ଓଡିଶା ଖବରରାଜନୀତି

ଆଦିବାସୀ ଓ ଦଳିତ ଛାତ୍ରଛାତ୍ରୀଙ୍କ ଛାତ୍ରବୃତ୍ତି ବୃଦ୍ଧି

ଭୁବନେଶ୍ୱର, ମଇ ୨୨(ଓଡିଶା ଡଟ କମ), ଆଦିବାସୀ ଓ ଦଳିତ ଛାତ୍ରଛାତ୍ରୀଙ୍କ ପ୍ରି-ମେଟ୍ରିକ ଛାତ୍ରବୃତ୍ତି ସରକାର ଶୁକ୍ରବାର ବୃଦ୍ଧି କରିଛନ୍ତି ।

ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ଅନୁସାରେ ନିଆଯାଇଥିବା ଏହି ନିଷ୍ପତ୍ତି ଉଭୟ ହଷ୍ଟେଲ ରହୁଥିବା ଛାତ୍ରଛାତ୍ରୀ ଓ ଦିବାଧ୍ୟାୟୀ ଛାତ୍ରଛାତ୍ରୀ ମାନଙ୍କ ପାଇଁ ଲାଗୁ ହେବ ।

ହଷ୍ଟେଲ ମାନଙ୍କରେ ରହୁଥିବା ପ୍ରଥମ ରୁ ଦଶମ ଶ୍ରେଣୀର ଛାତ୍ରମାନଙ୍କ ଛାତ୍ରବୃତ୍ତି ମାସିକ ୭୫୦ ଟଙ୍କା କୁ ବୃଦ୍ଧି କରାଯାଇଥିବା ବେଳେ, ଛାତ୍ରୀମାନଙ୍କ ବୃତ୍ତିକୁ ୮୦୦ ଟଙ୍କାକୁ ବୃଦ୍ଧି କରାଯାଇଛି। ସେହିପରି ପଞ୍ଚମ ରୁ ସପ୍ତମ ଶ୍ରେଣୀରେ ଅଧ୍ୟୟନ କରୁଥିବା ଦିବାଧ୍ୟାୟୀ ଛାତ୍ରମାନଙ୍କ ବୃତ୍ତି ମାସିକ ୧୮୦ ଟଙ୍କାକୁ କରାଯାଇଥିବା ବେଳେ ଛାତ୍ରୀମାନଙ୍କ ବୃତ୍ତି ୨୪୦ ଟଙ୍କା କୁ ବୃଦ୍ଧି କରାଯାଇଛି।

ଅଷ୍ଟମ ଶ୍ରେଣୀରେ ପଢୁଥିବା ଦିବାଧ୍ୟାୟୀ ଛାତ୍ରମାନଙ୍କ ବୃତ୍ତିର ପରିମାଣ ୨୪୦ ଟଙ୍କା କୁ ଏବଂ ଛାତ୍ରୀମାନଙ୍କ ବୃତ୍ତିର ପରିମାଣ ୩୦୦ ଟଙ୍କା କୁ ବୃଦ୍ଧି କରାଯାଇଛି।

ଓଡିଶା ଡଟ କମ

Leave a Reply

This site uses Akismet to reduce spam. Learn how your comment data is processed.