ମୁଖ୍ୟ ଖବର

ବିରୋଧ ପରେ ଅମିତାଭଙ୍କ ଓଡିଶା ଗସ୍ତ ବାତିଲ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ଵର, ଜୁନ ୪ (ଓଡିଶା ଡଟ୍ କମ୍) ବହୁରାଷ୍ଟ୍ରୀୟ କମ୍ପାନୀ ନେସଲେ ଦ୍ଵାରା ତିଆରି ହେଉଥିବା ଫାଷ୍ଟଫୁଡ ‘ମ୍ୟାଗି’ର ଗୁଣବତ୍ତାକୁ ନେଇ ବିବାଦ ସୃଷ୍ଟି ହେବ ପରେ ଅତୀତରେ ଏହାର ପ୍ରଚାର କରିଥିବା ବଲିଉଡ ସିନେ ତାରକା ଅମିତାଭ ବଚନ ବିରୋଧର ଆଶଙ୍କା କରି ଶୁକ୍ରବାର ଓଡିଶାରେ ଥିବା ତାଙ୍କ କାର୍ଯ୍ୟକ୍ରମକୁ ବାତିଲ କରିଛନ୍ତି ।

ସେ ଭୁବନେଶ୍ଵର ସ୍ଥିତ ସହିଦନଗରରେ କଲ୍ୟାଣ ଜୁଏଲେରୀର ଏକ ସୋ-ରୁମକୁ ଉଦଘାଟନ କରିବାର କାର୍ଯ୍ୟକ୍ରମ ରହିଥିଲା । ବଚନ ଓଡିଶା ଆସିଲେ ତାଙ୍କୁ ବିରୋଧ କରାଯିବ ବୋଲି କଳିଙ୍ଗ ସେନା ଓ ଅନ୍ୟ କେତେକ ସଙ୍ଗଠନ ପୂର୍ବରୁ ଘୋଷଣା କରିଥିଲେ ।

ଏଠାରେ ଉଲ୍ଲେଖଯୋଗ୍ୟ ଯେ ମ୍ୟାଗିର ଗୁଣବତ୍ତା ଉପରେ ପ୍ରଶ୍ନ ଉଠିବା  ପରେ ଏହାର ବିକ୍ରି ଉପରେ ଦେଶର ବିଭିନ୍ନ ରାଜ୍ୟ ସାମୟିକ ନିଷେଧାଦେଶ ଜାରି କରିଛନ୍ତି । ଓଡିଶା ମଧ୍ୟ ବିଭିନ୍ନ ସ୍ଥାନରୁ ମ୍ୟାଗି ର ନମୁନା ସଂଗ୍ରହ କରି ପରୀକ୍ଷା ପାଇଁ ପୁନେ ପଠାଇଛି ।

ଓଡିଶା ଡଟ କମ

1 Comment

Leave a Reply