Site icon Odisha.com

ଛୋଟଦାନା ଶସ୍ୟ ସଂରକ୍ଷଣ ସଂକ୍ରାନ୍ତରେ ରାଜ୍ୟସ୍ତରୀୟ କର୍ମଶାଳା

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଜାନୁଆରୀ ୧(ଓଡିଶା ଡଟ୍ କମ୍ )-ସ୍ୱେଚ୍ଛାସେବୀ ସଂଗଠନ ‘ନିର୍ମାଣ’ ପକ୍ଷରୁ ମାଣ୍ଡିଆ, ସୁଅାଁ, ଗୁର୍ଜୀ, କୋଶଳାଜାତୀୟ ଛୋଟଦାନା ଶସ୍ୟଦ୍ୱାରା ଖାଦ୍ୟ ଓ ପୁଷ୍ଟିର ସୁରକ୍ଷା ସଂକ୍ରାନ୍ତରେ ଏକ ରାଜ୍ୟସ୍ତରୀୟ କର୍ମଶାଳା ଭୁବନେଶ୍ୱରଠାରେ ଅନୁଷ୍ଠିତ ହୋଇଯାଇଛି ।

କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ବ୍ଲକ୍ ଅନ୍ତର୍ଗତ ଗୁମ୍ମା ପଞ୍ଚାୟତର ସଂରକ୍ଷଣ ୨୦୧୨ମସିହାରୁ ଆରମ୍ଭ ହୋଇଛି । ଲୋପ ପାଇଯାଇଥିବା ୧୨ପ୍ରକାର ଶସ୍ୟକୁ କୋରାପୁଟ, ରାୟଗଡ଼ା ଓ କନ୍ଧମାଳ ଜିଲ୍ଳା ଆଦି ଅଞ୍ଚଳର ଚାଷୀଙ୍କଠାରୁ ଅଣାଯାଇ ହଜିଯାଇଥିବା ବିହନ ଓ ଫସଲର ପୁନଃଉଦ୍ଧାର କରାଯାଇ ପାରିଛି ।

ନୂଆମୁଣ୍ଡା ଗାଁର ଚାଷୀ ବାକିରାମ ମାଝୀ ପ୍ରଥମେ କହିଥିଲେ ପୂଜାପର୍ବରେ ବ୍ୟବହାର କରାଯାଏ । ବର୍ଷାର ଅନିୟମିତତା ଯୋଗୁଁ ଗୋଟିଏ ବର୍ଷ ଅମଳ ନହେବା ଯୋଗୁଁ ବିହନ ମଧ୍ୟ ବୁଡ଼ି ଯାଇଥିଲା ।

ଏହି ଲୋପ ପାଇଯାଇଥିବା ଅଥବା ଲୋପ ପାଇଆସୁଥିବା ବିହନସବୁର ସଂରକ୍ଷଣ ସକାଶେ ସ୍ୱେଚ୍ଛାସେବୀ ସଙ୍ଗଠନ ‘ନିର୍ମାଣ’ର ସହଯୋଗରେ ନିହାତି ପକ୍ଷେ ଜରୁରୀ ଥିଲା ବୋଲି ସମସ୍ୱରରେ କହିଥିଲେ ।

ଓଡ଼ିଶା କୃଷି ବୈଷୟିକ ବିଶ୍ୱବିଦ୍ୟାଳୟର ବୈଜ୍ଞାନିକ ପ୍ରଫେସର ବଳରାମ ସାହୁ ଛୋଟ ପୌଷ୍ଟିକ ଉପକାରିତା ସଂପର୍କରେ ଏକ ଉପସ୍ଥାପନା କରିବା ସହ ନିଜେ ଛୋଟ ଅନୁଭବକୁ ବ୍ୟକ୍ତ କରିଥିଲେ ।

ସେ ଆହୁରି ମଧ୍ୟ କହିଥିଲେ ଏହା ଏକ ଖାଦ୍ୟ ଶସ୍ୟ ନୁହେଁ । ଏଥିରେ ରୋଗ ପ୍ରତିଷେଧକ କ୍ଷମତା ଭରି ରହିଛି । ସୁଅାଁ ଖାଉଥିବା ଲୋକଙ୍କୁ ସର୍ଦ୍ଧି ବା ଥଣ୍ଡାକାଶ ହୋଇନଥାଏ । କାରଣ ଏଥିରେ ଥଣ୍ଡା କାଶ ପ୍ରତିଷେଧକ ଗୁଣ ଭରିରହିଛି । ମାଣ୍ଡିଆରେ କର୍କଟରୋଗ ପ୍ରତିରୋଧକ କ୍ଷମତା ରହିଥିବା ମଧ୍ୟ ବୈଜ୍ଞାନିକ ଡଃ ସାହୁ କହିଥିଲେ ।

