ପ୍ରବାସୀ ଓଡିଆମନୋରଞ୍ଜନ

ଅର୍ନ୍ତଜାତୀୟ କାନ୍ସ ଚଳଚିତ୍ର ଉତ୍ସବରେ ବହୁ ଓଡିଆ

ଓଡିଶା ଡଟ କମ ସଂବାଦ ଦାତା

କାନସ ( ଫ୍ରାନସ), ମଇ ୨୨ (ଓଡିଶା ଡଟ କମ) ଫ୍ରାନସର କାନସ ସହରରେ ମଇ ୧୩ରେ ଆରମ୍ଭ ହୋଇଥିବା ବିଶ୍ଵର ପ୍ରସିଦ୍ଧ ଅନ୍ତର୍ଜାତୀୟ ଚଳଚିତ୍ର ମହୋତ୍ସବରେ ଚଳିତ ବର୍ଷ ଓଡିଶାରୁ ଅତିକମରେ ପାଞ୍ଚ ଜଣ କଳାକାର, ପ୍ରଯୋଜକ ଓ ନିର୍ଦ୍ଦେଶକ ଅଂଶ ଗ୍ରହଣ କରି ବିଭିନ୍ନ ଚଳଚିତ୍ର ମାନଙ୍କର ପ୍ରଚାର ପ୍ରସାର କରି ରାଜ୍ୟର ଗୌରବ ବଢାଇଛନ୍ତି ।

film festival
ଉତ୍ସବର ଏକ ଅନ୍ତରଙ୍ଗ ମୁହୂର୍ତରେ ନୀଳ ମାଧବ ପଣ୍ଡା, ନନ୍ଦିତା ଦାସ ଓ ଜିତେନ୍ଦ୍ର ମିଶ୍ର

ଏହି ମହୋତ୍ସବରେ ଯେଉଁମାନେ ଯୋଗ ଦେଇଛନ୍ତି ସେମାନେ ହେଲେ ପ୍ରସିଦ୍ଧ ଅଭିନେତ୍ରୀ ନନ୍ଦିତା ଦାସ, ଆଇ ଏମ କଲାମର ନିର୍ଦ୍ଦେଶକ ନୀଳ ମାଧବ ପଣ୍ଡା, ଚଳଚିତ୍ର ନିର୍ମାତା ଜିତେନ୍ଦ୍ର ମିଶ୍ର, କାଦମ୍ବିନୀ ମେଡିଆର ଦ୍ଵିତୀ ଚନ୍ଦ୍ରଗୁପ୍ତ ବିକ୍ରମାଦିତ୍ୟ ଓ ଓଡିଆ ଚଳଚିତ୍ର ଜିଅନ୍ତା ଭୁତର ପ୍ରଯୋଜକ ତଥା ନିର୍ମାତା ଅକ୍ଷୟ ପରିଜା ।

ହିମାଂଶୁ ଖଟୁଆଙ୍କ ଦ୍ଵାରା ନିର୍ଦ୍ଦେଶିତ ତଥା କାଦମ୍ବିନୀ ମେଡିଆଦ୍ଵାରା ପ୍ରଯୋଜିତ ଓଡିଆ ଚଳଚିତ୍ର କ୍ରାନ୍ତିଧାରା ମଇ ଅଠର ତାରିଖ ଦିନ ମହୋତ୍ସବରେ ମାର୍କେଟ ସ୍କ୍ରିନିଙ୍ଗ ବିଭାଗରେ ପ୍ରଦର୍ଶିତ ହୋଇଥିଲା ।

୬୮ତମ  ଅର୍ନ୍ତଜାତୀୟ କାନ୍ସ ଚଳଚିତ୍ର ମହୋତ୍ସବ ମଇ ୨୫ ତାରିଖ ପର୍ଯ୍ୟନ୍ତ ଚାଲିବ ।

ଓଡିଶା ଡଟ କମ

Leave a Reply

This site uses Akismet to reduce spam. Learn how your comment data is processed.