ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କଟକ, ନଭେମ୍ବର ୨(ଓଡ଼ିଶା ଡ଼ଟ୍ କମ୍) ମାଧ୍ୟମିକ ଶିକ୍ଷା ପରିଷର ଦ୍ୱାରାପରିଚାଳିତ ଚଳିତ ବର୍ଷର ମ୍ୟାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଫଳ ବୁଧବାର ପ୍ରକାଶ ପାଇଛି ।
ପରିକ୍ଷା ଫଳ କଟକ, ଭୁବନେଶ୍ୱର, ବ୍ରହ୍ମପୁର ଓ ସମ୍ବଲପୁର ସ୍ଥିତ କାର୍ଯ୍ୟାଳୟରେ ଏକ ସମୟରେ ପ୍ରକାଶିତ ହୋଇଛି । ମୋଟ୍ ୩୨.୪୨ ପ୍ରତିଶତ ଛାତ୍ରଛାତ୍ରୀ ଏଥିରେ ଉତୀର୍ଣ୍ଣ ହୋଇଛନ୍ତି ।
ଚଳିତ ବର୍ଷ ରାଜ୍ୟର ୩୩୩ଟି କେନ୍ଦ୍ରରେ ମୋଟ୍ ୬୧ ହଜାର ୧୬୮ ଜଣ ଛାତ୍ରଛାତ୍ରୀ ଏହି ପରୀକ୍ଷା ଦେଇଥିଲେ । ସୋମନଙ୍କ ମଧ୍ୟରୁ ୪୯ ହଜାର ୨୦୩ ଜଣ ରେଗୁଲାର ଏବଂ ୧୧ ହଜାର ୯୬୫ ଜଣ ଏକ୍ସ ରେଗୁଲାର ଛାତ୍ରଛାତ୍ରୀ ।
ପରୀକ୍ଷା ଫଳ ୫ଟି ୱେବସାଇଟ୍ ରେ ଉପଲବ୍ଧ ହେବ ବୋଲି ପରିଷର ପକ୍ଷରୁ କୁହାଯାଇଛି । ଅଗଷ୍ଟ ୨୨ରୁ ସେପ୍ଟମ୍ବର ୮ ପର୍ଯ୍ୟନ୍ତ ଏହି ପରୀକ୍ଷା ଅନୁଷ୍ଠିତ ହୋଇଥିଲା ।
ଓଡ଼ିଶା ଡ଼ଟ୍ କମ୍
