ଓଡିଶା ଡଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡିସେମ୍ବର ୨୫(ଓଡିଶା ଡଟ୍ କମ୍)-ଚଳିତବର୍ଷ ରାଜ୍ୟରେ ୪୧ଟି ଦମକଳ କେନ୍ଦ୍ର ଖୋଲାଯିବ । ଏ ସଂକ୍ରାନ୍ତରେ ଆସିଥିବା ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି ।
ରାଜ୍ୟର ପ୍ରତି ବ୍ଳକରେ ଦମକଳ କେନ୍ଦ୍ର ଖୋଲିବା ପାଇଁ ସରକାର ନିଷ୍ପତି ଗ୍ରହଣ କରିଛନ୍ତି । ତଦନୁଯାୟୀ ଦମକଳ କେନ୍ଦ୍ର ନଥିବା ବ୍ଲକମାନଙ୍କ ମଧ୍ୟରୁ ୪୧ଟି ବ୍ଲକରେ ୨୦୧୨-୧୩ ଆର୍ଥିକ ବର୍ଷରେ ଦମକଳ କେନ୍ଦ୍ର ଖୋଲାଯିବ ।
ଏଥିପାଇଁ ୬୧୫ଜଣ କର୍ମଚାରୀଙ୍କ ନିଯୁକ୍ତି ପ୍ରକ୍ରିୟା ଆରମ୍ଭ କରିବାକୁ ସରକାର ନିଷ୍ପତି ନେଇଛନ୍ତି । ତନ୍ମଧ୍ୟରୁ ୪୧ଜଣ ଷ୍ଟେସନ ଅଫିସର, ୮୨ଜଣ ଲିଡ଼ିଂ ଫାୟାରମ୍ୟାନ, ୮୨ଜଣ ଡ୍ରାଇଭର ହାବିଲଦାର ଏବଂ ୪୦ଜଣ ଫାୟାରମ୍ୟାନ ପଦରେ ନିଯୁକ୍ତି ପାଇବେ ।
ଓଡିଶା ଡଟ୍ କମ୍
