ଭୁବନେଶ୍ଵର, ସେପ୍ଟେମ୍ବର ୨୨ (ଓଡିଶା ଡଟ କମ) ଦିଲ୍ଲୀର ଜବାହରଲାଲ ନେହେରୁ ବିଶ୍ଵବିଦ୍ୟାଳୟରେ ଓଡ଼ିଆ ଭାଷା ସାହିତ୍ୟ ଓ ସାଂସ୍କୃତିକ ପାଠ୍ୟକ୍ରମରେ ଏକ ଚେୟାର ଖୋଲିବା ନେଇ ଏକ ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି ।
ଜବାହରଲାଲ ନେହେରୁ ବିଶ୍ଵବିଦ୍ୟାଳୟର ସେଣ୍ଟର ଫର ଇଣ୍ଡିଆନ୍ ଲାଙ୍ଗୁଏଜେସ୍ରେ ଏହି ଚେୟାର ପ୍ରତିଷ୍ଠା ହେବ ।
ଓଡ଼ିଆ ଭାଷା ଶାସ୍ତ୍ରୀୟ ମାନ୍ୟତା ପାଇବା ପରେ ଏହାର ବିକାଶ ପାଇଁ ବିଭିନ୍ନ ସମୟରେ ସରକାର ଭିନ୍ନ ଭିନ୍ନ କାର୍ଯ୍ୟକ୍ରମ ହାତକୁ ନେଇଛନ୍ତି । ଏହି ଚେୟାର ପ୍ରତିଷ୍ଠା ହେବା ଫଳରେ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ନେଇ ଉଚ୍ଚତର ଗବେଷଣା ହୋଇପାରିବ । ଛାତ୍ରଛାତ୍ରୀ ଓ ଗବେଷକ ଏହାର ସୁବିଧା ନେଇପାରିବେ ।
ଓଡିଶା ଡଟ କମ