ପ୍ରବାସୀ ଓଡିଆ ପ୍ରଯୋଜିକାଙ୍କର ହଲିଉଡ୍ ଫିଲ୍ମର ପ୍ରିମିୟରରେ ଉତ୍ସାହ

ଓଡିଶା ଡଟକମ: ସୌଭାଗ୍ୟ ଦେଓ

ଭୁବନେଶ୍ଵର, ନଭେମ୍ବର ୫ (ଓଡିଶା ଡଟ କମ) ବୁଧବାର ଭୁବନେଶ୍ଵରର ଏକ ପ୍ରତିଷ୍ଠିତ ହୋଟେଲରେ ଜଣେ ପ୍ରବାସୀ ଓଡିଆ ମହିଳା ପ୍ରଯୋଜିକାଙ୍କର ପ୍ରଥମ ହଲିଉଡ୍ ଫିଲ୍ମ ‘ଡିଜାୟାରସ୍ ଅଫ୍ ଦି ହାର୍ଟସ’ ର ଗ୍ରାଣ୍ଡ ପ୍ରିମିୟର ଅନୁଷ୍ଠିତ ହୋଇଥିବା ବେଳେ ସେଠାରେ ଉପସ୍ଥିତ ଥିବା ସହରର ଅନେକ ବୁଦ୍ଧିଜୀବି, ସିନେବ୍ୟକ୍ତିତ୍ୱ, ଯୁବବର୍ଗ ଙ୍କ ମଧ୍ୟରେ ଏହାକୁ ନେଇ ବ୍ୟାପକ ଉତ୍ସାହ ପରିଲକ୍ଷିତ ହୋଇଛି ।

ସାରା ବିଶ୍ୱରୁ ସ୍ୱୀକୃତି ଲାଭ କରିଥିବା ଓଡ଼ିଶା ଜନ୍ମିତ ଫିଲ୍ମ ପ୍ରଯୋଜକ ଓ ଲେଖକ ସୋଲିଲା ପରିଡାଙ୍କ ହଏହି ଚଳଚିତ୍ର ଭାରତରେ ୬ ନଭେମ୍ବରରେ ମୁକ୍ତିଲାଭ କରିବାକୁ ଯାଉଛି । ପ୍ରଥମ ଥର କରି ଜଣେ ଓଡ଼ିଆ ପ୍ରଯୋଜକଙ୍କ ଦ୍ୱାରା ପ୍ରସ୍ତୁତ ଏହି ହଲିଉଡ୍ ଫିଲ୍ମ ଥିଏଟରରେ ରିଲିଜ୍ ହେଉଛି ।

“ଏକ ଅନ୍ତର୍ଜାତୀୟ ଚଳଚ୍ଚିତ୍ର ନିର୍ମାଣ କରିବା ସମୟରେ ଆମେ ସର୍ବଦା ଦୁଇଟି ଦେଶର ସଂସ୍କୃତିଗତ ବିଭିନ୍ନତାକୁ ସାରା ବିଶ୍ୱର ଦର୍ଶକଙ୍କ ନିକଟରେ ଉପସ୍ଥାପିତ କରିବାକୁ ଚେଷ୍ଟା କରିଥାଉ ଏବଂ ଏହା ନିଶ୍ଚିତ ଭାବରେ ଦର୍ଶକଙ୍କ ଦ୍ୱାରା ଆଦୃତି ଲାଭ କରିବ ବୋଲି ଆମେ ଆଶା କରୁଛୁ ” ଏହି ଫିଲ୍ମ ସମ୍ବନ୍ଧରେ ଶ୍ରୀମତୀ ପରିଡା ଓଡିଶା ଡଟ କମକୁ କହିଛନ୍ତି ।

ଭାରତ ଭଳି ଏକ ପୁରୁଷ ପ୍ରଧାନ ଦେଶରେ ପୂର୍ବରୁ ଅନେକଗୁଡ଼ିଏ ସତୀ ପ୍ରଥା ସମ୍ପର୍କିତ ଘଟଣା ପରିଲକ୍ଷିତ ହୋଇଛି କିନ୍ତୁ ଖୁବ୍ କମ୍ ଫିଲ୍ମ ଏହା ଉପରେ ପ୍ରସ୍ତୁତ କରାଯାଇଛି । ‘ଡିଜାୟାରସ୍ ଅଫ୍ ଦି ହାର୍ଟ’ ଏହି ବିଷୟକୁ ସ୍ୱତନ୍ତ୍ର ଭାବରେ ଉପସ୍ଥାପିତ କରିବା ପାଇଁ ଚେଷ୍ଟା କରିଥିବା ସେ କହିଛନ୍ତି।jitendra-3

ଲିଉଡ୍ ଆକ୍ଟର ଭାଲ୍ ଲଉରେନ୍ ଓ ଆଲିସିଆ ମିନ୍ସିଉ ଷ୍ଟାର ଥିବା ଏହି ଫିଲ୍ମର ମାର୍କେଟ୍ ପି୍ରମିୟର ଗତ ବର୍ଷ ୬୭ତମ କେନ୍ସ ଫିଲ୍ମ ଫେଷ୍ଟିଭାଲ୍ ରେ କରାଯାଇଛି । ଏହି ଫିଲ୍ମଟି ମଧ୍ୟ ଅନେକଗୁଡ଼ିଏ ଆନ୍ତର୍ଜାତିକ ଫିଲ୍ମ ମହୋତ୍ସବ ଯଥା ଏଲଏ ଫେମ୍ ଇରନାସ୍ନାଲ୍, ସେଡୋନା ଇରନାସ୍ନାଲ୍ ଫିଲ୍ମ ଫେଷ୍ଟିଭାଲ୍, ମାକୋନ୍ ଫିଲ୍ମ ଫେଷ୍ଟିଭାଲ୍ ଓ ହୋବୋକେନ୍ ଫିଲ୍ମ ଫେଷ୍ଟିଭାଲ୍ରେ ପ୍ରଦର୍ଶିତ ହୋଇଛି ।

