ନାଲକୋ ପୁଞ୍ଜି ପ୍ରତ୍ୟାହାର ପ୍ରସ୍ତାବ ପୁନର୍ବିଚାର ପାଇଁ ବିଜେଡିର ଦାବି

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ମଇ ୯ (ଓଡିଶା ଡଟ କମ) ନ୍ୟାସନାଲ ଆଲୁମିନିୟମ କମ୍ପାନୀ (ନାଲକୋ)ରୁ କେନ୍ଦ୍ର ସରକାର ପୁଞ୍ଜି ପ୍ରତ୍ୟାହାର ଯୋଜନା କରୁଥିବାରୁ ଏହି ପ୍ରସ୍ତାବର ପୁନର୍ବିଚାର ପାଇଁ ବିଜୁ ଜନତା ଦଳର ସାଂସଦ ମାନେ କେନ୍ଦ୍ର ଇସ୍ପାତ ଓ ଖଣି ମନ୍ତ୍ରୀ ନରେନ୍ଦ୍ର ସିଂହ ତୋମରଙ୍କୁ ଦିଲ୍ଲୀରେ ଭେଟି ଦାବି କରିଛନ୍ତି ।

ପାର୍ଟିର ୨୩ ଜଣ ଯାକ ସାଂସଦ ଏ ସଂକ୍ରାନ୍ତୀୟ ଏକ ସ୍ମାରକ ପାତ୍ର ମଧ୍ୟ ତୋମାରଙ୍କୁ ଶୁକ୍ରବାର ଦେଇଥିବା ପାର୍ଟି ର ଜଣେ ବରିଷ୍ଠ ନେତା ଓଡିଶା ଡଟ୍ କମ୍ କୁ କହିଛନ୍ତି ।

ନରେନ୍ଦ୍ର ମୋଦୀଙ୍କ ନେତୃତ୍ଵାଧୀନ କେନ୍ଦ୍ର ସରକାର ନିକଟରେ ନାଲକୋରୁ ଦଶ ପ୍ରତିଶତ ପୁଞ୍ଜି ପ୍ରତ୍ୟାହାର କରିବାପାଇଁ ନିଷ୍ପତ୍ତି ନେଇଥିଲେ । ପୂର୍ବ ୟୁପିଏ ଓ ଏନଡିଏ ସରକାରଙ୍କ ସମୟରେ ହୋଇଥିବା ନାଲକୋର ଘରୋଇକରଣ ଉଦ୍ୟମକୁ ବିଜୁ ଜନତା ଦଳ ତୀବ୍ର ବିରୋଧ କରିଥିଲା ।

ବିଜେଡି ସାଂସଦଙ୍କ ଠାରୁ ସ୍ମାରକପତ୍ର ଗ୍ରହଣ କରିବା ପରେ ତୋମାର କହିଛନ୍ତି ସେ ଏ ସଂକ୍ରାନ୍ତରେ ଚୁଡାନ୍ତ ନିଷ୍ପତ୍ତି ନେବା ପୂର୍ବରୁ ବିଚାର ଆଲୋଚନା କରିବେ । ଭୁବନେଶ୍ଵର ରେ ମୁଖ୍ୟ କାର୍ଯ୍ୟ।ଲୟ ଥିବା ନାଲକୋ ହେଉଛି ଦେଶର ତୃତୀୟ ସର୍ବ ବୃହତ ଆଲୁମିନିୟମ ଉତ୍ପାଦନକାରୀ ।

ଓଡିଶା ଡଟ କମ

News Bureau :

This website uses cookies.