ରାଜନୀତି

ରାଜନାଥଙ୍କୁ ଭେଟି ପୁରୁଣା ଦାବି ଦୋହରାଇଲେ ନବୀନ

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର,୧୩ ଜୁନ(ଓଡିଶା ଡଟ୍ କମ୍): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହଙ୍କୁ ନୂଆଦିଲ୍ଲୀରେ ସାକ୍ଷାତ କରି ରାଜ୍ୟରେ ମାଓଦମନ ପାଇଁ ପୂର୍ବରୁ ସେ କରିଆସୁଥିବା ଦାବୀକୁ ଦୋହରାଇଛନ୍ତି ।

ଦୁଇଟି ମିଲିଟାରୀ ହେଲିକପ୍ଟର ଓ ସେଣ୍ଟ୍ରାଲ ଆର୍ମଡ ଫୋର୍ସର ଆଉ ଏକ ବାଟାଲିୟନ ଯୋଗାଇ ଦେବାପାଇଁ ଦାବି କରିବା ସହ ମାଓ ପ୍ରବଣ ଅଞ୍ଚଳରେ ମୋବାଇଲ ଟାୱାର ବୃଦ୍ଧି ଏବଂ ଟେଲି ଯୋଗାଯୋଗ ବ୍ୟବସ୍ଥାକୁ ସୁଦୃଢକରିବା ପାଇଁ ପଦକ୍ଷେପ ନେବାପାଇଁ ସେ ଅନୁରୋଧ କରିଛନ୍ତି ।

ସେହିପରି ମାଲକାନାଗିରି ଜିଲ୍ଲାରେ ନିର୍ମାଣଧୀନ ଗୁରୁପ୍ରିୟା ସେତୁ ପାଇଁ ୧୮୭ କୋଟି ଟଙ୍କା ଦେବାକୁ ମଧ୍ୟ ସେ ଦାବି କରିଛନ୍ତି ।

ଓଡିଶା ଓ ଛତିଶଗଡ ସୀମା ଏବେ ମାଓବାଦୀଙ୍କ ଚରାଭୂଇଁ ପାଲଟିଥିବାରୁ ଏହି ଅଞ୍ଚଳରେ ସିଆରପିଏଫ ମୁତୟନର ଆବଶ୍ୟକତା ରହିଛି । ରାଜ୍ୟରେ ମୁତୟନ ହୋଇଥିବା ସିଆରପିଏଫର ଖର୍ଚ କେନ୍ଦ୍ର ସରକାର ରାଜ୍ୟ ଉପରେ ଲଦିଥିବାରୁ ତାହା ଛାଡ କରିବା ପାଇଁ ସେ ଅନୁରୋଧ କରିଥିଲେ ।

ଏଠାରେ ସୂଚନାଯୋଗ୍ୟଯେ ମୁଖ୍ୟମନ୍ତ୍ରୀ ଏହି ସବୁ ଦାବି ବହୁ ପୂର୍ବରୁ କରିଆସୁଛନ୍ତି ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.