ଓଡିଶା ନ୍ୟୁଜ/ Odisha News
ଅପରାଧଧର୍ମ

ସୋସିଅଲ ମେଡିଆରେ ପ୍ରସାରିତ ବିବାଦୀୟ ‘ବ୍ରହ୍ମ’ ଛବିକୁ ନେଇ ଏତଲା

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ଜୁନ ୩୦ (ଓଡିଶା ଡଟ କମ) ସୋସିଆଲ ମେଡିଆରେ ପ୍ରସାରିତ ନବ କଳେବର ସମୟର ତଥାକଥିତ ଗୁପ୍ତ ଫଟୋ ସମ୍ପର୍କରେ ତଦନ୍ତ କରିବାକୁ ପୁରୀ ଶ୍ରୀମନ୍ଦିର ପ୍ରଶାସନ କ୍ରାଇମ ବ୍ରାଞ୍ଚ ପୁଲିସକୁ ଅନୁରୋଧ କରିଛନ୍ତି ।

ସରକାରଙ୍କ ନିର୍ଦ୍ଦେଶ ଆଧାରରେ କ୍ରାଇମ ବ୍ରାଞ୍ଚକୁ ସୋମବାର ଏକ ଚିଠି ଲେଖି ମନ୍ଦିର ମୁଖ୍ୟ ପ୍ରଶାସକ ସୁରେଶ ଚନ୍ଦ୍ର ମହାପାତ୍ର ଏହି ଅନୁରୋଧ କରିଛନ୍ତି ।

ଶ୍ରୀଜୀଉଙ୍କ ଘଟ ପରିବର୍ତ୍ତନ ସମ୍ପର୍କିତ ତଥାକଥିତ ଗୁପ୍ତ ନୀତି ଓ ବ୍ରହ୍ମର ଚିତ୍ର ସୋସିଆଲ ମେଡିଆରେ ପ୍ରସାରିତ ହୋଇଥିଲା ।

ଶ୍ରୀମନ୍ଦିର ପ୍ରଶାସନ ସ୍ପଷ୍ଟୀକରଣ ଦେଇ ଏହି ଚିତ୍ରଗୁଡ଼ିକୁ ଅସତ୍ୟ ଓ ବିଭ୍ରାନ୍ତିକର ବୋଲି ଦର୍ଶାଇଥିଲେ । ଇଣ୍ଟରନେଟରୁ ପୁରୁଣା ଫଟୋ ଡାଉନଲୋଡ କରି କିଛି ଲୋକ ଏହି ବିଭ୍ରାନ୍ତି ସୃଷ୍ଟି କରିଥିବାରୁ ଏହାର ଯାଞ୍ଚ ପାଇଁ ଦାବି ହୋଇଥିଲା ।

ଚିଠି ମିଳିବ ପରେ କ୍ରାଇମବ୍ରାଞ୍ଚ ଏହାର ବିଧିବଦ୍ଧ ତଦନ୍ତ ଆରମ୍ଭ କରିବ ବୋଲି କ୍ରାଇମ ବ୍ରାଞ୍ଚ ଅତିରିକ୍ତ ମହାନିର୍ଦ୍ଦେଶକ ବିଜୟ କୁମାର ଶର୍ମା କହିଛନ୍ତି ।

ଓଡିଶା ଡଟ କମ

Leave a Reply

This site uses Akismet to reduce spam. Learn how your comment data is processed.