Site icon Odisha.com

ବିଧାୟକଙ୍କ ମୁକ୍ତି ନେଇ ପୁଣି ସମୟସୀମା ଦେଲେ ମାଓବାଦୀ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅପ୍ରେଲ ୧୫(ଓଡ଼ିଶା ଡ଼ଟ୍ କମ୍) ଅପହୃତ ବିଧାୟକଙ୍କ ମୁକ୍ତି ପାଇଁ ଆସନ୍ତା ବୁଧବାର୧୮ ତାରିଖ ସୁଦ୍ଧା ସେମାନଙ୍କ ଦାବି ପୂରଣ କରିବାକୁ ମାଓବାଦୀମାନେ ରବିବାର ପୁଣିଦିନ ଧାର୍ଯ୍ୟ କରିଛନ୍ତି ।

ଆସନ୍ତା ୧୮ ତାରିଖ ୨୯ ଜଣ ବନ୍ଦୀଙ୍କୁ ଧରି କୋରାପୁଟ ଜିଲ୍ଲା ବାଲିପେଟାକୁ ଆସିଲେ ବିଧାୟକଙ୍କୁ ହସ୍ତାନ୍ତର କରାଯିବ ବୋଲି ମାଓନେତ୍ରୀ ଅରୁଣା କେତେକ ଗଣମାଧ୍ୟମକୁ ପଠାଇଥିବା ବାର୍ତାରେ କହିଛନ୍ତି ।

ମାଓବାଦୀମାନେ ୩୦ ଜଣ ବନ୍ଦୀଙ୍କୁ ଖଲାସ କରିବାକୁ ଦାବି କରିଆସୁଥିବା ବେଳେ ବିଭିନ୍ନ ମାମଲାରେ ଜଡ଼ିତ ମାଓନେତା ଘାସିକୁ ଖଲାସ କରାଯାଇ ପାରିବ ନାହିଁ ବୋଲି ସରକାର କହିବା ପରେ ସେମାନେ ଏହି ନୂଆ ସମୟସୀମା ଧାର୍ଯ୍ୟ କରିଛନ୍ତି ।

କୋରାପୁଟ ଜିଲ୍ଲା ଲକ୍ଷ୍ମୀପୁର ନିର୍ବାଚନ ମଣ୍ଡଳୀରୁ ପ୍ରତିନିଧିତ୍ୱ କରୁଥିବା ୩୭ ବର୍ଷ ବୟସ୍କ ବିଧାୟକ ଝିନ୍ନ ହିକକାଙ୍କୁ ସିପିଆଇ ମାଓବାଦୀ ସଂଗଠନର ଆନ୍ଧ୍ର ଓଡ଼ିଶା ବୋର୍ଡ଼ର ସ୍ପେଶାଲ ଜୋନାଲ କମିଟି ଗତ ମାର୍ଚ୍ଚ ୨୪ରେ ଅପହରଣ କରିନେଇଲା ।

ପୂର୍ବରୁ ବିଧାୟକଙ୍କ ମୁକ୍ତି ପାଇଁ ସେମାନେ ୧୦ ତାରିଖକୁଦିନ ଧାର୍ଯ୍ୟ କରିଥିଲେ । ମାଓବାଦୀଙ୍କ ଦାବି ଅନୁଯାୟୀ ଖଲାସ ହେବାକୁ ଥିବା ବନ୍ଦୀମାନଙ୍କ ମଧ୍ୟରୁ ଅଧିକାଂଶ ଚାଷୀମୂଲିଆ ଆଦିବାସୀ ସଂଗଠନର ସଦସ୍ୟ ।

ଓଡ଼ିଶା ଡ଼ଟ୍ କମ୍

Exit mobile version