ଓଡିଶା ଡଟ୍ କମ୍ ସମ୍ବାଦଦାତା
ଭୁବନେଶ୍ୱର,ନଭେମ୍ବର ୨୫(ଓଡିଶା ଡଟ୍ କମ୍)- ଓଡିଶା ଗସ୍ତରେ ଆସିଥିବା ସାଧାରଣ ସଂପାଦକ ଦିଗ୍ବିଜୟ ସିଂ ରାଜ୍ୟ ସରକାରଙ୍କ ଖଣି ଦୁର୍ନୀତି ନେଇ ତୀବ୍ର ସମାଲୋଚନା କରିଥିବା ବେଳେ ଏଫ୍ଡିଆଇ ପ୍ରସଙ୍ଗରେ ବିଜେଡିର ସମର୍ଥନ ପାଇଁ ଅନୁରୋଧ କରିଛନ୍ତି ।
ଏକ୍ସ୍ସେସ୍ ମାଇନିଂ ନେଇ ଓଡିଶା ସରକାର ୭୦ ହଜାର କୋଟି ଟଙ୍କାର ଜୋରିମାନା ପାଇଁ ନୋଟିସ୍ ଦେଇଥିବା ବେଳେ ପୂର୍ବରୁ ମୁଖ୍ୟମନ୍ତ୍ରୀ କଣ କରୁଥିଲେ । ରାଜ୍ୟରେ ଦୀର୍ଘ ୧୨ବର୍ଷ ଧରି ବିଜେଡି ସରକାର ଚାଲିଥିବା ବେଳେ ଖୋଲାଖୋଲି ଭାବରେ କୋଇଲା ଦୁର୍ନୀତି ହୋଇଥିଲା । ସେତେବେଳେତ ତାଙ୍କରି ମନ୍ତ୍ରୀମାନେ ଥିଲେ । କାହିଁକି ସେମାନେ ପଦକ୍ଷେପ ନେଉ ନଥିଲେ ବୋଲି ସିଂ ପ୍ରଶ୍ନ କରିଛନ୍ତି ।
ସେହିଭଳି ସାହା କମିଶନ ବିନା ଲିଜ୍ ରେ ହୋଇଥିବା ମାଇନିଂ ଉପରେ ତଦନ୍ତ କରିବାକୁ ସେ କମିଶନଙ୍କୁ ଅନୁରୋଧ କରିବେ ବୋଲି ସେ କହିଛନ୍ତି ।
ରାଜ୍ୟ ସରକାର କୃଷି ଉପରେ ଗୁରୁତ୍ୱ ଦେଉନାହାଁନ୍ତି । କେନ୍ଦ୍ର ସରକାର ଖୁଚୁରା ବ୍ୟବସାୟ କ୍ଷେତ୍ରରେ ୫୧% ପ୍ରତ୍ୟକ୍ଷ ବିଦେଶୀ ପୁଞ୍ଜି ନିବେଶକୁ ଅଗ୍ରାଧିକାର ଦେଇଥିବାରୁ ଏହା ଦେଶପାଇଁ ଭଲ । କୋଇଲା ବ୍ଲକ ଆବଣ୍ଟନରେ କୌଣସି ଦୁର୍ନୀତି ହୋଇନାହିଁ ବୋଲି ସିଂ ପ୍ରକାଶ କରିଛନ୍ତି ।
ଓଡିଶା ଡଟ୍ କମ୍
