Site icon Odisha.com

ଓଡିଆଭାଷାକୁ ସମ୍ମାନ ପାଇଁ ମୁଖ୍ୟମନ୍ତ୍ରୀଙ୍କୁ ଲେଖାଯିବ ଲକ୍ଷେ ଚିଠି

ଭୁବନେଶ୍ଵର, ଏପ୍ରିଲ ୨୦ (ଓଡିଶା ଡଟ କମ) ସରକାରୀ ଅଫିସ, ନ୍ୟାୟାଳୟ, ବାଣିଜ୍ୟ, ଶିକ୍ଷାନୁଷ୍ଠାନ ଓ ଅନ୍ୟାନ୍ୟ କାର୍ଯ୍ୟ।ଳୟ ମାନଙ୍କରେ ଓଡିଆ ଭାଷାର ବ୍ୟବହାର ନିଶ୍ଚିତ କରିବାକୁ ରାଜ୍ୟର ଭାଷାପ୍ରେମୀ ମାନେ ଖୁବ ଶିଘ୍ର ଏକଲକ୍ଷ ଚିଠି ମୁଖ୍ୟମନ୍ତ୍ରୀ ନବୀନ ପଟନାୟକଙ୍କୁ ଲେଖିବେ।

ଓଡିଆ ଭାଷା ସୁରକ୍ଷା ସମ୍ମିଳନୀ ତରଫରୁ ଭୁବନେଶ୍ଵର ଜୟଦେବ ଭବନ ଠାରେ ରବିବାର ଆୟୋଜିତ ସଂସ୍ଥାର ସାଧାରଣ ଅଧିବେଶନରେ ଏହାର ଆବାହକ ତଥା ସାଂସଦ ବୈଷ୍ଣବ ପରିଡା ନିଜ ଉଦବୋଧନରେ କହିଛନ୍ତି ।

ଏହି ଚିଠି ମୁଖ୍ୟମନ୍ତ୍ରୀଙ୍କ ନାମ ଓ ଠିକଣାରେ ଖୁବ ଶୀଘ୍ର ପଠାଯିବ । ଆଗାମୀ ବିଧାନସଭା ପୂର୍ବରୁ ରାଜଧାନୀ ଠାରେ ପ୍ରାୟ ପାଞ୍ଚ ହଜାର ଲେଖକ, ଛାତ୍ର ଛାତ୍ରୀ, ଓ ବୁଦ୍ଧିଜୀବୀଙ୍କୁ ନେଇ ଏକ ଗଣଧରଣ ମଧ୍ୟ ଆୟୋଜନ କରାଯିବ ବୋଲି ସେ କହିଛନ୍ତି ।

 

ଓଡିଶା ଡଟ କମ

Exit mobile version