ଓଡିଶା ନ୍ୟୁଜ/ Odisha News
ରାଜନୀତି

ଚାରି ଓଡିଶା କ୍ୟାଡର ଆଇଏଏସ ଅଧିକାରୀଙ୍କ କେନ୍ଦ୍ରରେ ନିଯୁକ୍ତି

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ଵର, ୩୦ ଜୁନ (ଓଡିଶା ଡଟ୍ କମ୍): ଓଡ଼ିଶା କ୍ୟାଡରର ଚାରିଜଣ ବରିଷ୍ଠ ଆଇଏଏସଙ୍କୁ କେନ୍ଦ୍ରରେ ଅବସ୍ଥାପିତ କରାଯାଇଛି । ଏମାନେ ହେଲେ ୧୯୯୬ ବ୍ୟାଚ୍ ଆଇଏଏସ୍ ଅଧିକାରୀ ଅରବିନ୍ଦ ପାଢ଼ୀ ଓ ତାଙ୍କ ପତ୍ନୀ ଉଷା ପାଢ଼ୀ,୧୯୮୮ ବ୍ୟାଚ୍ ର ପରାଗ ଗୁପ୍ତା ଓ ୨୦୦୩ ବ୍ୟାଚ୍ ର ଏସ୍ ଏସ. ଶାଶ୍ୱତୀ ।

ଓଡ଼ିଶା କ୍ୟାଡରରେ ପର୍ଯ୍ୟଟନ ଓ ସଂସ୍କୃତି ବିଭାଗର ସଚିବ ଭାବେ କାର୍ଯ୍ୟ କରୁଥିବା ଅରବିନ୍ଦ ପାଢ଼ୀଙ୍କୁ କେନ୍ଦ୍ରରେ ସାର ଓ ରସାୟନ ବିଭାଗର ଯୁଗ୍ମ ସଚିବ ଭାବେ ନିଯୁକ୍ତି ପ୍ରଦାନ କରାଯାଇଥିବା ବେଳେ ସ୍କୁଲ ଓ ଗଣଶିକ୍ଷା ସଚିବ ଭାବେ କାର୍ଯ୍ୟରତ ତାଙ୍କ ପତ୍ନୀ ଉଷା ପାଢ଼ୀଙ୍କୁ ବେସାମରିକ ବିମାନ ଚଳାଚଳ ବିଭାଗର ଯୁଗ୍ମ ସଚିବ ଭାବେ ଅବସ୍ଥାପିତ କରାଯାଇଛି ।

ସେହିଭଳି ରାଜ୍ୟପାଳଙ୍କ ପ୍ରମୁଖ ସଚିବ ଭାବେ କାର୍ଯ୍ୟ କରୁଥିବା ପରାଗ ଗୁପ୍ତା କେନ୍ଦ୍ରରେ ଖାଦ୍ୟ ପ୍ରକ୍ରିୟାକରଣ ଯୁଗ୍ମ ସଚିବ ଭାବେ ଅବସ୍ଥାପିତ କରାଯାଇଛି । ସେହିପରି ସମାଜ ମଙ୍ଗଳ ବିଭାଗର ନିର୍ଦେଶକ ଏସ. ଶାଶ୍ୱତୀଙ୍କୁ ମସୁରୀ ସ୍ଥିତ ଭାରତୀୟ ପ୍ରଶାସନିକ ସେବା ପ୍ରଶିକ୍ଷଣ ଏବଂ ତାଲିମ କେନ୍ଦ୍ରର ଯୁଗ୍ମ ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଛି ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.