ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁଲାଇ ୩(ଓଡ଼ିଶା ଡ଼ଟ୍ କମ୍) ଆସନ୍ତା ସେପ୍ଟେମ୍ବର ମାସରୁ ରାଜ୍ୟର ବିଭିନ୍ନ ସ୍ଥାନକୁ ବିମାନ ସେବା ଆରମ୍ଭ କରିବାକୁ ପ୍ରସ୍ତାବ ରଖାଯାଇଥିବା ମଙ୍ଗଳବାର ରାଜ୍ୟ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି ।
ସୋମବାର ମୁଖ୍ୟ ଶାସନ ସଚିବ ବିଜୟ ପଟ୍ଟାନୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏସଂପର୍କିତ ବୈଠକରେ ଏହି ନିଷ୍ପତି ନିଆଯାଇଥିବା ବେଳେ ବୈଠକରେ ଏୟାର ଇଣ୍ଡିଆ ପରିଚାଳନା ନିର୍ଦ୍ଦେଶକ ଓ ଅନ୍ୟ ଅଧିକାରୀମାନେ ଯୋଗ ଦେଇଥିଲେ ।
ରାଜ୍ୟ ଭିତରେ ଓ ରାଜ୍ୟ ରାଜ୍ୟ ମଧ୍ୟରେ ବିମାନ ସେବା ପାଇଁ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଆବଶ୍ୟକ ଅନୁମୋନ ଓ ପ୍ରମାଣପତ୍ର ପ୍ରଦାନ କରିସାରିଛନ୍ତି ।
ଏୟାର ଇଣ୍ଡିଆ ପକ୍ଷରୁ ବିଭିନ୍ନ ଅଞ୍ଚଳକୁ ଏହି ସେବା ଯୋଗାଇ ଦିଆଯିବ । ଭୁବନେଶ୍ୱର-ରାଉରକେଲା-କଲିକତା, ଭୁବନେଶ୍ୱର-ଝାରସୁଗୁଡ଼ା-କଲିକତା, ଭୁବନେଶ୍ୱର-ଭାଇଜାଗ୍-ରାୟପୁର ମଧ୍ୟରେ ପ୍ରଥମେ ବିମାନ ଚଳାଚଳ କରିବାକୁ ଯୋଜନା କରାଯାଇଛି ।
ଏହାବ୍ୟତୀତ କୋରାପୁଟ, ଅନୁଗୁଳ, ଝାରସୁଗୁଡ଼ା ଓ ଭୁବନେଶ୍ୱର ସହିତ ସଂଯୋଗ କରିବା ଦିଗରେ ଆବଶ୍ୟକ ପଦକ୍ଷେପ ନେବାକୁ ପ୍ରସ୍ତାବ ଦିଆଯାଇଥିବା ସେ କହିଛନ୍ତି । ଶୀତ ଋତୁରେ ତିରୁପତି ଓ ଶିରିଡ଼ିକୁ ବିମାନ ସେବା ଆରମ୍ଭ କରିବାକୁ ଯୋଜନା କରାଯାଇଛି ।
ବର୍ତମାନ ଦଶ ଆସନ ବିଶିଷ୍ଟ ଏୟାର କ୍ରାଫ୍ଟ ଚଳାଚଳ କରିବ ଓ ପରବର୍ତୀ ସମୟରେ ଆବ୍ୟକତାକୁ ଦୃଷ୍ଟିରେ ରଖି ୧୯ ଆସନ ବିଶିଷ୍ଟ ଏୟାର କ୍ରାଫ୍ଟ ଚାଲିବ ବୋଲି ସେ କହିଛନ୍ତି ।
ଓଡ଼ିଶା ଡ଼ଟ୍ କମ୍