• Skip to primary navigation
  • Skip to main content
  • Skip to primary sidebar
  • Skip to footer
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ

ଓଡିଶା ନ୍ୟୁଜ/ Odisha News

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ନୂଆଁଖାଇ

ମୁମ୍ବାଇ ପଶ୍ଚିମ ଓଡିଶା ପରିବାର ଦ୍ଵାରା ନୂଆଖାଇ ଭେଟ ଘାଟ

September 27, 2016 by ନିଉଜ ଡେସ୍କ Leave a Comment

mumbaiମୁମ୍ବାଇ, ସେପ୍ଟେମ୍ବର ୨୭ (ଓଡିଶା ଡଟ କମ ) ପଶ୍ଚିମ ଓଡିଶା ପରିବାର ମୁମ୍ବାଇ ପକ୍ଷରୁ ମୁମ୍ବାଇରେ ଗତ ରବିବାର ଦାଦର ଠାରେ ଥିବା ସ୍ଵତନ୍ତ୍ର ବୀର ସାବରକର ଅଡିଟୋରିଆମ ଠାରେ ନୂଆଖାଇ ଭେଟ ଘାଟ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହ ବ୍ୟାପକ ଜନସମାଗମ ମଧ୍ୟରେ ପାଳନ ହୋଇଛି।

ଏନାର୍ଜୀ ଭିଜିଲାନସ କମିଶନ ମହାରାଷ୍ଟ୍ରର ଅଧକ୍ଷ୍ୟ ପ୍ରଦୀପ ବାଭନିସକର ଓ ତାଙ୍କ ପତ୍ନୀ ଏହି ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ପଞ୍ଚାୟତିରାଜ ମନ୍ତ୍ରାଳୟର ଯୁଗ୍ମ ସଚିବ ସଂଜୀବ ପାଟଯୋଶୀ ଏହି ଉତ୍ସବରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।

mumbai3ନିଜର ଉଲ୍ଲେଖନୀୟ କାର୍ଯ୍ୟ ପାଇଁ ପ୍ରେସିଡେନଟ ଅଫ ଇଣ୍ଡିଆ ଆୱାର୍ଡ ୨୦୧୬ ପାଇ ପଶ୍ଚିମ ଓଡିଶାକୁ ଗୌରବାନ୍ଵିତ କରିଥିବାରୁ ପାଟଯୋଶୀଙ୍କୁ ସମ୍ମାନିତ କରଯାଇଥିଲା । ଏହି କାର୍ଯ୍ୟକ୍ରମରେ ପଶ୍ଚିମ ଓଡିଶା ର ବିଶିଷ୍ଟ ଚଳଚିତ୍ର ଅଭିନେତା ଓ ନିର୍ଦ୍ଦେଶକ ସାଧୁ ମେହେର ଉଦବୋଧନ ଦେଇଥିଲେ । ମୁମ୍ବାଇ ଠାରେ ନୂଆଖାଇ ଭେଟ ଘାଟ ପାଳନର ଦଶ ବର୍ଷ ପୂର୍ତ୍ତି ଉପଲକ୍ଷେ ଏକ ସ୍ମରଣିକା ଜୁହାର ୨୦୧୬ ଉନ୍ମୋଚିତ କରଯାଇଥିଲା ।

mumbai2ବଲିଉଡ ଚିତ୍ର ତାରକା ଟାଇଗର ସରଫ ମଧ୍ୟ ଏହି ଉତ୍ସବରେ ଯୋଗ ଦେଇ ନିଜର ବକ୍ତବ୍ୟ ପ୍ରଦାନ କରିଥିଲେ । ଏହି ଉତ୍ସବ ରେ ବଲାଙ୍ଗିର ଜିଲ୍ଲାର ଲୋଇସିଙ୍ଘାରୁ ଆସିଥିବା କଳାକାର ଡାଳଖାଇ, ରସରକେଲି, ଓ ରଙ୍ଗବତୀ ଆଦି ନୃତ୍ୟ ପରିବେଷଣ କରିଥିଲେ ।

