ଓଡିଶା ଡଟ କମ ସଂବାଦ ଦାତା
ଭୁବନେଶ୍ଵର, ମଇ ୪ (ଓଡିଶା ଡଟ କମ) ୨୦୧୨ ରେ ବାଲେଶ୍ୱର ଜିଲ୍ଲା ଚନ୍ଦନେଶ୍ୱରରେ ଅନୁଷ୍ଠିତ ଚଡକ ଯାତ୍ରାରେ ଭକ୍ତ ଓ କିଛି ସାମ୍ବାଦିକଙ୍କ ଉପରେ ଲାଠିମାଡ ହୋଇଥିବା ଅଭିଯୋଗର ତଦନ୍ତକରି କେନ୍ଦ୍ରାଂଚଳ ରାଜସ୍ୱ କମିଶନର ଓ ଜିଲ୍ଲା ପୁଲିସ୍ ଏସପି ଦେଇଥିବା ରିପୋର୍ଟରେ ତାଳମେଳ ରହୁନଥିବାରୁ ଘଟଣାରେ ପୀଡିତଙ୍କୁ ଯେ ନ୍ୟାୟ ମିଳିବ ତାହାଉପରେ ସନ୍ଦେହ ସ୍ତୃଷ୍ଟି ହୋଇଛି ।
ଜାତୀୟ ମାନବାଧିକାର କମିସନ(ଏନଏଚଆରସି)ଙ୍କ ନିକଟରେ ଉଭୟ ଦାଖଲ କରିଥିବା ତଦନ୍ତ ରିପୋର୍ଟରୁ ଏହା ସ୍ପଷ୍ଟ ହୋଇଛି ।
ଉକ୍ତ ବର୍ଷ ଅପ୍ରେଲ ୧୨ ତାରିଖରେ ଚଡକଯାତ୍ରା ବେଳେ ପୋଲିସ୍ ଆଖିବୁଜା ଲାଠିମାଡ କରିଥିବା ଅଭିଯୋଗ ହୋଇଥିଲା । ନିରୀହ ଭକ୍ତମାନଙ୍କୁ ପୋଲିସ୍ ଗୋଡାଇ ଗୋଡାଇ ପିଟି ଥିବା ବେଳେ ସେଠାରେ କର୍ତ୍ତବ୍ୟରତ କେତେକ ସାମ୍ବାଦିକ ଏଥିରୁ ବାଦ୍ ପଡିନଥିଲେ । ଛଅ ଜଣ ସାମ୍ବାଦିକଙ୍କ ସମେତ ବହୁ ଲୋକ ପୁଲିସ୍ ଲାଠିମାଡରେ ଆହତ ହୋଇଥିବା ଅଭିଯୋଗ ହୋଇଥିଲା ।
ଏହି ଘଟଣାର ସ୍ଥାନୀୟ ପୁଲିସ ଓ କେନ୍ଦ୍ରାଂଚଳ ରାଜସ୍ୱ କମିଶନର ତଦନ୍ତ କରିଥିଲେ । ଏ ସମ୍ପର୍କରେ ମାନବାଧିକାର କର୍ମୀ ଅଖଣ୍ଡ ଜାତୀୟ ମାନବାଧିକାର କମିସନଙ୍କ ନିକଟରେ ଏକ ପିଟିସନ ଦାୟର କରିଥିଲେ । ମାନ୍ୟବର କମିସନ ଏହି ଘଟଣାର ବିଚାର କରି ରାଜ୍ୟ ପୋଲିସ୍ ଡି.ଜି.ଙ୍କୁ ଚାରିସପ୍ତାହ ମଧ୍ୟରେ ରିପୋର୍ଟ ଦେବାକୁ ନୋଟିସ୍ ଜାରି କରିଥିଲେ ।
କମିଶନଙ୍କ ନିର୍ଦ୍ଦେଶ ଅନୁସାରେ ବାଲେଶ୍ୱର ଏସପି ପୁଲିସ୍ ରିପୋର୍ଟ ଓ ଗୃହ ବିଭାଗର ସ୍ୱତନ୍ତ୍ର ସଚିବ ଆରଡିସି ତଦନ୍ତ ରିପୋର୍ଟକୁ ଏନଏଚଆରସିରେ ଦାଖଲ କରିଛନ୍ତି । ଘଟଣାର ତିନି ବର୍ଷ ପରେ ମଧ୍ୟ ଏହି ଦୁଇ ଅଧିକାରୀଙ୍କ କମିଶନଙ୍କ ନିକଟରେ ଦାଖଲ କରୁଥିବା ରିପୋର୍ଟରେ ସାମଂଜସ୍ୟ ନଥିବା ଜଣାପଡିଥିବା ଅଖଣ୍ଡ ଓଡିଶା ଡଟ କମ କୁ କହିଛନ୍ତି ।
