ଓଡିଶା ଡଟ କମ ସମ୍ବାଦଦାତା
ଭୁବନେଶ୍ଵର,ମଇ ୨୬ (ଓଡିଶା ଡଟ କମ): ନନ୍ଦନକାନନର ଏକ ସ୍ଵତନ୍ତ୍ର ଟିମ ଦ୍ଵାରା ସୋମବାର ମଧ୍ୟରାତ୍ରିରେ ପ୍ରାଣୀ ଉଦ୍ୟାନ କୁ ଆସିଛନ୍ତି ସାତ ନୂଆ ଅତିଥି। ଏମାନଙ୍କ ମଧ୍ୟରେ ଦୁଇ ଗୟଳ ଓ ପାଞ୍ଚ ମଣିପୁରୀ ହରିଣ ଆସିଛନ୍ତି ।
ଦୁଇ ଗୟଳଙ୍କୁ ପଞ୍ଜାବ ଚଣ୍ଡିଗଡର ଛତବିର ଚିଡିଆଖାନାରୁ ଚାରୋଟି ପାଣିଗୋଧି, ଚାରୋଟି ଚଉଶିଙ୍ଗା ହରିଣ ଓ ଚାରୋଟି ଗେଣ୍ଡାଳିଆଙ୍କ ପ୍ରତିବଦଳରେ ଅଣାଯାଇଥିବା ବେଳେ ପାଞ୍ଚ ମଣିପୁରୀ ହରିଣଙ୍କୁ ଦିଲ୍ଲୀ ପ୍ରାଣୀ ଉଦ୍ୟାନରୁ ଚାରୋଟି ପାଣିଗୋଧି ଓ ଚାରୋଟି ଚଉଶିଙ୍ଗା ହରିଣ ଙ୍କ ବଦଳରେ ଅଣାଯାଇଛି ।
ଏହି ଦୁଇ ଗୟଳଙ୍କ ମଧ୍ୟରେ ଗୋଟିଏ ପୁରୁଷ ଓ ଅନ୍ୟଟି ମାଈ ଅଟେ । ଏମାନଙ୍କ ବୟସ ପାଖାପାଖି ଆଠ ରୁ ଦଶ ବର୍ଷ ମଧ୍ୟରେ ହୋଇଥିବା ଜଣାପଡିଛି । ସେହିପରି ଆସିଥିବା ପାଞ୍ଚ ମଣିପୁରୀ ହରିଣ ମଧ୍ୟରେ ତିନିଟି ମାଈ ହରିଣ ଓ ଦୁଇଟି ଅଣ୍ଡିରା ହରିଣ ଥିବା ନନ୍ଦନକାନନ ବିଭାଗ ତରଫରୁ କୁହାଯାଇଛି।
ନନ୍ଦନକାନନରେ ପହଞ୍ଚିବା ପରେ ପ୍ରଥମେ ଏମାନଙ୍କ ସ୍ୱାସ୍ଥ୍ୟ ପରୀକ୍ଷା କରି ପରେ ଏମାନଙ୍କୁ ଫାଙ୍କା ପଡିଥିବା ଜେବ୍ରା ଏନକ୍ଳୋଜର ମଧ୍ୟରେ ରଖାଯାଇଛି ।
ସହକାରୀ ନିର୍ଦ୍ଦେଶକ କମଳଲୋଚନ ପୁରୋହିତଙ୍କ ସହ ଡାକ୍ତର ଅନିଲ ଦାଶ, ଫରେଷ୍ଟ ଗାର୍ଡ ସୁଶାନ୍ତ ବେହେରା, ବନ୍ୟଜନ୍ତୁ ରକ୍ଷକ ପ୍ରତାପ ରାଉତ, ତ୍ରୈଲୋକ୍ୟ ମହାରଣା, ଓ ପ୍ରଫୁଲ ଦାଶ ଆଦି ଏକ ଟିମ ଗଠନ କରି ଏହି ଗୟଳ ଓ ହରିଣ କୁ ଆଣିବା ପାଇଁ ଦିଲ୍ଲୀ ଅଭିମୁଖେ ଯାଇଥିଲେ।
ଓଡିଶା ଡଟ କମ
ଏଥିପାଇଁ ବିଧି ବିଭାଗ ଏକ ବିସ୍ତୃତ ଯୋଜନା ପ୍ରସ୍ତୁତ କରିବା ପାଇଁ ସେ ନିର୍ଦ୍ଦେଶ ଦେଇ କହିଥିଲେ ଯେ ଏହା ଦ୍ଵାରା ସାଧାରଣ ଲୋକଙ୍କ ଆଇନ ସଚେତନତାର ବୃଦ୍ଧି ଘଟିବ ।
ଏହି ସମାରୋହରେ ପୂର୍ବତନ ମନ୍ତ୍ରୀ ଡା. ବେଣୁଧର ବଳିଆରସିଂହ ମୁଖ୍ୟ ଅତିଥି, ପ୍ରାକ୍ତନ ସାଂସଦ ତଥା ଉତ୍କଳ ଭାରତର ସଭାପତି ମହାମେଘବାହନ ଐର ଖାରବେଳ ସ୍ୱାଇଁ ମୁଖ୍ୟବକ୍ତା ଭାବରେ ଯୋଗଦାନ କରିଥିଲେ ।
ଅନୁରୋଧ କରିଥିଲେ ।
ଶିଶୁମାନଙ୍କୁ ନିଜ ଅଞ୍ଚଳର ଖବରକୁ ଅନ୍ୟଠାରେ ପହଞ୍ଚାଇବାର ଶିକ୍ଷାଦେବା, ଲେଖିବାରେ ସେମାନଙ୍କ ଆଗ୍ରହକୁ ବଢାଇବା ଓ ତାଙ୍କର ଅନ୍ତର୍ନିହିତ ଗୁଣକୁ ପ୍ରକାଶ କରିବା ସହ କମ ଖର୍ଚରେ ଖବରଟି କିପରି ପ୍ରତ୍ୟେକ ଲୋକ ପାଖରେ ପହଞ୍ଚାଇବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ ବୋଲି ଶିଶୁ ମହାସଂଘ ପକ୍ଷରୁ କୁହାଯାଇଛି ।