ବରିଷ୍ଠ ଭାରତୀୟ ରାଜସ୍ୱ ସେବା ଅଧିକାରୀ ଶ୍ରୀକାନ୍ତ ଚାଟାର୍ଜୀ କଳାକାର ମଣ୍ଡଳୀକୁ ଆକର୍ଷଣୀୟ ନୃତ୍ୟ ପ୍ରଦର୍ଶନ ପାଇଁ ମାନପତ୍ର ପ୍ରଦାନ କରିଥିଲେ । ଏହି ଉତ୍ସବରେ ଶିକ୍ଷା ଓ ଅନ୍ୟ ବିଭାଗରେ ଉଲ୍ଲେଖନୀୟ ପ୍ରଦର୍ଶନ କରିଥିବା ବିଭିନ୍ନ ଛାତ୍ର ଓ ଛାତ୍ରୀଙ୍କୁ ମଧ୍ୟ ପୁରସ୍କାର ପ୍ରଦାନ କରଯାଇଥିଲା

ଓଡିଶା ଡଟ କମ

Filed Under: ପ୍ରବାସୀ ଓଡିଆ Tagged With: ଜନସମାଗମ, ନୂଆଁଖାଇ, ପରିବାର, ପଶ୍ଚିମ ଓଡ଼ିଶା, ଭେଟ ଘାଟ, ମୁମ୍ବାଇ, ରଙ୍ଗାରଙ୍ଗ, ସାଂସ୍କୃତିକ

ରୋଟାରୀ କ୍ଲବ ବରଗଡ଼ ଦ୍ୱାରା ନୂଆଁଖାଇ ଭେଟ୍ଘାଟ୍

October 7, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼ ,ଅକ୍ଟୋବର ୭(ଓଡ଼ିଶା ଡ଼ଟ୍ କମ୍)- ରୋଟାରୀ ପବ୍ଲିକ ସ୍କୁଲ ଠାରେ ନିକଟରେ ନୂଆଁଖାଇ ଭେଟ୍ଘାଟ୍ ର ଆୟୋଜନ କରାଯାଇଥିଲା ।

ଏହି ଉତ୍ସବକୁ ଆନୁଷ୍ଠାନିକ ଭାବେ ମୂଖ୍ୟ ଅତିଥି ଭୂତପୂର୍ବ ଡ଼ିଷ୍ଟିକ୍ଗଭର୍ଣ୍ଣର ଡ଼ଃ.ପ୍ରମୋଦ ରଥ ତାଙ୍କ ସହ ଧର୍ମିଣୀ ସୁନୀତା ରଥ, କ୍ଲବ ସଭାପତି ରୋଟାରୀଆନ୍ ବିଶ୍ୱଜିତ୍ ବାରିକ ,ସହ ଧର୍ମିଣୀ ପ୍ରତୀଭା ବାରିକ, ଇନରହ୍ୱିଲ୍ କ୍ଲବ ସଭାନେତ୍ରୀ ଶ୍ରୀମତୀ ସନ୍ଧ୍ୟା ଅଗ୍ରୱାଲ, ରୋଟ୍ରାଟ୍ କ୍ଲବ ସଭାପତି ରୋଶନ ବାରିକ , ଏସିଷ୍ଟେ ଗଭର୍ଣ୍ଣର ସଞ୍ଜୟ ଅଗ୍ରୱାଲ ପ୍ରମୁଖ ମାଁ ସମଲେଶ୍ୱରୀଙ୍କ ଠାରେ ଦ୍ୱୀପ ପ୍ରଜ୍ଜଳିତ କରି ସାଂସ୍କୃତିକ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ।