ଏହି ଫିଲ୍ମରେ ମଧ୍ୟ ବଲିଉଡ୍ ଆକ୍ଟର ଗୁଲ୍ସନ ଗ୍ରୋଭର ଓ ‘ଆଇ ଆମ୍ କଲାମ୍’ର ଶିଶୁ କଳାକାର ହର୍ଷ ମୟର ରହିଛନ୍ତି । ଏହି ଫିଲ୍ମକୁ ପୁରସ୍କାର ପ୍ରାପ୍ତ ନିଦେ୍ର୍ଧଶକ ଜେମ୍ସ କିକ୍ଲାଇଟର ଏଣ୍ଡ କୋ. ଟ ଦ୍ୱାରା ନିଦେ୍ର୍ଧଶନା ପ୍ରଦାନ କରାଯାଇଛି ଓ ଭାରତର ରାଜେଶ ରାଠିଙ୍କ ଦ୍ୱାରା ସହ ନିଦେ୍ର୍ଧଶନା ପ୍ରଦାନ କରାଯାଇଛି ।

ସୋଲିଲା ପରିଡା ହେଉଛନ୍ତି ଡିଓଟିଏଚ୍ ଏରଟେନ୍ମେ ଏଲଏଲ୍ସି, ୟୁଏସ୍ଏର ପ୍ରତିଷ୍ଠାତା । ସେ ଅର୍ଥନୀତିରେ ସ୍ନାତକୋର ତଥା ହଲିଉଡ୍ ଫିଲ୍ମ ଇନ୍ଷ୍ଟିଚୁ୍ୟଟ୍ରୁ ଫିଲ୍ମ ପ୍ରଡକ୍ସନ ମ୍ୟାନେଜମେଣ୍ଟ ରେ ପୋଷ୍ଟ ଗ୍ରାଜୁଏଟ ଡିପ୍ଲୋମା କରିଛନ୍ତି । ସେ ବିଗତ ୨୦ ବର୍ଷ ମଧ୍ୟରେ ଅନେକ ପୁରସ୍କାରପ୍ରାପ୍ତ ଫିଲ୍ମର ପ୍ରସ୍ତୁତ କରିଛନ୍ତି ଯେଉଁଥିରେ ଅନ୍ତର୍ଭୁକ୍ତ ରିହିଛି ବଲିଉଡ୍ ଫିଲ୍ମ ‘ବ୍ୟାଣ୍ଡିଟ୍ ଲଭର୍ସ’, ‘କୋଇ ହେ’ ଇତ୍ୟାଦି ।jitendra-1

ସେ ତାଙ୍କ କାର୍ଯ୍ୟ ପାଇଁ ଅନେକ ଜାତୀୟ ତଥା ଆନ୍ତର୍ଜାତୀୟ ପୁରସ୍କାର ଲାଭ କରିଛନ୍ତି । ଫିଲ୍ମ ପ୍ରସ୍ତୁତି ବ୍ୟତୀତ ସେ ଅନେକଗୁଡିଏ ସମାଜସେବା ଓ ପରୋପକାର କାର୍ଯ୍ୟରେ ମଧ୍ୟ ନିଜକୁ ନିୟୋଜିତ କରିଛନ୍ତି ।

ଭୁବନେଶ୍ଵରରେ ଅନୁଷ୍ଠିତ ପ୍ରିମିୟର ରେ ସହରର ଅନେକ ବୁଦ୍ଧିଜୀବି, ସିନେବ୍ୟକ୍ତିତ୍ୱ, ଯୁବବର୍ଗ ସାମିଲ୍ ହୋଇ ପ୍ରଯୋଜିକାଙ୍କୁ ଉତ୍ସାହିତ କରିଥିଲେ । ଅତିଥି ଭାବେ ସାଂସଦ ପ୍ରଭାସ ସିଂ, ବିଧାୟିକା ଟୁକୁନି ସାହୁ ପ୍ରମୁଖ ଯୋଗଦେଇଥିଲେ ।jitendra-final

ଏହି ଫିଲ୍ମର ସହ-ପ୍ରଯୋଜକ ଜିତେନ୍ଦ୍ର ମିଶ୍ର ମଧ୍ୟ ଏହି ଅବସରରେ ଉପସ୍ଥିତ ରହିଥିଲେ । ଏହି ଫିଲ୍ମଟି ଭାରତର ପ୍ରମୁଖ ସହର ମୁମ୍ବାଇ, ଦିଲ୍ଲୀ, ବାଙ୍ଗାଲୋର ଓ ଜୟପୁର ରେ ମଧ୍ୟ ମୁକ୍ତିଲାଭ କରିବାକୁ ଯାଉଛି ।

ଓଡିଶା ଡଟ କମ