ରାଜନୀତି

ରାଷ୍ଟ୍ରୀୟ ମର୍ଯ୍ୟାଦା ସହ ପୁରୀ ସ୍ଵର୍ଗଦ୍ଵାରରେ ଜାନକୀଙ୍କ ଶେଷକୃତ୍ୟ

ରାଷ୍ଟ୍ରୀୟ ମର୍ଯ୍ୟାଦା ସହ ପୁରୀ ସ୍ଵର୍ଗଦ୍ଵାରରେ ଜାନକୀଙ୍କ ଶେଷକୃତ୍ୟ

ଭୁବନେଶ୍ଵର, ଏପ୍ରିଲ ୨୨ (ଓଡିଶା ଡଟ କମ) ରାଷ୍ଟ୍ରୀୟ ମର୍ଯ୍ୟାଦା ସହକାରେ ପୂର୍ବତନ ଓଡିଶା ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଜାନକୀ ବଲ୍ଲଭ ପଟ୍ଟନାୟକଙ୍କ ପୁରୀ ସ୍ଵର୍ଗଦ୍ଵାରରେ ବୁଧବାର ଶେଷ କୃତ୍ୟ ସମ୍ପନ୍ନ ହୋଇଛି ।

ପୁତ୍ର ପୃଥ୍ବୀ ବଲ୍ଲଭ ତାଙ୍କୁ ମୁଖାଗ୍ନି ଦେଇଥିଲେ । ବୁଧବାର ପ୍ରଥମେ ଏହି ମହାନ ନେତାଙ୍କ ମର ଶରୀର କଂଗ୍ରେସ ଭବନକୁ ଓ ପରେ ତାଙ୍କର ଗ୍ରାମ ରାମେଶ୍ଵରକୁ ଶୋଭାଯାତ୍ରାରେ ନିଆ ଯାଇଥିଲା । ହଜାର ହଜାର କଂଗ୍ରେସ କର୍ମୀ, ଶୁଭେଚ୍ଛୁ ଓ ସମାଜର ବିଭିନ୍ନ ବର୍ଗର ଲୋକ ଉଭୟ ସ୍ଥାନରେ ତାଙ୍କର ଶେଷ ଦର୍ଶନ କରିଥିଲେ।

ପୁରୀ ସ୍ଵର୍ଗ ଦ୍ଵାରରେ ମଧ୍ୟ ତାଙ୍କ ଶେଷଦର୍ଶନ କରିବା ପାଇଁ ବ୍ୟାପକ ଜନ ସମାଗମ ହୋଇଥିଲା ।

ଅଖିଳ ଭାରତୀୟ କଂଗ୍ରେସ କମିଟିର ସଦସ୍ୟ ଗୁଲାମ ନବି ଆଜାଦ ପାର୍ଟି ଅଧକ୍ଷ୍ୟା ସୋନିଆ ଗାନ୍ଧୀ ଓ ଉପାଧ୍ୟକ୍ଷ ରାହୁଲ ଗାନ୍ଧୀଙ୍କ ତରଫରୁ ଜାନକୀଙ୍କୁ ଶ୍ରଦ୍ଧାଞ୍ଜଳି ଦେବାପାଇଁ ଭୁବନେଶ୍ଵରରେ ପହଞ୍ଚି ଥିଲେ ଓ ତାଙ୍କ ପରିବାରବର୍ଗଙ୍କୁ ସମବେଦନା ଜଣାଇଥିଲେ ।

ଓଡିଶା ଡଟ କମ

Leave a Reply