ରୋଟାରୀ କ୍ଲବ,ବରଗଡ଼ ଏବର୍ଷ ପ୍ରଥମ କରି ନୂଆଁଖାଇ ଭେଟ୍ଘାଟ୍ ଅବସରରେ ସମାଜର ବିଭିନ୍ନ ବର୍ଗରେ ସୁନାମ ଅର୍ଜନ କରିଥିବା ବ୍ୟକ୍ତି ବିଶେଷ ମାନଙ୍କୁ ରୋଟାରୀ ସମ୍ମାନରେ ଭୂଷିତ କରିଥିଲା

ସାମ୍ବାଦିକତା ତଥା ସାମାଜିକ କାର୍ଯ୍ୟ ପାଇଁ ବର୍ଷିଆନ୍ ସାମ୍ବାଦିକ ଶିତୀକଣ୍ଠ ପାଟ୍ଟଯୋଶୀ ,ସୁରେନ୍ଦ୍ର ହୋତା, ଲକ୍ଷ୍ମୀ ହୋତା, ଶଙ୍କର ବଲ୍ଲଭ ମିଶ୍ର ସମ୍ବଲପୁରୀ କବିତା ପାଇଁ ଶଚ୍ଚି ପଣ୍ଡା, ସଞ୍ଜିବ ବଣିଆଁ , ଦେବେନ୍ଦ୍ର ସାହୁ ପ୍ରମୁଖଙ୍କୁ ମୂଖ୍ୟ ଅତିଥି ଦ୍ୱାରାଉପଢ଼ୌକନ ଦେଇ ସମ୍ବଦ୍ଧିତ କରାଯାଇଥିଲା ।

ସମ୍ମାନ ପାଇଥିବା ବ୍ୟକ୍ତି ବିଶେଷ ଗଣ ତାଙ୍କର ନିଜର ଅନୁଭୂତି ସହିତ ରୋଟାରୀ କ୍ଲବ ସାମାଜିତ ସ୍ତରରେ ନିଜକୁ ସାମିଲ କରି ଏହି ସବୁ କାର୍ଯ୍ୟକରିଥିବା ପାଇଁ ପ୍ରଶଂସା କରିଥିଲେ ।

ଏହି ଅବସରରେ ରୋଟାରୀ ଏବଂ ରୋଟ୍ରାଟ୍ କ୍ଲବର ଆଠ ଜଣ ନୂଆଭାବେ ସଭ୍ୟପଦ ଗ୍ରହଣ କରିଥିଲୋ ବର୍ଷିଆନ ରୋଟାରୀଏନ ଗଣ ତାଙ୍କୁ ସଭ୍ୟପଦ ପାଇଁ ସପଥ ପାଠ କରାଇଥିଲେ ।

ମୋହିନୀ କଳାପରିଷଦ ବରଗଡ଼ ଦ୍ୱାରାସମ୍ବଲପୁରୀ ନୃତ୍ୟଗୀତ ପରିବେଶଣ କରାଯାଇଥିଲା । ଗଙ୍ଗାସାଗର ପତି ଧନ୍ୟବାଦ ଜ୍ଞାପନ କରିଥିଲେ । ଏହି କାର୍ଯ୍ୟକ୍ରମକୁ ରୋଟାରୀଏନ୍ ପ୍ରଦୀପ ଦେବ୍ତା ପରିଚାଳନା କରିଥିଲେ । ଶେଷରେ କ୍ଲବ ସଭ୍ୟଙ୍କ ଦ୍ୱାରାତିଆରି ହୋଇଥିବା ନୂଆଁଖାଇର ସମ୍ବଲପୁରୀ ବ୍ୟଞ୍ଜନ ସମସ୍ତଙ୍କୁ ପରସା ଯାଇଥିଲା । ସମସ୍ତ ରୋଟାରୀଆନ୍,ଇନରହ୍ୱିଲ୍ ସଭ୍ୟା ଏବଂ ରୋଟ୍ରାଟ୍ର ଉପସ୍ଥିତି ଥାଇ କାର୍ଯ୍ୟକ୍ରମକୁ ସଫଳ କରିଥିଲେ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ନୂଆଁଖାଇ, ବରଗଡ଼, ରୋଟାରୀ କ୍ଲବ

