମାନ ଏଥିରେ ଚାଉଳଗୁଣ୍ଡ ପକାଇ ଗୋଳାଇ ରଖନ୍ତୁ । କଡାଇରେ ତେଲ ଗରମ କରି ପକୁଡି କିମ୍ବା ପିଆଜି ଆକାରରେ ଛୋଟ ଛୋଟ ବାଦାମି ରଙ୍ଗ ହେବା ପର୍ଯ୍ୟନ୍ତ ଛାଣନ୍ତୁ । କଡାଇରୁ ଗରମ ଗରମ କାଢି ସସ୍ କିମ୍ବା ପୋଦିନା ଚଟଣି ସହିତ ପରିବେଷଣ କରନ୍ତୁ ରାଇସ୍ ପକୁଡି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ :

This website uses cookies.