ଓଡିଶା ଡଟ୍ କମ୍ ସମ୍ବାଦଦାତା
ଭୁବନେଶ୍ୱର,୭ ଜୁଲାଇ (ଓଡିଶା ଡଟ୍ କମ୍): ଓରଟେଲ କମ୍ୟୁନିକେସନ ଲିମିଟେଡ ନିଜର କେବୁଲ ଟିଭି ଗ୍ରାହକଙ୍କୁ ଏବେ ମାଗଣା ବ୍ରଡବ୍ୟାଣ୍ଡ ସେବା ଯୋଗାଇବା ପାଇଁ ପ୍ରସ୍ତୁତି ଆରମ୍ଭ କରିଛି।
ଓରଟେଲର କାର୍ଯ୍ୟ ନିର୍ବାହୀ ଅଧିକାରୀ (ସିଇଓ) ବିଭୁ ପ୍ରସାଦ ରଥ କହିଛନ୍ତି ଯେ ଏହି ସେବା ଅନୁସାରେ ଗ୍ରାହକମାନେ ମାସିକ ଏକ ନିର୍ଦ୍ଧାରିତ ସୀମା ପର୍ଯ୍ୟନ୍ତ ଡାଟା ବ୍ୟବହାର କରିପାରିବେ ।
ଯଦି ଗ୍ରାହକ ଅଧିକ ଡାଟା ଆବଶ୍ୟକ କରନ୍ତି ତେବେ ତାଙ୍କୁ ଏଥିପାଇଁ ସ୍ୱଳ୍ପ ଦେୟ ପଇଠ କରିବାକୁ ପଡିବ ।
ସେହିପରି ଉପଭୋକ୍ତା ଯଦି ଓରଟେଲ ଅନ୍ୟ କୌଣସି ଇଣ୍ଟରନେଟ ସେବା ଗ୍ରହଣ କରିବାକୁ ଚାହାଁନ୍ତି ତେବେ ଏଥିପାଇଁ ସେମାନଙ୍କୁ ସୁଯୋଗ ମଧ୍ୟ ଦିଆଯିବ ବୋଲି ସେ କହିଛନ୍ତି।
ଗ୍ରାହକଙ୍କୁ ଶସ୍ତାରେ ଇଣ୍ଟରନେଟ ସେବା ଯୋଗାଇବା ପାଇଁ କମ୍ପାନୀର ଏହା ଏକ ଅନ୍ୟତମ ପ୍ରୟାସ ।
ଓଡିଶା ଡଟ୍ କମ୍