ଆରଡିସିଙ୍କ ଦ୍ୱାରା ଦାଖଲ ହୋଇଥିବା ରିପୋର୍ଟରେ ଘଟଣାରେ ପୁଲିସର କେତେକ ତ୍ରୁଟି ଥିବା ସ୍ୱୀକାର କରାଯାଇଥିବା ବେଳେ ତଦନ୍ତକାରୀ ଅଫିସରଙ୍କ ଅନୁସନ୍ଧାନକୁ ଆଧାର କରି ରାଜ୍ୟ ଗୃହ ବିଭାଗ ଦେଇଥିବା ରିପୋର୍ଟରେ ଏହାକୁ ଖଣ୍ଡନ କରାଯାଇଛି । ତାହେଲେ ଆରଡିସିଙ୍କ ରିପୋର୍ଟ ସତ, ନାଁ ପୁଲିସ୍ ମିଛ କହୁଛି ? ଏହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିବା ସେ କହିଛନ୍ତି ।
ଆରଡିସି ତାଙ୍କ ରିପୋର୍ଟରେ ପୁଲିସ୍ ବନ୍ଦୋବସ୍ତରେ କୌଣସି ସ୍ଥଳରେ ତ୍ରୁଟି ଥିବା ଜାଣିବାକୁ ପାଇବା ସହ କିଛି ପୁଲିସ୍ ଅଧିକାରୀ ନିଜ ଡ୍ରେସ୍ ବଦଳାଇ ଭିଡ ଭିତରୁ ଜୀବନ ନେଇ ଚାଲି ଯାଇଥିଲେ ବୋଲି ଦର୍ଶାଇଥିଲେ । କିନ୍ତୁ ତଦନ୍ତକାରୀ ଅଫିସର ଏଭଳି କିଛି ପାଇନଥିବା କହିଛନ୍ତି ।
ଦ୍ୱିତୀୟରେ ଆରଡିସି ତାଙ୍କ ରିପୋର୍ଟରେ କହିଥିଲେ – “ଦୁର୍ଭାଗ୍ୟଜନକ ଭାବେ କିଛି ସାମ୍ବାଦିକଙ୍କୁ ପୁଲିସ୍ ବାହାନୀ ଆକ୍ରମଣ କରିଥିଲା”କିନ୍ତୁ ତଦନ୍ତକାରୀ ଅଧିକାରୀ ଏ କଥାକୁ ଅସ୍ୱୀକାର ନ କରି କହିଛନ୍ତି ଯେ, ସାମ୍ବାଦିକମାନଙ୍କ ପାଇଁ ସ୍ୱତନ୍ତ୍ର ପାସ୍ ଥିଲା ।
ଆରଡିସି ରିପୋର୍ଟରେ କୁହାଯାଇଛି – “ଗଣ୍ଡଗୋଳକୁ ପ୍ରଥମେ ସମାଧାନ କରିବାକୁ ଆସିଥିବା ବାଲେଶ୍ୱରର ଜଣେ ପୂର୍ବତନ ସାଂସଦ ଭକ୍ତମାନଙ୍କୁ କହିଥିଲେ ଯେ ଦୋଷୀ ପୁଲିସ୍ ଅଧିକାରୀଙ୍କୁ ଚିହ୍ନଟ କରି ଧରିବାକୁ କହିବା ପରେ ପରିସ୍ଥିତି ବିଗିଡି ଯାଇଥିଲା ।
ତିନିକୋଣିଆ ଛକରେ କେତେକ ଭକ୍ତ ପୁଲିସକୁ ଆକ୍ରମଣ କରିବାକୁ ପ୍ରୋତ୍ସାହନ ପାଇଥିଲେ କିନ୍ତୁ ଏହାକୁ ନେଇ ତଦନ୍ତକାରୀ ଅଫିସର ସଂପୃକ୍ତ ସାଂସଦଙ୍କ ବିରୋଧରେ କିଛି ତଥ୍ୟ ପାଇନାହାନ୍ତି କିମ୍ବା କାର୍ଯାନୁଷ୍ଠାନ କରିବାକୁ ସୁପାରିଶ କରିନଥିବା ଗୃହ ବିଭାଗ ମାନବାଧିକାର କମିଶନଙ୍କୁ ଜଣାଇଛନ୍ତି ।
