ମୁଖ୍ୟ ଖବର

ଓଡ଼ିଶାକୁ ଦୁଇ ବାଟାଲିୟନ ଅତିରିକ୍ତ କେନ୍ଦ୍ରୀୟ ବାହିନୀ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୨୧(ଓଡ଼ିଶା ଡ଼ଟ୍ କମ୍) ମାଓବାଦୀଙ୍କ ମୁକାବିଲା ପାଇଁ ରାଜ୍ୟକୁ ଆଉ ଦୁଇ ବାଟାଲିୟନ୍ କେନ୍ଦ୍ରୀୟ ଅର୍ଦ୍ଧ ସାମରିକ ବାହିନୀ ଯୋଗାଇ ଦେବାକୁ କେନ୍ଦ୍ର ସରକାର ନିଷ୍ପତି ଗ୍ରହଣ କରିଛନ୍ତି ।

ଏହା ମଧ୍ୟରୁ ଗୋଟିଏ ବିଏସ୍ଏଫ୍ ବାଟାଲିୟନ୍ ଓ ଅନ୍ୟଟି ନିର୍ମାଣ ଦାୟିତ୍ୱରେ ଥିବା ଇଣ୍ଡିଆ ରିଜର୍ଭ ବାଟାଲିୟନ୍ । ନିର୍ମାଣ ବାଟାଲିୟନ୍ ମାଧ୍ୟମରେ ମାଓପ୍ରବଣ ଅଂଚଳରେ ରାସ୍ତା, ଗୃହ, ପୋଲ ସମେତ ଅନ୍ୟାନ୍ୟ ଭିତ୍ତିଭୂମିର ବିକାଶ କରାଯିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି ।

ଫଳରେ ମାଓପ୍ରବଣ ଅଂଚଳରେ ବିକାଶ ପ୍ରକ୍ରିୟା ଅଧିକ ତ୍ୱରାନ୍ୱିତ ହୋଇପାରିବ । ସେହିପରି ମାଓ ମୁକାବିଲା ପାଇଁଦୁଇମାସ ମଧ୍ୟରେ ଏକ ହେଲିକପ୍ଟର ଯୋଗାଇ ଦେବାକୁ କେନ୍ଦ୍ର ସରକାର ନିଷ୍ପତି ନେଇଥିବା ସେ କହିଛନ୍ତି ।

ଶୁକ୍ରବାର କେନ୍ଦ୍ର ଆଭ୍ୟନ୍ତରୀଣ ନିରାପତ୍ତା ମନ୍ତ୍ରାଳୟର ସ୍ୱତନ୍ତ୍ର ସଚିବ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଦେଶର ମାଓ ପ୍ରଭାବିତ ଝାଡ଼ଖଣ୍ଡ, ଓଡ଼ିଶା, ବିହାର, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ,
ଛତିଶଗଡ଼, ମହାରାଷ୍ଟ୍ର ରାଜ୍ୟର ନିରାପତ୍ତା ବ୍ୟବସ୍ଥାର ସମୀକ୍ଷା କରାଯାଇ ଏହି ନିଷ୍ପତି ନିଆଯାଇଛି ।

ବଲାଙ୍ଗିର, ନୂଆପଡ଼ା, କଳାହାଣ୍ଡି ଓ ବରଗଡ଼ ଜିଲ୍ଲାକୁ ସିକ୍ୟୁରିଟି ରିଲେଟେଡ୍ ଏକ୍ସପେଣ୍ଡିଚର (ଏସ୍ଆର୍ଏ) ଯୋଜନାରେ ସାମିଲ୍ କରିବା ପାଇଁ ରାଜ୍ୟ ସରକାରଙ୍କ ତରଫରୁ ପ୍ରସ୍ତାବ ଦିଆଯାଇଛି ।

ପଂଚାୟତ ନିର୍ବାଚନ ପାଇଁ ରାଜ୍ୟକୁ ଅଧିକ ଫୋର୍ସ ଯୋଗାଇ ବୋକୁ ରାଜ୍ୟ ଗୃହ ସଚିବ ଉପେନ୍ଦ୍ରନାଥ ବେହେରା ବୈଠକରେ ଯୋଗେଇ କହିଛନ୍ତି ।

ଓଡ଼ିଶା ଡ଼ଟ୍ କମ୍

Leave a Reply

This site uses Akismet to reduce spam. Learn how your comment data is processed.