ଓଡିଶା ଖବର

ଭୁବନେଶ୍ୱର ନେହେରୁ ପାର୍କରେ ମକର ଉତ୍ସବ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୧୪(ଓଡିଶା ଡଟ୍ କମ୍)-ରାଷ୍ଟ୍ରୀୟ ସ୍ୱୟଂସେବକ ସଂଘ,ଭୁବନେଶ୍ୱର ମହାନଗର ତରଫରୁ ୬୦ଟି ସ୍ଥାନରେ ମକର ଉତ୍ସବ ଅନୁଷ୍ଠିତ ହୋଇ ଯାଇଛି ବୋଲି ସଂଘର ମିଡିଆସେଲ ରାଜ୍ୟ ସଂପାଦକ ଅଶୋକ କୁମାର ସାହୁ ପ୍ରକାଶ କରିଛନ୍ତି ।

ସଂଘର ଚନ୍ଦନ ହଜୁରୀ ପ୍ରଭାତ ଶାଖା ତରଫରୁ ମାଷ୍ଟର କ୍ୟାଣ୍ଟିନସ୍ଥିତ ନେହେରୁ ପାର୍କ ଠାରେ ଆଜି ସକାଳେ ଏକ ଭବ୍ୟ ଉତ୍ସବ ଅନୁଷ୍ଠିତ ହୋଇ ଯାଇଛି । ଏଠାରେ ଶାଖାର ମୁଖ୍ୟ ଶିକ୍ଷକ ମନୋରଞ୍ଜନ ପଟ୍ଟନାୟକଙ୍କ ସଂଯୋଜନାରେ ଏହି ଉତ୍ସବ ଅନୁଷ୍ଠିତ ହୋଇଥିଲା ।

ଏହି ଉତ୍ସବରେ ସମାଜସେବୀ ତଥା ଇଞ୍ଜିନିୟର ଜ୍ଞାନ ରଞ୍ଜନ ନାୟକ ମୁଖ୍ୟଅତିଥିରୂପେ ଯୋଗଦେଇ ମକର ଉତ୍ସବ ମହତ୍ୱ ସଂପର୍କରେ ପ୍ରକାଶ କରିଥିଲେ ।

ସେହିପରି ସ୍ଥାନୀୟ ଖାରାବେଳ ନଗରସ୍ଥିତ ୟୁନିଟ-୩ ରିକ୍ରେସନ ପଡିଆରେ ଗୁରୁନାନକ ସାଂୟ ଶାଖା ତରଫରୁ ସଂଧ୍ୟାରେ ମଧ୍ୟ ଏକ ଉତ୍ସବ ଅନୁଷ୍ଠିତ ହୋଇ ଯାଇଛି । ଏହି ଉତ୍ସବରେ ନାଗାସନ୍ଥ ତଥା ରାଜ୍ୟ ଗୋରକ୍ଷା ସେଲର ମୁଖ୍ୟ ସନ୍ଥ କୃଷ୍ଣଦାସ ମୁଖ୍ୟ ଅତିଥିରୂପେ ଯୋଗଦେଇ ମକର ବିଷୟରେ ପ୍ରବଚନ ଦେଇଥିଲେ ।

ସଂଘ ତରଫରୁ ବିଭିନ୍ନ ସ୍ଥାନରେ ଅନୁଷ୍ଠିତ ସମସ୍ତ ଉତ୍ସବରେ ମକର ଚାଉଳ ଭୋଗ କରାଯାଇଥିଲା । ଏହି ଭୋଗକୁ ସମସ୍ତଙ୍କ ମଧ୍ୟରେ ବଣ୍ଟନ କରାଯାଇଥିଲା । ଛୁଆଁ ଅଛୁଁଆ ଭେଦଭାବ ନମାନି ସମସ୍ତେ ଗୋଟିଏ ସ୍ଥାନରେ ଏକତ୍ର ହୋଇ ଏହି ପ୍ରସାଦ ସେବନ କରିଥିଲେ ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.