ଓଡିଶା ନ୍ୟୁଜ/ Odisha News
ଓଡିଶା ଖବର

ବନ୍ଦର ଦ୍ୱିତୀୟ ଦିନରେ କନ୍ଧମାଳ ଠପ୍

ଓଡିଶା ଡଟ୍ କମ୍ ସମ୍ବାଦଦାତା

ଫୁଲବାଣି,ନଭେମ୍ବର ୧୫(ଓଡ଼ିଶା ଡ଼ଟ୍ କମ୍)-କନ୍ଧମାଳ ଜିଲ୍ଲାରେ ଶିକ୍ଷା ସହାୟକ ନିଯୁକ୍ତି ପାଇଁ ପ୍ରକାଶିତ ଚୁଡାନ୍ତ ପ୍ରାର୍ଥି ତାଲିକାକୁ ବିରୋଧ କରି ବୌଦ୍ଧ ଓ କନ୍ଧମାଳ କ୍ରୀୟାନୁଷ୍ଠାନ କମିଟି ତରଫରୁ ଅନୁଷ୍ଠିତ ହୋଇଯାଇଛି ଦୁଇ ଦିନିଆ ବନ୍ଦ ପାଳନ ।

ପ୍ରଥମ ଦିନ ଅପେକ୍ଷା ଦ୍ୱିତୀୟ ଦିନରେ ବନ୍ଦର ପ୍ରଭାବ ବେଶୀ ଅନୁଭୁତ ହୋଇଛି । ଜି ଉଦୟଗୀରି ଓ କେନୂଆଗାଁରେ ମଧ୍ୟ ଏହି ବନ୍ଦ ପାଳନ ହୋଇଥିଲା । ବନ୍ଦ ପାଇଁ କଳିଙ୍ଗା ଘାଟି ସମେତ ଅନେକ ସ୍ଥାନରେ ଓ ରାସ୍ତାରେ ଗଛ ପକାଯାଇ ଗାଟି ମଟର ଅଟକାଯାଇଥିଲା ।

ଏହି ବନ୍ଦ ଯୋଗୁଁ ସମ୍ପୂର୍ଣ୍ଣ କନ୍ଧମାଳ ଠପ୍ ହୋଇଯାଇଥିଲା । ଲୋକମାନେ ଏହି ବନ୍ଦରେ ସ୍ୱତଃପୃତ ଭାବେ ସାମିଲ ହୋଇଛନ୍ତି । ଗତକାଲି ପରି ଆଜି ମଧ୍ୟ ଜିଲ୍ଲାରେ ଗାଡି ଚଳାଚଳ ବନ୍ଦ ରହିଛି ।

ଫୁଲବାଣି, ଟିକାବାଲି, ଦାରିଙ୍ଗିବାଡି, ଖଜୁରିପଡା ଆଦି ସହରରେ ଦୋକାନ ବଜାର ସଂପୂର୍ଣ୍ଣ ବନ୍ଦ ରହିଛି । ସହରରେ ଦୋକାନ ବଜାର ସଂପୂର୍ଣ୍ଣ ବନ୍ଦ ରହିଥିବା ବେଳେ ଗାଡି ଚଳାଚଳ ମଧ୍ୟ ବନ୍ଦ ରହିଛି ।

ଫୁଲବାଣୀରୁ ବ୍ରହ୍ମପୁର, ଭଞ୍ଜନଗର, ରାୟଗଡା ଭୁବନେଶ୍ୱରକୁ ମଧ୍ୟ ଗାଡିଚଳାଚଳ ବନ୍ଦ ରହିଛି । ଏହା ଦ୍ୱାରାସାଧାରଣ ଜୀବନଯାତ୍ରା ପ୍ରଭାବିତ ହୋଇଛି । ଯାତ୍ରୀମାନେ ନାହିଁ ନଥିବାର ଅସୁବିଧାର ସମ୍ମୁଖିନ ହୋଇଛନ୍ତି ।

ଏହି ବନ୍ଦ ଯୋଗୁଁ ଆଜି ସାମାନ୍ୟ ଉତେଜନା ପ୍ରକାଶ ପାଇଛି । ଆଜି କ୍ରିୟାନୁଷ୍ଠାନ କମିଟିର ସାଧାରଣ ସଂପାଦକ ଅନାମ ନାୟକଙ୍କୁ ଗିରଫ କରାଯାଇଛି । ରାସ୍ତାରୋକ, କଲେଜ କ୍ୟାଟିଂନରେ ଭଙ୍ଗାରୁଜା ଆଦି ମାମଲା ତାଙ୍କ ନାମରେ ରୁଜୁ ହୋଇଛି ।

ଅନାମଙ୍କ ଗିରଫକୁ ନେଇ ଆଜି ଫୁଲବାଣୀ ସହରରେ ଉତେଜନା ପ୍ରକାଶ ପାଇଛି । ଦୋକାନ ବଜାର ବନ୍ଦକୁ ନେଇ ଦୁଇ ପରସ୍ପର ବିରୋଧି ଗୋଷ୍ଠି ମୁହାଁମୁହିଁ ହୋଇଛନ୍ତି ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.