ଓଡିଶା ନ୍ୟୁଜ/ Odisha News
ଓଡିଶା ଖବର

ଶିଶୁମାନଙ୍କର ଅଧିକାରକୁ ସାବ୍ୟସ୍ତ କରିବାର ସମୟ: ଆଲୋଚନାଚକ୍ର

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୨୭(ଓଡିଶା ଡଟ୍ କମ୍ )-“ଭାରତରେ ପ୍ରତି ୮ଜଣରେ ଜଣେ ଶିଶୁ ବସ୍ତିରେ ରୁହେ, ଏବେ ଆମେ ସୁରକ୍ଷିତ ବାସସ୍ଥାନ, ଉପଯୁକ୍ତ ପରିମଳ ବ୍ୟବସ୍ଥା, ପାନୀୟ ଜଳ, ଖେଳକୁଦ ପାଇଁ ଉପଯୁକ୍ତ ଯାଗା ପରି କେତେକ ବିଷୟରେ ଶିଶୁମାନଙ୍କର ଅଧିକାରକୁ ସାବ୍ୟସ୍ତ କରିବାର ସମୟ ଉପନୀତ”ଏହା କହିଛନ୍ତି ବଣ୍ଣାର୍ଡ ଭାନ ଲିୟର ଫାଉଣ୍ଡେସନ(ବିଭିଏଲ୍ଏଫ୍)ର ଭାରତ ପ୍ରତିନିଧି ଶ୍ରୀମତୀ ଧରିତ୍ରୀ ପଟନାୟକ ।

ସହରକୁ ପ୍ରତିଦିନ ଶହ ଶହ ଲୋକ କାମ ଧନ୍ଧା ସଂନ୍ଧାନରେ ଆସୁଥିବାରୁ ସହରଞ୍ଛଳରେ ବସ୍ତିମାନଙ୍କର ସଂଖ୍ୟା ବଢ଼ୁଛି । ସେ ପରିପ୍ରେକ୍ଷୀରେ କମ ବ୍ୟୟରେ ସୁସ୍ଥ ଶୈଶବ ଲାଗି ବୈଷୟିକ କୈାଶଳର ପ୍ରୟୋଗ ବଳରେ ଆଦର୍ଶ ବସ୍ତି ଗଠନ ଶୀର୍ଷକରେ ଆୟୋଜିତ ଆଲୋଚନା ଚକ୍ରରେ ଶ୍ରୀମତୀ ପଟନାୟକ ଏହା କହିଛନ୍ତି ।

ମୁଖ୍ୟ ଅତିଥୀ ଭାବେ ଯୋଗ ଦେଇ ଭୁବନେଶ୍ୱର ମ୍ୟୁନିସିପାଲଟିର କମିଶନର ସଂଞ୍ଜୀବ କୁମାର ମିଶ୍ର କହିଥିଲେ ଯେ ବୈଷୟିକ ଶକ୍ତିର ଉପଯୁକ୍ତ ବଂଟନ ତଥା ବ୍ୟବହାର କରାଯାଇପାରିଲେ ଏଠାରେ ଅନୁଷ୍ଠିତ ବସ୍ତି ବାସିନ୍ଦାଙ୍କ ବିଭିନ୍ନ ସମସ୍ୟା ତଥା ବିଶେଷକରି ଶିଶୁ ମାନଙ୍କର ସୁସ୍ଥ ତଥା ନିରାପଦ ଶୈଶବ ସୁରକ୍ଷିତ ହୋଇପାରିବ ।

ସହରାଂଚଳ ବସ୍ତିର ପିଲାମାନଙ୍କୁ ସୁସ୍ଥ ଓ ସୁରକ୍ଷିତ ବାତାବରଣ ପ୍ରଦାନ କରିବାର ଚେଷ୍ଟା କରୁଥିବା ହମାରା ବଚପନ କ୍ୟାମ୍ପେନକୁ ଆହୁରି ସୁଦୃଢ଼ କରିବା ପାଇଁ ପ୍ରାକ୍ଟିକାଲ ଆକ୍ସନ ଓ ରୁଚିକା ସାମାଜିକ ସେବା ସଂଗଠନ ଦ୍ୱାରାଆୟୋଜନ କରାଯାଇଥିବା ଏହି ଆଲୋଚନା ଚକ୍ରରେ ଭରତପୂର ବସ୍ତି ବାସିନ୍ଦା ଦେବାଶିଷ ନାୟକ କୁହନ୍ତି, “କେବଳ ଯେ ଗୁଡାଏ ଯୋଜନାର ପ୍ରଣୟନରେ ବସ୍ତିର ପିଲାଙ୍କ ସମସ୍ୟା ସମାଧାନ ହେବନି ବରଂ ଏକ ଦିର୍ଘସ୍ଥାୟୀ ସମାଧାନର ପନ୍ଥାର ଆବଶ୍ୟକତା ରହିଛି ।”

