Site icon Odisha.com

ଯୁଗ୍ମ ପ୍ରବେଶିକ ପରୀକ୍ଷାର ଜାଲ ୱେବସାଇଟ କରି ଯୁବକ ଗିରଫ

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ଜୁନ ୩୦ (ଓଡିଶା ଡଟ କମ) ଓଡିଶା ଯୁଗ୍ମ ପ୍ରବେଶିକା ପରୀକ୍ଷା (ଜେଇଇ ) ର ଏକ ଜାଲ ୱେବସାଇଟ ତିଆରିକରି ଛାତ୍ରଛାତ୍ରୀଙ୍କ ତଥ୍ୟ ବେଆଇନ ଭାବେ ହାସଲ କରିଥିବା ଅଭିଯୋଗରେ ପୁଲିସ ଜଣେ ଯୁବ ଇଞ୍ଜିନିୟରକୁ ସୋମବାର ଗିରଫ କରିଛି ।

୨୪ ବର୍ଷ ବୟସ୍କ ସମାଉଳ ହକ ନାମକ ଏହି ଯୁବକ ହେଉଛନ୍ତି ଝାଡଖଣ୍ଡ ରାଜ୍ୟର ଓ ସେ ମୁମ୍ବାଇର ଏକ ଘରୋଇ କମ୍ପାନୀରେ ଚାକିରି କରୁଛନ୍ତି । କେତେକ ଘରୋଇ ଇନଜିନିୟରିଂ କଲେଜକୁ ସାହାଯ୍ୟ କରିବା ଉଦ୍ଦେଶ୍ୟରେ ସେ ଏହା କରିଥିବା ପୁଲିସ ସନ୍ଦେହ କରୁଛି ।

ସୂଚନା ଯୋଗ୍ୟଯେ ଗତ ବର୍ଷ ଓଜେଇଇ କତ୍ତୃପକ୍ଷ ପ୍ରବେଶିକା ପରୀକ୍ଷା ପାଇଁ ନିଜର ୱେବସାଇଟ ଖୋଲିବା ପୂର୍ବରୁ ଜାନୁଆରୀ ମାସରେ ସମାଉଳ ହକ ଏକ ୱେବସାଇଟ ଖୋଲି ଥିଲେ ଓ ବହୁ ସଂଖ୍ୟାରେ ନିଜର ବ୍ୟକ୍ତିଗତ ସୂଚନା ଦେଇ ଛାତ୍ର ଛାତ୍ରୀ ମାନେ ଏ ହି ୱେବସାଇଟ ଜରିଆରେ ଆବେଦନ କରିଥିଲେ ।

ଏହା ଜଣା ପଡିବା ପରେ ଜେଇଇ କର୍ତ୍ତୃପକ୍ଷ ଭୁବନେଶ୍ଵର ର ଏଆରଫିଲ୍ଡ ଥାନାରେ ଏତଲା ଦେଇଥିଲେ । ପରେ କ୍ରାଇମବ୍ରାଞ୍ଚର ସାଇବର ସେଲ ଏହାର ତଦନ୍ତ କରିଥିଲା ।

ମୁମ୍ବାଇରୁ ସମାଉଳ ହକ ଗିରଫ ହୋଇଥିବା ବେଳେ, ତାଙ୍କ ସହ ଅନ୍ୟ କେତେକ ବ୍ୟକ୍ତି ସମ୍ପୃକ୍ତ ଥିବା ସନ୍ଦେହକରି ତାଙ୍କୁ ଧରିବା ପାଇଁ ପୁଲିସ ଯାଞ୍ଚ ବ୍ୟାପକ କରିଛି ।

ଓଡିଶା ଡଟ କମ

Exit mobile version