ରାଜନୀତି

ପଶ୍ଚିମ ଓଡିଶାରେ ଆଇଆଇଏମ ହେବା ଜରୁରୀ: ଜୁଏଲ ଓରାମ

ଓଡିଶା ଡଟ୍ କମ୍ ସମ୍ବାଦଦାତା

ଝାରସୁଗୁଡା, ମଇ ୩୦(ଓଡିଶା ଡଟ୍ କମ୍) ପଶ୍ଚିମ ଓଡିଶାରେ ଆଇ ଆଇ ଏମ ର ସ୍ଥାପନ ଜରୁରୀ ଅଟେ, କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଏଠାରେ କହିଛନ୍ତି ।

jualକେନ୍ଦ୍ରର ମୋଦି ସରକାରଙ୍କ ସଫଳତାକୁ ଲୋକଙ୍କ ପାଖରେ ପହଞ୍ଚାଇବା ଉଦ୍ଦେଶ୍ୟରେ ଆରମ୍ଭ ହୋଇଥିବା ଜନ ସମ୍ପର୍କ ଅଭିଯାନର ଅଂଶ ସ୍ୱରୂପ ପଶ୍ଚିମ ଓଡିଶାର ଏହି ସହରରେ ଆୟୋଜିତ ସ୍ଵତନ୍ତ୍ର କାର୍ଯ୍ୟକ୍ରମରେ ଭାଗନେଇ ଓରାମ ଏହା କହିଛନ୍ତି ।

ସମ୍ବଲପୁର ଠାରେ ଏହି ବି ସ୍କୁଲ ପ୍ରତିଷ୍ଠା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିଥିବା ସୁପାରିସ କେନ୍ଦ୍ର ସରକାରଙ୍କ ବିଚାରା ଧୀନ ଅଛି। କେନ୍ଦ୍ରର ମାନବ ସମ୍ବଳ ବିକାଶ ମନ୍ତ୍ରୀ ରାଜ୍ୟ ସରକାରଙ୍କୁ ଏ ସଂକ୍ରାନ୍ତରେ ଅଧିକ ତଥ୍ୟ ମାଗିଥିବା, ସେ କହିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ଵାଧୀନ କେନ୍ଦ୍ର ସରକାର ଦ୍ଵାରା ଆରମ୍ଭ କରାଯାଇଥିବା ବିଭିନ୍ନ ଯୋଜନା ସମ୍ପର୍କରେ ଉଲ୍ଲେଖ କରି ସେ କହିଛନ୍ତି ଯେ ଜନଧନ ଯୋଜନା, ବୀମା ଯୋଜନା, ଏବଂ ସ୍ଵଛ ଭାରତ ଅଭିଯାନ ଦ୍ଵାରା ଲୋକମାନେ ବହୁ ଉପକୃତ ହେଉଛନ୍ତି ।

କେନ୍ଦ୍ର ସରକାର ଝାରସୁଗୁଡା- ଅମ୍ବିକାପୁର ରେଳ ଲାଇନ ପ୍ରକଳ୍ପ ନିର୍ମାଣ ପାଇଁ ବଦ୍ଧ ପରିକର ଥିବା ଦର୍ଶାଇ ସେ କହିଛନ୍ତି ଯେ ଏହା ଦ୍ଵାରା ଓଡିଶା ଓ ଛତିଶଗଡ ମଧ୍ୟରେ ଗମନା ଗମନ ଦୂରତା କମିବା ଓ ଅଳ୍ପ ସମୟରେ ଝାରସୁଗୁଡାରୁ ଯାତ୍ରୀ ଅମ୍ବିକାପୁରରେ ପହଞ୍ଚି ପାରିବେ ।

ଅନୁସୂଚିତ ଜନଜାତି ଛାତ୍ର ଛାତ୍ରୀ ମାନଙ୍କ ପାଇଁ ଝାରସୁଗୁଡାରେ ତାଙ୍କ ମନ୍ତ୍ରାଳୟ ଏକ ମଡେଲ ସ୍କୁଲ ସ୍ଥାପନ କରିବା ବୋଲି ସେ ପ୍ରତିଶ୍ରୁତି ଦେଇଥିଲେ । ଏହି ସଭାରେ ବ୍ରଜରାଜନଗର ବିଧାୟିକା ରାଧାରଣୀ ପଣ୍ଡା, ବରିଷ୍ଠ ବିଜେପି ନେତା ନରେଶ ନାୟକ, ଏବଂ ବିଜେପି ଜିଲ୍ଲା ଅଧକ୍ଷ୍ୟ ପ୍ରମୋଦ ସେନାପତି ଆଦି ଉପସ୍ଥିତ ଥିଲେ।

ଓଡିଶା ଡଟ୍ କମ୍

Leave a Reply