ମୁଖ୍ୟ ଖବର

ଚାରି ଏନ୍ସିପି ବିଧାୟକଙ୍କ ବିଜେଡ଼ିରେ ଯୋଗଦାନ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁନ୍ ୬(ଓଡ଼ିଶା ଡ଼ଟ୍ କମ୍) ଗତ ଏକ ସପ୍ତାହ ଧରି ରାଜ୍ୟ ରାଜନୀତି ସରଗରମ ରହିଥିବା ବେଳେ ମଙ୍ଗଳବାର ରାଷ୍ଟ୍ରବାୀ କଂଗ୍ରେସ ପାର୍ଟି(ଏନ୍ସିପି)ର ଚାରି ଜଣ ବିଧାୟକ ବିଜେଡ଼ିରେ ଯୋଗ ଦେଇଛନ୍ତି ।

ଗତ ୨୦୦୯ ସାଧାରଣ ନିର୍ବାଚନରେ ଏନ୍ସିପି ବିଜେଡ଼ି ସହ ମିଶି ନିର୍ବାଚନ ଲଢିଥିଲା । ଚାରି ଜଣ ବିଧାୟକ ହେଲେ ପ୍ରଶାନ୍ତ ନନ୍ଦ, ଅମର ପ୍ରସା ଶତପଥୀ, ନବୀନ ନନ୍ଦ ଏବଂ ରାମଚନ୍ଦ୍ର ହାଁସା ।

ଏନ୍ସିପିର ଚାରି ଜଣ ବରିଷ୍ଠ ବିଧାୟକ ବିଜେଡ଼ିରେ ଯୋଗ ଦେଇଥିବାରୁ ସେ ଆନନ୍ଦିତ ବୋଲି ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ମଙ୍ଗଳବାର ପୂର୍ବାହ୍ନରେ ବିଧାୟକ ଦଳ ବୈଠକରେ ଏହି ନିଷ୍ପତି ନିଆଯାଇଥିଲା ବୋଲି ଅମର ଶତପଥୀ କହିଛନ୍ତି ।

ପ୍ରଶାନ୍ତ ପୂର୍ବରୁ ବିଜେପି ବିଧାୟକ ଭାବେ ନବୀନଙ୍କ ମନ୍ତ୍ରୀମଣ୍ଡଳରେ ମନ୍ତ୍ରୀ ହୋଇ ପରବର୍ତୀ ସମୟରେ ଏନ୍ସିପିରେ ଯୋଗ ଦେଇଥିଲେ ଓ ନବୀନ, ଅମର ପୂର୍ବରୁ ବିଜେଡ଼ିରେ ଥିଲେ ।

ତେବେ ଏହି ବିଧାୟକଙ୍କ ଯୋଗଦାନ ପରେ ବିଧାନସଭାରେ ବିଜେଡ଼ିର ସଦସ୍ୟ ସଂଖ୍ୟା ୧୦୮ରେ ପହଂଚିଛି ।

ଓଡ଼ିଶା ଡ଼ଟ୍ କମ୍