ଜଣେ ରିକ୍ସା ଚାଳକ ପରେଶ ଜେନା ଏହି ଘଟଣାରେ ଗୁରୁତର ଆହତ ହୋଇ ଅକର୍ମଣ୍ୟ ହୋଇଥିଲେ । ସ୍ତ୍ରୀ, ତିନିଟି ଝିଅ ଓ ଗୋଟିଏ ପୁଅଙ୍କୁ ନେଇ ବହୁ କଷ୍ଟରେ ସେ ଜୀବନ ବିତାଉଛନ୍ତି ବୋଲି ଆରଡିସି ତାଙ୍କ ରିପୋର୍ଟରେ କହିଥିଲେ ।
କିନ୍ତୁ ସରକାର ମାତ୍ର ୩୦ ହଜାର ଟଙ୍କା ଦେଇ ତାଙ୍କ କାମ ସାରିଛନ୍ତି ବୋଲି ଗୃହ ବିଭାଗ ଏନଏଚଆରସିଙ୍କୁ ଜଣାଇଛି । ଆବେଦନକାରୀ ଅଖଣ୍ଡ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ଆରଡିସିଙ୍କ ରିପୋର୍ଟକୁ ମାନିବାକୁ ପୁଲିସ୍ ନାରାଜ୍ ।
ଆରଡିସିଙ୍କ ସୁପାରିଶକୁ କାର୍ଯ୍ୟ କରିବାକୁ ତଳିଆ ତଦନ୍ତକାରୀ ଅଫିସରମାନେ ଇଛୁକ ନୁହନ୍ତି । ପୁଣି ଗୃହ ବିଭାଗ ମଧ୍ୟ ତଦନ୍ତକାରୀ ଅଫିସରଙ୍କ ରିପୋର୍ଟକୁ ନେଇ ଆରଡିସିଙ୍କ ରିପୋର୍ଟକୁ ମିଛ ପ୍ରମାଣିତ କରିବାକୁ ଉଦ୍ୟମ କରିବା ଅତ୍ୟନ୍ତ ଦୁର୍ଭାଗ୍ୟ ଜନକ । ଏହା ଦ୍ୱାରା ଆରଡିସି ତଦନ୍ତ ଏକ ପ୍ରହସନରେ ପରିଣତ ହେବ ବୋଲି ସେ ଅଭିଯୋଗ କରିଛନ୍ତି ।
ଓଡିଶା ଡଟ କମ
ସ୍ଥାନୀୟ ରେଳବାଇ ପୁଲିସ ଡିଏସପି ଦେବେନ୍ଦ୍ର ଦାସ ଓଡିଶା ଡଟ କମକୁ କହିଛନ୍ତି ଘଟଣାରେ ସମୁଦାୟ ୪୮ ଜଣ ଗିରଫ ହୋଇଛନ୍ତି ଓ ଆହୁରି ୩୦-୪୦ ଜଣଙ୍କୁ ଖୋଜା ଚାଲିଛି । ଯେଉଁ ମାନଙ୍କ ବିରୁଦ୍ଧରେ ଆପାତତଃ ପ୍ରମାଣ ଅଛି ସେମାନଙ୍କୁ ହିଁ ଗିରଫ କରାଯାଇଛି ।
ଧ । ଗାଁର ଝୁନା ଛାଟୋଇଙ୍କ ଆଖିର ଲୁହ ସରୁନି । ତାଙ୍କୁ ଏମିତି ଏକ ଧକ୍କା ଲାଗିଛି ଯେ ସେ ଏଇ ରାଜ୍ୟରେ କିଛି ନ୍ୟାୟ ବିଚାର ଅଛି କି ବୋଲି ବାରମ୍ବାର ପ୍ରଶ୍ନ ପଚାରୁଥାନ୍ତି ।
ଡିଥିଲେ । ୧୮/୧୯ ବର୍ଷର ଦୁଇ ପୁଅ ସବୁଦିନ ଭୁବନେଶ୍ୱରରେ କାମ କରିବାକୁ ଯାନ୍ତି । ଫେରୁ ଫେରୁ ରାତି ୧୦ଟା । ତେଣୁ ସେମାନେ ନିଘୋଡ ନିଦରେ ଶୋଇ ପଡିଥିଲେ ।