ମୁଖ୍ୟ ଖବର

ବାଲୁକା କଳା ଚାମ୍ପିୟନସିପ୍ ରେ ସୁଦର୍ଶନଙ୍କୁ ପ୍ରଥମ ପୁରସ୍କାର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ମଇ ୩୧(ଓଡ଼ିଶା ଡ଼ଟ୍ କମ୍),ଡ଼େନ୍ମାର୍କ ରାଜଧାନୀ କୋପେନ୍ହାଗେନ୍ ଠାରେ ହୋଇଥିବା ଆନ୍ତର୍ଜାତିକ ବାଲୁକା କଳା ଚାମ୍ପିୟନସିପ୍ ରେ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ପ୍ରଥମ ପୁରସ୍କାର ହାସଲ କରିଛନ୍ତି ।

ଗୁରୁବାର ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ସେଠାକାର କଲ୍ଚରାଲ ମେୟର ସୁଦର୍ଶନଙ୍କୁ ଏହି ପୁରସ୍କାର ପ୍ରଦାନ କରିଥିବା ବେଳେ ରୁଷିଆ ରେ ଦ୍ୱିତୀୟ ଏବଂ ଆୟାଲ୍ୟାଣ୍ଡ ରେ ତୃତୀୟ ପୁରସ୍କାର ହାସଲ କରିଛି ।

ଗତ ୨୪ରୁ ୩୧ ତାରିଖ ପର୍ଯ୍ୟନ୍ତ ଆଠଦିନ ବ୍ୟାପୀ ହୋଇଥିବା ଏହି ଚାମ୍ପିୟନସିପ୍ ରେ ସୁଦର୍ଶନଙ୍କ ବ୍ୟତୀତ ଅନ୍ୟ ନଅଟି ସହରର ପ୍ରତିଯୋଗୀ ଭାଗ ନେଇଥିଲେ । ପଟ୍ଟନାୟକ ୨୦ ଫୁଟ୍ ଉଚ୍ଚତା ବିଶିଷ୍ଟ କଳାକୃତି ତିଆରି କରିଥିଲେ ।

ସବୁବେଳେ ମୋ କଳା ଜରିଆରେ କିଛି ବାର୍ତା ଦେବାକୁ ଚେଷ୍ଟା କରିଥାଏ ଏବଂ ଏହି ପୁରସ୍କାର ପାଇ ବହୁତ ଖୁସି ବୋଲି ସୁଦର୍ଶନ କହିଛନ୍ତି ।

ଓଡ଼ିଶା ଡ଼ଟ୍ କମ୍