ଓଡିଶା ଖବର

ବଡଦିନ ପାଇଁ କନ୍ଧମାଳରେ ବ୍ୟାପକ ସୁରକ୍ଷା ବ୍ୟବସ୍ଥା

ଓଡିଶା ଡଟ୍ କମ୍ ସମ୍ବାଦଦାତା

ଫୁଲବାଣୀ ,ଡିସେମ୍ବର ୨୪(ଓଡିଶା ଡଟ୍ କମ୍)-ମଙ୍ଗଳବାର ପବିତ୍ର ବଡଦିନ । ସୁନ୍ଦର ତୋରଣ ଓ ରଙ୍ଗିନ ଆଲୋକମାଳାରେ ଝଲସି ଉଠୁଛି କନ୍ଧମାଳର ସମସ୍ତ ଚର୍ଚ୍ଚ । କଟକ ଓ ଭୁବନେଶ୍ୱରରେ ମଧ୍ୟ ଯାକଯକମରେ ଓ ଆନନ୍ଦ ଉଲ୍ଲାସର ସହିତ ଆରମ୍ଭ ହୋଇଯାଇଛି ଏକ୍ସ ମାସ ପର୍ବ ।

ସୋମବାର ଦିନ ବିଳମ୍ବିତ ରାତ୍ରୀରେ ଆରମ୍ଭ ହେବ ପ୍ରଭୃ ଯୀଶୁଙ୍କ ଜନ୍ମ ଉତ୍ସବ । ସେଥିପାଇଁ ସାରା ରାଜ୍ୟରେ ଥିବା ଚର୍ଚ୍ଚମାନଙ୍କରେ ରାତ୍ରୀଠାରୁ ଆରମ୍ଭ ହେବ ସାମୁହିକ ପ୍ରାର୍ଥନା ସଭା । ସେଥିପାଇଁ ଆଇନଶୃଙ୍ଖଳା ଦୃଷ୍ଟିରୁ ଫୁଲବାଣୀ ସମସ୍ତ ରାଜ୍ୟର ସମସ୍ତ ଜିଲ୍ଲାମାନଙ୍କରେ ଥିବା ଚର୍ଚ୍ଚ ଓ ପ୍ରାର୍ଥନା ଗୃହଗୁଡିକରେ ପୋଲିସ ମୁତୟନ କରାଯାଇଛି ।

ଫୁଲବାଣୀରୁ କଦୁଇ ସମାଜ ସମନ୍ୱୟ ତରଫରୁ ବନ୍ଦର ଡାକର ଦିଆଯାଇଥିବାରୁ ଆଶା ଓ ଆଶଙ୍କାରେ ଅଛନ୍ତି ଖ୍ରୀଷ୍ଟିୟ ଭାଇ ଭଉଣୀମାନେ । ତେବେ ଜିଲ୍ଲା ପ୍ରଶାସନ ପକ୍ଷରୁ ଶାନ୍ତିଶୃଙ୍ଖଳାର ସହ ବଡଦିନ ପର୍ବ ପାଳିତ ହେବ ସେଥିପାଇଁ ବ୍ୟାପକ ପଦକ୍ଷେପ ଗ୍ରହଣ କରାଯାଇଛି ।

କୌଣସି ପରିସ୍ଥିତିରେ ଭୟଭୀତ ନହୋଇ ଆନନ୍ଦ ଉଲ୍ଲାସର ସହ ଧୂମଧାମରେ ବଡଦିନ ପର୍ବ ପାଳନ କରିବାକୁ ପରାମର୍ଶ ଦିଆଯାଇଛି । ବନ୍ଦ ଡାକରା ସଂପର୍କରେ ଜିଲ୍ଲା ପ୍ରଶାସନ ପକ୍ଷରୁ କୌଣସି ସୂଚନା ନାହିଁ କିମ୍ବା ବନ୍ଦ ହେବ ନାହିଁ ବୋଲି ଜିଲ୍ଲାପାଳ ଭୂପିନ୍ଦର ସିଂ ପୁନିଆ ସ୍ଥାନୀୟ ଡିଆରଡିଏ ସମ୍ମିଳନୀ କକ୍ଷରେ ଅନୁଷ୍ଠିତ ଜିଲ୍ଲାସ୍ତରୀୟ ଶାନ୍ତି କମିଟି ବୈଠକରେ ସୂଚନା ଦେଇଥିଲେ ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.