ଓଡିଶା ନ୍ୟୁଜ/ Odisha News
ଓଡିଶା ଖବରସାହିତ୍ୟ

ଡ.ହୃଷିକେଶ ପଣ୍ଡା ପାଇଲେ ଶାରଳା ପୁରସ୍କାର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅକ୍ଟେବର ୨୭(ଓଡ଼ିଶା ଡ଼ଟ୍ କମ୍) –ଡ.ହୃଷିକେଶ ପଣ୍ଡାଙ୍କୁ ତାଙ୍କର ‘ଗର୍ବ କରିବାର କଥା’ ଉପନ୍ୟାସ ପାଇଁ ଚଳିତ ବର୍ଷର ଶାରଳା ପୁରସ୍କାର ପ୍ରଦାନ କରାଯାଇଛି ।

ଶୁକ୍ରବାର ଦିନ ସ୍ଥାନୀୟ ଜୟଦେବ ଭବନରେ ଇଂପାକ୍ଟ ପକ୍ଷରୁ ଅନୁଷ୍ଠିତ ୩୩ତମ ଶାରଳା ପୁରସ୍କାର ପ୍ରଦାନ ସମାରୋହରେ ତାଙ୍କୁ ତାମ୍ରଫଳକ,ମାନପତ୍ର,ଉପନ୍ୟାସ ଓ ୨.୫ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି ।

ସେହିପରି ମର୍ଦ୍ଧଳ ବାଦକ ବନମାଳି ମହାରଣା,ସମାଜସେବୀ ପଦ୍ମରରଣ ନାୟକଙ୍କୁ ଉପାୟନ,ତାମ୍ରଫଳକ ଓ ୫୧ହଜାର ଟଙ୍କା ପ୍ରଦାନ କରାଯାଇଥିଲା ।

ଏହି ଉତ୍ସବରେ କେଂଦ୍ରୀୟ ସାହିତ୍ୟ ଏକାଡେମି ପୁରସ୍କାରପ୍ରାପ୍ତ ସାହିତ୍ୟିକ ବିଶ୍ୱନାଥ ତିୱାରୀ ମୁଖ୍ୟ ଅତିଥିରୂପେ ଯୋଗଦେଇଥିବା ବେଳେ ଇଂପାକ୍ଟର ସଭାପତି ଡ.ବଂଶୀଧର ପଣ୍ଡା,କାର୍ଯ୍ୟକାରୀ ସଭାପତି ପ୍ରଫେସର ଶାନ୍ତନୁ ଆଚାର୍ଯ୍ୟ,ସଂପାଦକ ପ୍ରଫେସର ରାଜକିଶୋର ମିଶ୍ର ପ୍ରମୁଖ ଉପସ୍ଥିତ ରହି ନିଜନିଜର ବକ୍ତବ୍ୟ ପ୍ରଦାନ କରିଥିଲେ ।

ଶାରଳା ଉପଦେଷ୍ଟା ବୋର୍ଡର ସଭ୍ୟ ପଦ୍ମଶ୍ରୀ ଶୀନିବାସ ଉଦ୍ଗତା ପ୍ରାରମ୍ଭିକ ଭାଷଣ ପ୍ରଦାନ କରିଥିଲେ । ଡ.ଆଦିକାନ୍ତ ସାହୁ ଧନ୍ୟବାଦ ଅର୍ପଣ କରିଥିବା ବେଳେ ଡ.ଇତିଶ୍ରୀ ଦେବୀ କାର୍ଯ୍ୟକ୍ରମ ପରିଚାଳନା କରିଥିଲେ ।

ଓଡ଼ିଶା ଡ଼ଟ୍ କମ୍

Leave a Reply

This site uses Akismet to reduce spam. Learn how your comment data is processed.