ସ୍ଥାନୀୟ ସଂଗଠନ ରୁଚିକା ସହାୟତାରେ ଆର୍ନ୍ତଜାତୀୟ ଅନୁଷ୍ଠାନ ପ୍ରାକ୍ଟିକାଲ ଆକ୍ସନ ଓ ସହଯୋଗର ହାତ ବଢ଼ାଇଥିବା (ବିଭିଏଲ୍ଏଫ୍) ଦଦ୍ୱାରାଅଗାମୀ ଦିନରେ ରାଜଧାନୀର ବିଭିନ୍ନ ବସ୍ତିରେ ପରୀକ୍ଷାମୂଳକ ଭାବେ କମ୍ ବ୍ୟୟରେ ବୈଷୟିକ କୈାଶଳ ମାଧ୍ୟମରେ ପାନୀୟ ଜଳ ତଥା ପରିମଳ ବ୍ୟବସ୍ଥାର ସୁଧାର ଆଣିବା ଦିଗରେ କାର୍ଯ୍ୟକରିବେ । ପ୍ରାଥମିକ ଭାବେ ତିନୋଟି ବସ୍ତି ଯଥା ଭରତପୁର ବସ୍ତି, ଡୁୂମଡୁମା ରଘୁନାଥ ବସ୍ତି ଓ ଡୁମଡୁମା ଶାସ୍ତ୍ରୀ ବସ୍ତିରେ କାର୍ଯ୍ୟ ଆରମ୍ଭ କରାଯିବ ।

“ହମାରା ବଚପନ” କ୍ୟାମ୍ପେନ୍ରେ ଆମେ ସହରାଚଂଳ ବସ୍ତିରେ ଶିଶୁ ମାନଙ୍କ ଚଳପ୍ରଚଳ ଲାଗି ଉପଯୋଗୀ ବାତାବରଣର ଆବଶ୍ୟକତା ତଥା ପାନୀୟ ଜଳ, ପରିମଳ, ବର୍ଜ୍ୟବସ୍ତୁ ପରିଚାଳନା ଆଦିରେ ଶିଶୁମାନଙ୍କ ସ୍ୱାସ୍ଥ୍ୟଗତ ବିଷୟକୁ ଧ୍ୟାନ ଦିଆଯାଇ ସଚେତନତା କରାଯାଉଛି ।

ଏହା ଦଦ୍ୱାରା୪୦ % ଜଳଜନିତ ରୋଗକୁ ଦୂର କରାଯାଇପାରିବ ବୋଲି ହମାରା ବଚପନର କ୍ୟମ୍ପେନ ମୁଖ୍ୟ ମିହିର ମହାନ୍ତି କହିଛନ୍ତି । ଆଜିର ଆଲୋଚନା ଚକ୍ରରେ ପ୍ରାକ୍ଟିକାଲ ଆକ୍ସନର ଭାରତ ମୁଖ୍ୟ ଶିଖା ଶ୍ରିବାସ୍ତବ, ନେପାଳ ମୁଖ୍ୟ ଶିରିଶ ସିଂ ତଥା ବିନୟ ରାଜ ଶ୍ରେଷ୍ଠା ପ୍ରମୁଖ ଯୋଗ ଦେଇ ପ୍ରାକ୍ଟିକାଲ ଆକ୍ସନର ନେପାଳ ଓ ଅନ୍ୟାନ କାର୍ଯ୍ୟକ୍ରମ ବିଷୟରେ ସୂଚନା ଦେଇଥିଲେ । ସେହିପରି ରୁଚିକାର ବରିଷ୍ଠ ଅଧିକାରୀ ପ୍ରଫେସର ନାରାୟଣ ରାଓ ମଧ୍ୟ ନିଜ ମତପୋଷଣ କରିଥିଲେ ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.