ମାତୃ ଓ ଶିଶୁ ମୃତ୍ୟୁହାର ହ୍ରାସ ପାଇଁ ସମସ୍ତଙ୍କ ସାହାଯ୍ୟ ଆବଶ୍ୟକ

ଓଡିଶା ଡଟ କମ ସଂବାଦ ଦାତା

ନବରଙ୍ଗପୁର, ଜୁଲାଇ ୨୮ (ଓଡିଶା ଡଟ କମ) ମାତୃ ଓ ଶିଶୁ ମୃତ୍ୟୁହାର ରୋକିବାକୁ ହେଲେ ଗଣମାଧ୍ୟମ ସହ ସମସ୍ତ ନାଗରିକ ଓ ସେବା ପ୍ରଦାନକାରୀଙ୍କ ସହଯୋଗ ଆବଶ୍ୟକ ବୋଲି ନବରଙ୍ଗପୁର ଜିଲ୍ଲାପାଳ ଶ୍ରୀମତୀ ରଶ୍ମିତା ପଣ୍ଡା କହିଛନ୍ତି ।

ସ୍ଵେଚ୍ଛାସେବୀ ସଂସ୍ଥା ପିପୁଲ୍ସସ କଲ୍ଚରାଲ ସେଣ୍ଟର,(ପିକକ),ନେସନଲ ସେଣ୍ଟର ଫର ଚାଇଲ୍ଡ ରାଇଟସ ଓ ୟୁନିସେଫ ପକ୍ଷରୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ସମ୍ମିଳନୀ ଗୃହରେ ମା,ନବଜାତଓ ଶିଶୁ ସ୍ୱାସ୍ଥ୍ୟ ସମ୍ପର୍କିତ ଗଣମାଧ୍ୟମ କର୍ମଶାଳାରେ ଯୋଗ ଦେଇ ସେ ଏହା କହିଛନ୍ତି ।

ଯେଉଁ ଅଞ୍ଚଳରେ ପ୍ରଶାସନ ପହଞ୍ଚି ପାରୁନାହିଁ ସେଠାରେ ପ୍ରଥମେ ଗଣମାଧ୍ୟମ ପହଞ୍ଚି ପାରୁଛି ଓ ପ୍ରଶାସନ ନିକଟରେ ଲୋକଙ୍କ ସମସ୍ୟା ପହଞ୍ଚାଊଛି । ଲୋକମାନଙ୍କ ନିକଟରେ ସଚେତନତାର ବାର୍ତାକୁ ପହଞ୍ଚାଇବାରେ ଗଣମାଧ୍ୟମ ର ଭୂମିକା ଅତି ଗୁରୁତ୍ଵପୂର୍ଣ ବୋଲି ସେ କହିଛନ୍ତି ।

ଏହି କର୍ମଶାଳାରେ ଭାରତର ପୂର୍ବତନ ରାଷ୍ଟ୍ରପତି ଶ୍ରୀ ଏ॰ପି ॰ଜେ ଅବଦୁଲ କଲାମଙ୍କ ଉଦେଶ୍ୟରେ ଦୁଇ ମିନିଟ ନୀରବ ପ୍ରାର୍ଥନା କରାଯାଇ ସଭା କାର୍ଯ୍ୟ ଆରମ୍ଭ କରଯାଇଥିଲା ।

ପିକକର ସମ୍ପାଦକ ରଞ୍ଜନ ମହାନ୍ତି ସ୍ୱାସ୍ଥ୍ୟ ସଚେତନତା ସୃଷ୍ଟି କ୍ଷେତ୍ରରେ ଗଣମାଧ୍ୟମର ଭୂମିକା ଉପରେ ଆଲୋକପାତ କରିବା ସହ ଏହି କର୍ମଶାଳାର ଉଦେଶ୍ୟ ସମ୍ପର୍କରେ ଆଲୋକପାତ କରିଥିଲେ ।

ସେ ସରକାରଙ୍କ ଯୋଜନା କିଭଳି ଲୋକଙ୍କ ପାଖରେ ସହଜରେ ପହଞ୍ଚିପାରିବ ସେଥିପ୍ରତି ସମସ୍ତେ ଧ୍ୟାନ ଦେବା ଆବଶ୍ୟକ ବୋଲି ମତ ରଖିଥିଲେ । ୟୁନିସେଫ ର ଦିନେଶ ଭୂୟାଁ ରାଜ୍ୟର ଶିଶୁ ଓ ମାତୃ ସ୍ୱାସ୍ଥ୍ୟ ସଂକ୍ରାନ୍ତ ରେ ସବିଶେଷ ତଥ୍ୟ ଉପସ୍ଥାପନ କରିଥିଲେ ।

ଜିଲ୍ଲା ମୁଖ୍ୟ ଚିକିସ୍ଥ ଅଧିକାରୀ ଡକ୍ଟର ନିରଞ୍ଜନ ନାୟକ ଜିଲ୍ଲାର ସ୍ଵାସ୍ଥ୍ୟସେବା ଉପରେ ଆଲୋକପାତ କଋବ। ସହ ସ୍ଵତନ୍ତ୍ର ନବଜାତ ଶିଶୁ ଯତ୍ନ କେନ୍ଦ୍ର ତଥା ପୋଷଣ କେନ୍ଦ୍ରର ଗତ ବର୍ଷର ସଫଳତା ଉପରେ ଆଲୋକପାତ କରିଥିଲେ ।

ବରିଷ୍ଠ ସାମ୍ବାଦିକ ସି ॰ଏଚ ॰ଶାନ୍ତାକାର କାର୍ଯ୍ୟକ୍ରମ ରେ ଯୋଗଦେଇ ଗଣମାଧ୍ୟମ ବିଭିନ୍ନ ସମସ୍ୟାକୁ ଲୋକଲୋଚନ କୁ ଆଣିବା ସହ ଗଠନମୂଳକ ସମ୍ବାଦ ପରିବେଷଣ ପାଇଁ କହିଥିଲେ ।

ଜିଲ୍ଲାର ଡି ॰ଆଇ ॰ପିଆରଓ ଶ୍ରୀ ହଳଧର ନାୟାର ସରକାରୀ ଯୋଜନା ଓ ବିଭିନ୍ନ ସଫଳ ଘଟଣ।କୁ କିଭଳି ଗଣମାଧ୍ୟମ ପାଇ ପାରିବ ସେ ଦିଗରେ ସେମାନେ ଚେଷ୍ଟା କରିବେ ବୋଲି ମତଦେଇଥିଲେ ।

ଗଣମାଧ୍ୟମ ପ୍ରତିନିଧି ମାନେ ବିଭିନ୍ନ ବିଷୟ ଉପରେ ପ୍ରଶ୍ନ ଉଠେଇଥିଲେ ତଥା ଗଣମାଧ୍ୟମ କୁ ନିୟମିତ ସୂଚନା ପ୍ରଦାନ ଉପରେ ଗୁରୁତ୍ଵ ଆରୋପ କରିଥିଲେ । ଶେଷରେ ସାର୍ଡ ର ସମ୍ପାଦକ ପ୍ରତାପ ଚନ୍ଦ୍ର ବେଣୁ ଧନ୍ୟବାଦ ଅର୍ପଣ କରିଥିଲେ।

କର୍ମଶାଳାକୁ ପିକକ ର ଡାଃ ଏମ ॰ବଳିଆରସିଙ୍ଘ ଓ ତେଞ୍ଜିଙ୍ଗ ସଭାପତି ଭାବେ ପରିଚାଳନା କରିଥିଲେ ।

ଓଡିଶା ଡଟ କମ