ଓଡିଶା ନ୍ୟୁଜ/ Odisha News
ଓଡିଶା ଖବରରାଜନୀତି

ବିଜେଡି ନିର୍ବାଚନ: ନବୀନ ପଞ୍ଚମ ଥର ପାଇଁ ସଭାପତି

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୨୯(ଓଡିଶା ଡଟ୍ କମ୍)-ନବୀନ ପଟ୍ଟନାୟକ ବିଜେଡିର ସଭାପତି ଭାବେ ପଞ୍ଚମ ଥର ପାଇଁ ଦଦାୟିତ୍ୱ ଗ୍ରହଣ କରିଛନ୍ତି । ପ୍ରଥମେ ରାଜ୍ୟ ନିର୍ବାଚନ ଅଧିକାରୀ ପ୍ରଭାତ କୁମାର ତ୍ରିପାଠୀ ନବୀନଙ୍କ ନାମ ସଭାପତି ଭାବେ ଘୋଷଣା କରିବା ପରେ ବୈଠକରେ ସମସ୍ତ ସଦସ୍ୟ ତାହାକୁ ସମର୍ଥନ ଜଣାଇଥିଲେ ।

19-1-2013=3naveen

ବିଜୁ ଜନତା ଦଳରେ ଚାଲିଥିବା ସାଂଗଠନିକ ନିର୍ବାଚନ କାର୍ଯ୍ୟ ସୋମବାର ଦିନ ଶେଷ ହୋଇଛି । ସଭାପତି ନିର୍ବାଚନ ସହ ରାଜ୍ୟ ପରିଷଦ ବୈଠକରେ ରାଜ୍ୟ କାର୍ଯ୍ୟକାରୀ କମିଟିକୁ ୮୧ ଜଣ ସଦସ୍ୟଙ୍କୁ ନିର୍ବାଚିତ କରାଯାଇଛି ।

ଦଳରେ ନବୀନ ଯେ ଏକା ସ୍ଥିର ଓ ଆଉ ସବୁ ଅସ୍ଥିର ଏଭଳି ସଂକେତ ଦିଆଯାଇଛି । ସାଂସଦ ପ୍ୟାରୀମୋହନ ମହାପାତ୍ରଙ୍କ ମାର୍କା ବୋଲି କୁହାଯାଉଥିବା ତିନିଜଣ ପୂର୍ବତନ ମନ୍ତ୍ରୀଙ୍କ ସମେତ ପ୍ରାୟ ୨୦ରୁ ଅଧିକ ନେତା କାର୍ଯ୍ୟକାରିଣୀରୁ ବାଦ୍ ପଡିଛନ୍ତି ।

କାର୍ଯ୍ୟକାରିଣୀରେ ମୋଟ୨୭ ଜଣ ନୂଆ ମୁହଁ ସାମିଲ ହୋଇଛନ୍ତି । ଏଥିରେ ରାଜ୍ୟ କର୍ମକର୍ତାଭାବେ ୯ ଜଣ ଉପସଭାପତି,୧୦ ଜଣ ସାଧାରଣ ସଂପାଦକ,୧୦ ଜଣ ସଂପାଦକ ଓ ଜଣେ କୋଷାଧ୍ୟକ୍ଷ ରହିଛନ୍ତି । ଉଭୟ କାର୍ଯ୍ୟକାରୀ କମିଟି ଓ ରାଜ୍ୟ କର୍ମକର୍ତାରେ ମହିଳା,ଅନୁସୂଚିତ ଜାତି,ଜନଜାତି ଓ ପଛୁଆ ଶ୍ରେଣୀକୁ ପ୍ରଧାନ୍ୟ ଦିଆଯାଇଛି ।

ଉପସଭାପତି ପଦବୀରେ ୪ ଜଣ,ସାଧାରଣ ସଂପାଦକରେ ୫ଜଣ ଓ ସଂପାଦକ ପଦବୀରେ ୫ ଜଣ ନୂଆ ବ୍ୟକ୍ତିଙ୍କୁ ନିଆଯାଇଛି । କୋଷାଧ୍ୟକ୍ଷ ମଧ୍ୟ ନୂଆ ରହିଛନ୍ତି । କର୍ମକର୍ତା ତାଲିକାରେ ୧୧ ଜଣ ମନ୍ତ୍ରୀ,ଜଣେ ଏମ୍ ପି ଏବଂ ୧୧ ଜଣ ବିଧାୟକ ସ୍ଥାନିତ ହୋଇଛନ୍ତି ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.