ଓଡିଶା ଠପ୍: ଜୀବନଯାତ୍ରା ବିପର୍ଯ୍ୟସ୍ତ : ପଶ୍ଚିମ ଓଡ଼ିଶା ବାଦ୍

September 20, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦାତା

ଭୁବନେଶ୍ୱର,ସେପ୍ଟେମ୍ବର ୨୦(ଓଡ଼ିଶା ଡ଼ଟ୍ କମ୍)- ଡିଜେଲ ଦର ବୃଦ୍ଧି, ଜାଳେଣି ଗ୍ୟାସ ସବସିଡି ହ୍ରାସ କରିବା, ଖୁଚୁରା ବ୍ୟବସାୟରେ ବିଶେୀ ପୁଞ୍ଜିକୁ ଅନୁମତି ଦେବା, ନାଲକୋ ଏବଂ ଅଏଲ ଇଣ୍ଡିଆ ଭଳି ଲାଭଦାୟକ ଉଦ୍ୟୋଗରୁ ପୁଞ୍ଜି ପ୍ରତ୍ୟାହାର ବିରୋଧରେ ବିଜେପି ନେତୃତ୍ୱାଧୀନ ଏନଡିଏ ସମେତ ସମାଜବାଦୀ ପାର୍ଟି ଓ ବାମଦଳ ପକ୍ଷରୁ ଆଜି ଭାରତବନ୍ଦ ଡାକରା ଦିଆ ଯାଇଥିବା ବେଳେ ଓଡିଶାରେ ଏହି ବନ୍ଦ ଶାନ୍ତିପୂଣ୍ଣ ଭାବରେ ଅନୁଷ୍ଠିତ ହୋଇ ଯାଇଛି ।

ତେବେ ଗଣପର୍ବ ନୂଆଖାଇଥିବାରୁ ଏହି ବନ୍ଦରୁ ପଶ୍ଚିମ ଓଡ଼ିଶାକୁ ଆନ୍ଦୋଳନ କାରୀମାନେ ବାଦ୍ ଦେଇଥିଲେ । ବିଜେପି ସମେତ ୮ଗୋଟି ଦଳ ଏହି ବନ୍ଦ ଡାକରା ଦେଇଥିବାବେଳେ ବ୍ୟବସାୟୀ ସଂଘ ଏବଂ ଟ୍ରକ ମାଲିକ ସଂଘ ମଧ୍ୟ ଏହାକୁ ସମର୍ଥନ ଜଣାଇଥିଲେ ।

ପଶ୍ଚିମ ଓଡ଼ିଶାକୁ ବାଦ୍ ଦେଇ ଓଡ଼ିଶାର ଅନ୍ୟାନ୍ୟ ଅଞ୍ଚଳ ଗୁଡିକରେ ଦୋକାନ ବଜାର ବନ୍ଦ ରହିଥିଲା । ଓଡ଼ିଶାରେ ବିଜେପି, ସିପିଆଇ, ସିପିଆଇଏମ, ଫରୱାର୍ଡ ବ୍ଲକ, ଆରଜେଡି, ସମାଜବାଦୀପାର୍ଟି ମିଳିତ ଭାବେ ଏହି ବନ୍ଦରେ ସାମିଲ ହୋଇଥିଲେ ।

ଆଜିି ସକାଳ -୬ରୁ ସଂଧ୍ୟା ୬ଟା ପର୍ଯ୍ୟନ୍ତ ବନ୍ଦ ଡାକରା ଦିଆଯାଇଥିବାରୁ ସମସ୍ତ ରେଳଚଳାଚଳ ଓ ବସ ଯାତ୍ରା ବନ୍ଦ ରହିଥିଲା । ୧୦ ଟି ଏକ୍ସପ୍ରେସ ସମେତ ୩୫ଟି ପାସେଞ୍ଜର ଟ୍ନେକୁ ବାତିଲ କରା ଯାଇଥିଲା ।

ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ ପାଇଁ ବ୍ୟବସାୟ ପ୍ରତିଷ୍ଠାନଗୁଡ଼ିକ ସାଧାରଣତଃ ବନ୍ଦ ରହିଥିବାରୁ ପଶ୍ଚିମ ଓଡ଼ିଶାର ବ୍ୟବସାୟୀମାନେ ଭାରତ ବନ୍ଦକୁ ସମର୍ଥନ କରିଛନ୍ତି । ତେବେ ସେମାନଙ୍କ କ୍ଷେତ୍ରରେ ବନ୍ଦ ପାଳନ ନେଇ କଟକଣା କରାଯାଇ ନଥିଲା ।

ରାଜ୍ୟରେ ଥିବା ପ୍ରାୟ ୪ ଲକ୍ଷ ପାଇକାରୀ ଓ ଖୁଚୁରା ବ୍ୟବସାୟୀ ଭାରତ ବନ୍ଦକୁ ସମର୍ଥନ ଦେଇଥିବାର ମହାସଂଘ ପକ୍ଷରୁ କୁହାଯାଇଛି । ବ୍ୟବସାୟୀମାନେ ସେମାନଙ୍କ ବ୍ୟବସାୟ ପ୍ରତିଷ୍ଠାନ ବନ୍ଦ ରଖି ପ୍ରତିବାଦ ଜଣାଇଥିଲେ ।

ବନ୍ଦର ସବୁଠୁ ଅଧିକ ପ୍ରଭାବ ପଡ଼ିଥିଲା ରାଜଧାନୀ ଭୁବନେଶ୍ୱର, କଟକ, ପୁରୀ, ବ୍ରହ୍ମପୁର, ଅନୁଗୁଳ ଆଦି ସହରାଞ୍ଚଳରେ । ଆଜି ପ୍ରତ୍ୟୁଷରୁ ବିଭିନ୍ନ ଦଳର ବରିଷ୍ଠ ନେତାମାନେ ସମବେତ ହେବାପରେ ଅନେକ ସ୍ଥାନରେ ଶୋଭାଯାତ୍ରା ବାହାରିଥିଲା ।

ଭୁବନେଶ୍ୱର ରେଳଷ୍ଟେସନ ପାଖକୁ ଅନେକ ଦଳର ଶୋଭା ଯାତ୍ରା ଯାଇଥିଲା ଏବଂ ସେଠାରେ ରେଳରୋକୋ ଆରମ୍ଭ କରାଯାଇଥିଲା । ଏହାପରେ ଦଳୀୟ କର୍ମୀମାନେ ସହରର ମୁଖ୍ୟରାସ୍ତା ଓ ଛକମାନଙ୍କରେ ସମବେତ ହୋଇି ରାସ୍ତା ଅବରୋଧ କରିବା ସହିତ କେନ୍ଦ୍ର ସରକାର-ବିରୋଧୀ ଧ୍ୱନିମାନ ଦେଇ ବିଭିନ୍ନ ସ୍ଥାନରେ ପିକେଟିଂ କରିଥିଲେ ।

ଏହି ବନ୍ଦ ପାଳନରୁ ଅତ୍ୟାବଶ୍ୟକ ସେବା ସଂସ୍ଥାଗୁଡ଼ିକୁ ବାଦ୍ ଦିଆଯାଇଥିଲେ ହେଁ ପରିବହନ, ବ୍ୟାଙ୍କ, ସ୍କୁଲ, କଲେଜ ଏବଂ ବ୍ୟାବସାୟିକ ପ୍ରତିଷ୍ଠାନଗୁଡ଼ିକ ବିଶେଷ ପ୍ରଭାବିତ ହୋଇଥିଲା ।

