ପୁଣି ବିଦ୍ୟୁତ୍ ଶୁଳ୍କ ବୃଦ୍ଧି ପାଇଁ ମସୁଧା

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୨୪(ଓଡିଶା ଡଟ୍ କମ୍)-ଗତ ୧୨ ବର୍ଷ ମଧ୍ୟରେ ରାଜ୍ୟରେ ୨୮ ହଜାର କୋଟି ଟଙ୍କାର ବିଦ୍ୟୁତ୍ ଚୋରି ହୋଇଥିଲେ ମଧ୍ୟ ଆଜି ପର୍ଯ୍ୟନ୍ତ କାହାରିକୁ ଉତ୍ତରଦାୟୀ କରାଯାଇ ପାରିଲା ନାହିଁ ।

ରାଜ୍ୟରେ ଥିବା ହାରାହାରି ୪୩ ଲକ୍ଷ ବିଦ୍ୟୁତ୍ ଗ୍ରାହକଙ୍କ ମଧ୍ୟରୁ ଶତକଡା ୭୫ ପ୍ରତିଶତ ସଚୋଟ ବିଦ୍ୟୁତ୍ ଗ୍ରାହକ ଥିଲାବେଳେ ସେମାନେ ବାରମ୍ବାର ବିଦ୍ୟୁତ୍ ଶୁଳ୍କ ବୃଦ୍ଧିର ଶିକାର ହେଉଥିବା ବେଳେ ପୁଣି ଥରେ ବିଦ୍ୟୁତ୍ ଦରବୃଦ୍ଧି କରିବାକୁ ଓଡିଶା ବିଦ୍ୟୁତ୍ ନିୟାମକ ଆୟୋଗଙ୍କ ନିକଟରେ ରାଜ୍ୟ ସରକାର ଆବେଦନ କରିଛନ୍ତି ।

ରାଜ୍ୟ ସରକାରଙ୍କ ନିଜସ୍ୱ କଂପାନୀ ଗ୍ରୀଡ୍କୋ ଜଳ ବୁଦ୍ୟୁତ୍ ନିଗମ ଓ ଓଡିଶା ପାୱାର ଟ୍ରାନ୍ସ ମିଶନ ସହିତ ୪ଟି ଯାକ ବିଦ୍ୟୁତ୍ ବିତରଣ କଂପାନୀମାନେ ଯେଉଁ ଆବେଦନ କରିଛନ୍ତି ତାହାକୁ ସମୀକ୍ଷାକଲେ ଦେଖାଯାଉଛି ଯେ ସେମାନେ ବିଦ୍ୟୁତ୍ ୟୁନିଟ୍ ପିଛା ୬ଟଙ୍କା କରିବାକୁ ପରୋକ୍ଷରେ ପ୍ରସ୍ତାବ ଦେଇଛନ୍ତି ।

ଭିତିଭୂମିର ବିକାଶ କରି କ୍ଷତି ନକମାଇ ଗ୍ରାହକଙ୍କ ଉପରେ ବିଦ୍ୟୁତ୍ ବୋଝ ଲଦିବାକୁ ଉଦ୍ୟମ କରାଯାଉଛି । ଏହାକୁ ନ୍ୟାଶନାଲ ଇନଷ୍ଟିଚ୍ୟୁଟ୍ ଅଫ୍ ଇଂଡିଆନ ଲେବର ସଂସ୍ଥା ପକ୍ଷରୁ ତୀବ୍ର ବିରୋଧ କରାଯିବ ବୋଲି କୁହାଯାଇଛି ।

ଆସନ୍ତା ୧ ତାରିଖରୁ ଓଇଆରସିଙ୍କ ନିକଟରେ ହେବାକୁ ଥିବା ଶୁଣାଣି ସମୟରେ ଏ ସଂପର୍କରେ ସମସ୍ତ ତଥ୍ୟ ଉପସ୍ଥାପନ କରାଯିବ ବୋଲି ସଂସ୍ଥାର ସମ୍ପାଦକ ରମେଶ ଚନ୍ଦ୍ର ଶତପଥୀ ଗଣମାଧ୍ୟମକୁ ସୂଚନା ଦେଇଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ କମ:
Related Post

This website uses cookies.

Read More