ଓଡିଶା ନ୍ୟୁଜ/ Odisha News
ଓଡିଶା ଖବର

ପୁଲିସ ଇନସପେକ୍ଟରଙ୍କ ଆତ୍ମହତ୍ୟା ଉଦ୍ୟମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବ୍ରହ୍ମପୁର, ନଭେମ୍ବର ୭ (ଓଡ଼ିଶା ଡ଼ଟ୍ କମ୍) -ଗଞ୍ଜାମ ଜିଲା ଆସିକା ଥାନାରେ ଅତିରିକ୍ତ ଆଇଆଇସି ଦାୟିତ୍ୱରେ ଥିବା ଇନସପେକ୍ଟର ଆର.କେ. ପଣ୍ଡା ମଙ୍ଗଳବାର ବିଳମ୍ବିତ ରାତିରେ କୀଟନାଶକ ପିଇ ଏକ ହୋଟେଲରେ ଆତ୍ମହତ୍ୟା ଉଦ୍ୟମ କରିଥିଲେ ।

ତାଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ବଡ଼ମେଡ଼ିକାଲରେ ଭର୍ତି କରାଯାଇଛି । ବ୍ରହ୍ମପୁରର ଗାନ୍ଧୀନଗର ଅଞ୍ଚଳରେ ଶ୍ରୀ ପଣ୍ଡାଙ୍କ ଘର । ଗତକାଲି ସନ୍ଧ୍ୟାରେ ଶ୍ରୀ ପଣ୍ଡା ହୋଟେଲ ‘ରାଧା’ ର ରୁମ ନଂ ୨୦୭ରେ ଫ୍ରେସ ହେବାକୁ କହି ରୁମରେ ରହିଥିଲେ ।

ସେ ଅନେକ ସମୟ ରୁମ ଭିତରେ ରହିବାରୁ ମାଲିକଙ୍କ ସନ୍ଦେହ ହୋଇଥିଲା । ତାପରେ ଦୀର୍ଘ ସମୟ ଧରି ରୁମ କବାଟକୁ ବାଡ଼େଇବା ପରେ ମଧ୍ୟ ସେ ରୁମ ନଖୋଲିବାରୁ ବାଧ୍ୟ ହୋଇ ପୁଲିସ ସହାୟତାରେ ରୁମର କବାଟ ଭଙ୍ଗାଯାଇ ତାଙ୍କୁ ରୁମ୍ ଭିତରୁ ଅଚେତ୍ ଅବସ୍ଥାରେ ଉଦ୍ଧାର କରାଯାଇ ଚିକିତ୍ସା ପାଇଁ ବ୍ରହ୍ମପୁର ବଡ଼ମେଡ଼ିକାଲରେ ଭର୍ତି କରାଯାଇଥିଲା ।

ଓଡ଼ିଶା ଡ଼ଟ୍ କମ୍

Leave a Reply

This site uses Akismet to reduce spam. Learn how your comment data is processed.