ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ
ବରଗଡ଼, ନଭେମ୍ବର ୨୪(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲାରେ ଫରେଷ୍ଟ ଗାର୍ଡ଼ଙ୍କ ହତ୍ୟା
ମାମଲାରେ ପୋଲିସ ଗୁରୁବାର ଜଣେ କାଠ ମାଫିଆକୁ କିରଫ କରିବା ସହ କୋର୍ଟ ଚାଲାଣ କରିଛି ।
ବୋଡ଼େନ୍ ପୋଲିସ ବୁଧବାର ଦୁଇ ଜଣଙ୍କୁ ଅଟକ ରଖି ପଚରାଉଚରା କରିବା ପରେ ସେମାନଙ୍କ
ମଧ୍ୟରୁ କେଶବ ବାରିକ ନାମକ ବ୍ୟକ୍ତିଙ୍କୁ କୋର୍ଟ ଚାଲାଣ କରିଛି ।
ଗତ ସେପ୍ଟେମ୍ବର ୧୭ରେ ପଦ୍ମପୁର ଉପଖଣ୍ଡ ଜୟପୁର ଗ୍ରାମରେ ଫରେଷ୍ଟ ଗାର୍ଡ଼ ନାରାୟଣ ଦୁଆନଙ୍କୁ ହତ୍ୟା କରାଯାଇଥିଲା । ମାଓବାଦୀମାନେ ତାଙ୍କୁ ହତ୍ୟା କରିଥିବା ସେ ସମୟରେ ପ୍ରଚାର ହେବା ପରେ ପୋଲିସ ପକ୍ଷରୁ ବ୍ୟାପକ ତଦନ୍ତ କରାଯାଇଥିଲା ।
ମାଓବାଦୀମାନେ ଏହି ହତ୍ୟାକାଣ୍ଡ ଘଟାଇଥିବା ଖବରକୁ ତାଙ୍କ ପରିବାର ପକ୍ଷରୁ ମଧ୍ୟ ଅସ୍ୱୀକାର କରାଯିବା ସହ କାଠ ମାଫିଆମାନେ ହତ୍ୟା କରିଥିବା ଅଭିଯୋଗ ହୋଇଥିଲା ।
ଓଡ଼ିଶା ଡ଼ଟ୍ କମ୍
