ଓଡିଶା ନ୍ୟୁଜ/ Odisha News
ଓଡିଶା ଖବରମୁଖ୍ୟ ଖବର

ବିଧାୟକଙ୍କ ମୁକ୍ତି ପାଇଁ ବିଜେଡି ସାଂସଦଙ୍କ ନିବେଦନ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ଅପ୍ରେଲ ୨୫(ଓଡ଼ିଶା ଡ଼ଟ୍ କମ୍) ଅପହୃତ ଲକ୍ଷ୍ମୀପୁର ବିଧାୟକ ଝିନ୍ନ ହିକକାଙ୍କ ନିରାପଦ ମୁକ୍ତି ପାଇଁ ବୁଧବାର ବିଜେଡି ସାଂସଦମାନେ ସଂସଦ ପରିସରରେ ଥିବା ଗାନ୍ଧୀମୂର୍ତି ସମ୍ମୁଖରେ ଏକତ୍ରିତ ହୋଇ ମାଓବାଦୀଙ୍କୁ ନିବେଦନ କରିଛନ୍ତି ।

ହିକ୍କାଙ୍କ ଫଟୋ ଥିବା ପ୍ଲାକାର୍ଡ଼ ଧରି ସେମାନେ ମାଓବାଦୀମାନେ ଏଭଳି କାର୍ଯ୍ୟ ନକରି ସମାଜର ମୁଖ୍ୟ ସ୍ରୋତରେ ସାମିଲ ହୁଅନ୍ତୁ ବୋଲି କହିଛନ୍ତି ।

ବର୍ତମାନ ମାଓବାଦୀମାନେ ବରିଷ୍ଠ ଅଧିକାରୀ ଓ ବିଧାୟକଙ୍କୁ ଅପହରଣ କରୁଛନ୍ତି । ଏହା କେବଳ ଓଡ଼ିଶାର ନୁହେଁ ସମଗ୍ର ଦେଶର ସମସ୍ୟା ହୋଇଥିବାରୁ କେନ୍ଦ୍ର ସରକାର ଏହାକୁ ଗୁରୁତର ସହ ବିଚାର କରିବାକୁ ସେମାନେ କହିଛନ୍ତି ।

ଏଥିରେ ସାଂସଦ ପ୍ୟାରୀମୋହନ ମହାପାତ୍ର, ବୈଜୟନ୍ତ ପଣ୍ଡା, ଅର୍ଜୁନ ଚରଣ ସେଠୀ, ବୈଷ୍ଣବ ଚରଣ ପରିଡ଼ା, ଶଶିଭୂଷଣ ବେହେରା, ପିନାକୀ ମିଶ୍ର, ଭତୃୃହରି ମହତାବ, ପ୍ରସନ୍ନ ପାଟ୍ଟଶାଣୀ, ମୋହନ ଜେନା, କଳିକେଶ ସିଂହେଓ, ଦିଲ୍ଲୀପ ତିର୍କୀ ଓ ମଙ୍ଗଳା କିଷାନ ପ୍ରମୁଖ ଯୋଗ ଦେଇଥିଲେ ।

ସେହିପରି ଭୁବନେଶ୍ୱର ସ୍ଥିତ ଗାନ୍ଧୀ ପାର୍କ ଠାରେ ବିଜେଡ଼ି ବିଧାୟକ, କର୍ମୀମାନେ ବିଭିନ୍ନ ପ୍ଲାକାର୍ଡ଼ ଧରି ଧାରଣା ଦେବା ସହ ବିଧାୟକଙ୍କ ମୁକ୍ତି ପାଇଁ ନିବେଦନ କରିଥିଲେ ।

ଓଡ଼ିଶା ଡ଼ଟ୍ କମ୍