ଓଡିଶା ନ୍ୟୁଜ/ Odisha News
ରାଜନୀତି

ନବ କଳେବର ଉପଲକ୍ଷେ ଫୋର ଲେନ୍ ରାସ୍ତାର ଉଦଘାଟନ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ୯ ଜୁଲାଇ(ଓଡ଼ିଶା ଡ଼ଟ୍ କମ୍): କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରୀ ଗୁରୁବାର ନବକଳେବର ରଥଯାତ୍ରା ପାଇଁ ନିର୍ମିତ ଭିତ୍ତିଭୂମି ପ୍ରକଳ୍ପ ଅନ୍ତର୍ଗତ ପୁରୀ-ଭୁବନେଶ୍ୱର ୨୦୩ ନଂ ଜାତୀୟ ରାଜପଥର ଫୋର ଲେନ୍ ରାସ୍ତାକୁ ଉଦଘାଟନ କରିଛନ୍ତି।

ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ସାଂସଦ ପିନାକୀ ମିଶ୍ର, ସାଂସଦ ପ୍ରସନ୍ନ ପାଟ୍ଟଶାଣୀ, ସାଂସଦ ବୈଷ୍ଣବ ପରିଡା, କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କ ସମେତ ଏନଏଚଏଆଇର ବହୁ ଉଚ୍ଚପଦସ୍ଥ କର୍ମଚାରୀ ଏଠାରେ ଉପସ୍ଥିତ ଥିଲେ।

ପ୍ରାୟ ୭୬ଟି ଗାଁର ଜମି ଅଧିଗ୍ରହଣ କରାଯାଇ ନିର୍ମିତ କରାଯାଇଥିବା ଏହି ଜାତୀୟ ରାଜପଥର ଫୋର ଲେନ୍ ରାସ୍ତାରେ ୮୧୦ କୋଟି ଟଙ୍କ। ଖର୍ଚ୍ଚ ହୋଇଥିବା ବେଳେ ଭୁବନେଶ୍ୱର, ପିପିଲି. ଚନ୍ଦନପୁର ଏବଂ ପୁରୀରେ ୪ଟି ବାଇପାସ୍ ଥିବା ଏହି ରାସ୍ତାର ଦୂରତା ହେଉଛି ୬୭.୨ କିଲୋମିଟର ।

ସେହିପରି ଏହି ରାସ୍ତାରେ ୧୩ଟି ମାଇନର ସେତୁ, ୧୦୫ଟି କଳଭର୍ଟ, ୧୦ଟି ବସ ରହଣୀ ସ୍ଥଳ ସହ ଦୟା, ଭାର୍ଗବୀ ଏବଂ କାଞ୍ଚିନଳାରେ ୩ଟି ସେତୁ ଓ ସାକ୍ଷୀଗୋପାଳ ଏବଂ ଚନ୍ଦନପୁରରେ ୨ଟି ଅଣ୍ଡର ବାଇପାସ ରହିଛି ।

ଓଡ଼ିଶା ଡ଼ଟ୍ କମ୍

Leave a Reply

This site uses Akismet to reduce spam. Learn how your comment data is processed.