ଶିକ୍ଷା

୨୨ରୁ ଯୁକ୍ତ ତିନି ନାମ ଲେଖା

ଓଡିଶା ଡଟ୍ କମ୍ ସଂବାଦ ଦାତା

ଭୁବନେଶ୍ଵର,୧୭ ଜୁନ (ଓଡିଶା ଡଟ୍ କମ୍): ଜୁନ ୨୨ରୁ ଯୁକ୍ତ ତିନି ନାମ ଲେଖା ଆରମ୍ଭ ହେବ ଓ ରାଜ୍ୟ ଉଚ୍ଚ ଶିକ୍ଷା ବିଭାଗ ଏ ସଂକ୍ରାନ୍ତରେ ବିଜ୍ଞପ୍ତି ପ୍ରକାଶ କରିଛନ୍ତି।

ରାଜ୍ୟରେ ଥିବା ୭୦୬ ଟି ଯୁକ୍ତ ତିନ କଲେଜରେ ନାମ ଲେଖିବା ପାଇଁ ଛାତ୍ରଛାତ୍ରୀମାନେ ଉଭୟ ଅନଲାଇନ ଓ ଅଫଲାଇନରେ ଆବେଦନ କରିପାରିବେ । ଅନଲାଇନରେ ଆବେଦନ କରିବାପାଇଁ ଇଛୁକ ଥିବା ଛାତ୍ରଛାତ୍ରୀମାନେ www.dheodisha.gov.in ୱେବ ସାଇଟ କୁ ଯାଇ କମନ ଆପ୍ଲିକେସନ ଫର୍ମ ପୂରଣ କରିବେ, ପରେ ଏହି ଫର୍ମର ପ୍ରିଣ୍ଟ-ଆଉଟ ବାହାର କରି ନିକଟସ୍ଥ ସାମ୍ ରିସୋର୍ସ ସେଣ୍ଟରରେ ଜମା କରିବେ।

ଏଥିପାଇଁ ସେମାନଙ୍କୁ ଦେୟ ମଧ୍ୟ ଦେବାକୁ ପଡିବ।

ସେହିପରି ଅଫଲାଇନରେ ଆବେଦନ କରିବାକୁ ଚାହୁଁଥିବା ଛାତ୍ରଛାତ୍ରୀ ନିକଟସ୍ଥ ସାମ୍ ରିସୋର୍ସ ସେଣ୍ଟରକୁ ଯାଇ ଆବେଦନ କରିପାରିବେ। ତେବେ ଅନଲାଇନ ଆବେଦନର ଶେଷ ତାରିଖ ଜୁଲାଇ ୬ ଏବଂ ଅଫଲାଇନ ଆବେଦନର ଶେଷ ତାରିଖ ଜୁଲାଇ ୭ ଧାର୍ଯ୍ୟ କରାଯାଇଛି।

ସେହିପରି ନାମଲେଖା ପାଇଁ ପ୍ରଥମ କଟ୍ ଅଫ୍ ମାର୍କ ଜୁଲାଇ ୧୫ରେ ପ୍ରକାଶ କରାଯିବ ଓ ଜୁଲାଇ ୧୬ ରୁ ପ୍ରଥମ ପର୍ଯ୍ୟାୟ ନାମ ଲେଖା ଆରମ୍ଭ କରାଯାଇ ଜୁଲାଇ ୨୦ ଶେଷ କରାଯିବ। ଜୁଲାଇ ୨୨ରେ ଇ-ସ୍ପେଶ୍ ରେ ପ୍ରଥମ ପର୍ଯ୍ୟାୟ ନାମ ଲେଖାଇଥିବା ଛାତ୍ରଛାତ୍ରୀଙ୍କ ତାଲିକା ପ୍ରକାଶ ପାଇବ ।

ଦ୍ଵିତୀୟ ପର୍ଯ୍ୟାୟ କଟ୍ ଅଫ୍ ମାର୍କ ଜୁଲାଇ ୨୫ରେ ପ୍ରକଶ ପାଇ ଜୁଲାଇ ୨୭ ରୁ ୨୯ ମଧ୍ୟରେ ଦ୍ଵିତୀୟ ପର୍ଯ୍ୟାୟ ନାମ ଲେଖା ଶେଷ ହେବ। ଅଗଷ୍ଟ ୩ରେ ସ୍ପଟ ଆଡମିସନ ପାଇଁ ତାଲିକା ପ୍ରକାଶ ପାଇବା ପରେ ଛାତ୍ରଛାତ୍ରୀମାନେ ସେମାନଙ୍କ ନାମ ପଞ୍ଜିକୃତ କରିବେ ।

ଅଗଷ୍ଟ ୫ ରେ କଲେଜ ନୋଟିସ ବୋର୍ଡରେ ଛାତ୍ରଛାତ୍ରୀଙ୍କ ନାମର ତାଲିକା ପ୍ରକାଶ ପାଇବା ଓ ଅଗଷ୍ଟ ୬ ରେ ନାମ ଲେଖାଯାଇ ପାଠ ପଢା ଆରମ୍ଭ କରାଯିବ ବୋଲି କର୍ତ୍ତୃପକ୍ଷ କହିଛନ୍ତି।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.