ଓଡିଶା ଖବରମୁଖ୍ୟ ଖବର

ମାଓବାଦୀ ଲୁଚାଇଥିବା ଅସ୍ତ୍ରଶସ୍ତ୍ର, ବିସ୍ଫୋରକ ଜବତ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାୟଗଡ଼ା, ଡ଼ିସେମ୍ବର ୧୩(ଓଡ଼ିଶା ଡ଼ଟ୍ କମ୍) ରାୟଗଡା.ଜିଲ୍ଲାରେ ମାଓବାଦୀମାନେ ଲୁଚାଇ ରଖିଥିବା ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ବିସ୍ଫୋରକ ସାମଗ୍ରୀ ପୋଲିସ ମଙ୍ଗଳବାର ଜବତ କରିଛି ।

ଚନ୍ଦ୍ରପୁର ଥାନା ଅନ୍ତର୍ଗତ ସିତାଗୁଡି ଜଙ୍ଗଲର ବିଭିନ୍ନ ସ୍ଥାନରେ ପୋଲିସ ଚଢାଉ କରି ସେମାନେ ମାଟି ତଳେ ପୋତି ରଖିଥିବା ଅସ୍ତ୍ରଶସ୍ତ୍ର ଓ ବିସ୍ଫୋରକ ଜବତ କରିଥିବା ଏସ୍ପି ଅନୂପ କ୍ରୀଷ୍ଣା ସାମ୍ବାଦିକ ସମ୍ମିଳନୀରେ କହିଛନ୍ତି ।

ଗତ ୧୧ ଓ ୧୨ତାରିଖ ଦୁଇଦିନ ଧରି ଉକ୍ତ ଜଙ୍ଗଲରେ ଚଢାଉ କରିବା ପରେ ମାଟି ତଳେ ପୋତା ହୋଇଥିବା ୫ଟି ହେଣ୍ଡ ଗ୍ରେନେଡ ,ତାର, ୬ଟି ପ୍ରେସର ବମ୍, ୬ଟି ଡିଟୋନେଟର, ୧୫ଟି
ଲ୍ୟାଣ୍ଡମାଇନ, ଲ୍ୟାଣ୍ଡମାଇନ ତିଆରି ପାଇଁ ବ୍ୟବହୃତ ଟିଫିନ ଓ ୬ଟି ବନ୍ଧୁକ ଜବତ କରାଯାଇଥିବା ସେ କହିଛନ୍ତି ।

ଗତ ଦୁଇ ମାସ ତଳେ ପୋଲିସ ନିକଟରେ ଆତ୍ମସମର୍ପଣ କରିଥିବା ମାଓବାଦୀ ସଂଗଠନର ସକ୍ରିୟ ସଦସ୍ୟ ମିନା ପାଲକାର ସୂଚନା ଅନୁଯାୟୀ ଏକ ଦଳ ଚଢାଉ ଜାରି ରଖିଥିଲା ।

ଓଡ଼ିଶା ଡ଼ଟ୍ କମ୍