ଇଂରାଜୀଦୈନିକ ହିନ୍ଦୁସ୍ଥାନ ଟାଇମ୍ସ୍ ର ରାଜ୍ୟ ପ୍ରତିନିଧି ପ୍ରିୟରଞ୍ଜନ ସାହୁ ଅନ୍ୟତମ ଆଲୋଚକଭାବେ ଯୋଗଦେଇ କହିଥିଲେ ଯେ ଗରିବ ଚାଷୀ, ଖାଦ୍ୟ ସୁରକ୍ଷା ଓ ଛୋଟ ଅନାହାରକ୍ଲିଷ୍ଟ କେବିକେ ଅଞ୍ଚଳରେ ଛୋଟ ଦାନା ଶସ୍ୟର ବ୍ୟାପକ ଚାଷ କରିବା ପରିବର୍ତ୍ତେ ସରକାର ନବୁଝି ଜାଟ୍ରୋଫା, ସଫେଦ ମୁଷ୍ଲୀ ଇତ୍ୟାଦି ଚାଷ କରିବା ପାଇଁ ଆଗଭର ଇତ୍ୟାଦି ଚାଷ କରିବା ପାଇଁ ଆଗଭର ହେଉଛନ୍ତି ଯାହାକି ଚିନ୍ତାର ବିଷୟ ।

ଗମ୍ଭାରୀ ଗା୍ରମର ଜଣେ ଚାଷୀ ଶ୍ରୀମତୀ ଦୁଲାରୀ ମାଝୀ କହିଥିଲେ ଯେ ବିହନ ସଂରକ୍ଷଣ ପାଇଁ ବିହନ ପାଣ୍ଠିର ସହାୟତା ନେଉଛନ୍ତି । ବିହନ ପାଣ୍ଠି ସଂରକ୍ଷିତ ରହିଲେ ଅସମୟରେ ବିହନ ନମିଳିଲେ ସେହି ବିହନ ପାଣ୍ଠିରୁ ବିହନକୁ ବ୍ୟବହାର କରାଯିବ ବୋଲି ସେ ସୂଚାଇଥିଲେ ।

ଗୁଟକା ଗାଁର ରାମ ମାଝୀ ନିଜ ଅଭିଜ୍ଞତାକୁ ବାଣ୍ଟି ଏହି ଶସ୍ୟ ମଧ୍ୟାହ୍ନ ଭୋଜନରେ ସାମିଲ କରିବାକୁ ଦାବି ରଖିଥିଲେ । ସୁଶାବଟା ଗାଁର ଛୋଟଦାନା ଚାଷୀ ମାଧବ ମାଝୀଙ୍କ ଅଭିଜ୍ଞତା ନିଆରା ଥିଲା । ଚୋପା ଛଡ଼ାଇବା ପାଇଁ ମେସିନ୍ ର ଆବଶ୍ୟକତା ଅଛି । ଏଥିାଇଁ ସରକାର ସହଯୋଗ କରିବା ଦରକାରବୋଲି ଜୋର ଦେଇଥିଲେ ।

ନିର୍ମାଣର ନିଦେ୍ର୍ଧଶକ ପ୍ରଶାନ୍ତ ମହାନ୍ତି ଗ୍ରାମଗୋଷ୍ଠୀଙ୍କ ଉଦ୍ୟମରେ ୧୨ ପ୍ରକାର ଲୋପ ପାଇଯାଇଥିବା ଶସ୍ୟର ପୁନଃଉଦ୍ଧାର କରିଥିବା ଉଦ୍ୟମର ଉପସ୍ଥାପନ କରିଥିଲେ । ଛୋଟଦାନା କେବଳ ଏକ ଶସ୍ୟ ନୁହେଁ, ଏକ ଚାଷବ୍ୟବସ୍ଥା, ଯାହା କୁଟିଆ କନ୍ଧମାନଙ୍କ ସହଯୋଗରେ ତୁମୁଡ଼ିବନ୍ଧ ବ୍ଲକ୍ ରେ ନିର୍ମାଣ ଉଦାହରଣ ସୃଷ୍ଟି କରିାରିଛି ।

ଓଡ଼ିଶା ସରକାରଙ୍କ କୃଷି ନିଦେ୍ର୍ଧଶକ ଶ୍ରୀ ସନ୍ଥ ଗୋପାଳନ ପ୍ରକ୍ରିୟାକରଣ, ସ୍ଥାନୀୟ ବିହନ ଚାଷୀମାନଙ୍କ ନାଁରେ ପଞ୍ଜିକରଣ ଉପରେ ଗୁରୁତ୍ୱ ଦେଇଥିଲେ ।

ଏଥିରେ ଅବସରପ୍ରାପ୍ତ ରାଜସ୍ୱପର୍ଷଦ ସଦସ୍ୟ ଅରବିନ୍ଦ ବେହେରା, ପ୍ରଫେସର ରାଧାମୋହନ, ଘାସିରାମ ପଣ୍ଡା, ଶିଶିର ପରିଜା, ସୁରେଶ ବିଷୋୟୀ ପ୍ରମୁଖ ନିଜ ନିଜର ବକ୍ତବ୍ୟ ଓ ମନ୍ତବ୍ୟ ରଖିଥିଲେ ।

ଓଡିଶା ଡଟ୍ କମ୍

 

Exit mobile version