ଆଜି ନୁଆଖାଇ ଯୋଗୁଁ ରାଜ୍ୟସରକାରୀ ପ୍ତରଗୁଡ଼ିକ ବନ୍ଦ ଥିଲ ମଧ୍ୟ କେନ୍ଦ୍ର ସରକାରଙ୍କ କାର୍ଯ୍ୟଳୟ ଗୁଡିକ ଖୋଲାଥିବାରୁ ଆନ୍ଦୋଳନକାରୀମାନେ ସେଗୁଡିକୁ ବନ୍ଦ କରିଦେଇଥିଲେ । ତେବେ ଦୋକାନ ବଜାର ସମ୍ପୂର୍ଣ୍ଣ ବନ୍ଦ ରହିଥିଲା । ରାସ୍ତାଗୁଡ଼ିକ ଶୂନଶାନ ହୋଇ ଭ୍ରମ ସୃଷ୍ଟି କରୁଥିଲା ।ଦୁଇଚକିଆ ଯାନଗୁଡ଼ିକ କାଁ ଭାଁ ଯିବାଆସିବା କରୁଥିଲା । ରାଜ୍ୟବ୍ୟାପୀ ସମସ୍ତ ପେଟ୍ରୋଲ ପମ୍ପ ବନ୍ଦ ରହିଥିଲା ।

ତେବେ ରାଜ୍ୟର ଛୋଟ ଛୋଟ ସହର ବଜାରଗୁଡ଼ିକରେ ମଧ୍ୟବନ୍ଦର ପ୍ରଭାବ ପରିଲକ୍ଷିତ ହୋଇଥିଲା । ଆଜିର ଏହି ବନ୍ଦରେ ସବୁଠୁ ବେଶି କ୍ଷତିଗ୍ରସ୍ତ ହୋଇଛନ୍ତି ସାଧାରଣ ଜନତା, ଖଟିଖିଆ,ଦିନ ମଜୁରିଆ, ଉଠାଦୋକାନୀ ଓ ଯାତ୍ରୀ ।

ରାଜ୍ୟର ଘରୋଇ ବସମାଲିକ ସଂଘ, ଅଟୋ ସଂଘ ଏବଂ ଅନ୍ୟାନ୍ୟ ପ୍ରମୁଖ ପରିବହନକାରୀ ବନ୍ଦ ପରିପ୍ରେକ୍ଷୀରେ ଗାଡି ଚଳାଚଳ ବନ୍ଦ ରଖିଥିବାରୁ ପରିବହନ ବ୍ୟବସ୍ଥା ସମ୍ପୂର୍ଣ୍ଣ ବିପର୍ଯ୍ୟସ୍ତ ହୋଇପଡ଼ିଥିଲା ।

ରାଜ୍ୟର ପ୍ରମୁଖ ବସଷ୍ଟାଣ୍ଡ ବରମୁଣ୍ଡା, ବାଦାମବାଡି, ବ୍ରହ୍ମପୁର, ପୁରୀ, ବାଲେଶ୍ୱର, ଜୟପୁର, ବାରିପଦା, ଅନୁଗୁଳ ଆଦି ଏକପ୍ରକାର ନିସ୍ତବ୍ଧ ହୋଇ ଯାଇଥିବା ବେଳେ ଖୋର୍ଦ୍ଧାରୋଡ଼, ଭୁବନେଶ୍ୱର, ପୁରୀ, ବ୍ରହ୍ମପୁର, କଟକ, ବାଲେଶ୍ୱର ଆଦି ରେଳଷ୍ଟେସନ ଓ ଜଙ୍କସନ ମାନଙ୍କରେ ଅନେକ ଯାତ୍ରୀଗାଡ଼ି ଓ ମାଲଗାଡ଼ି ଦୀର୍ଘସମୟ ଧରି ଅଟକି ରହିଥିଲା । ଏହାଫଳରେ ଯାତ୍ରୀ ପରିବହନ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଥିଲା ।

ବନ୍ଦ ଶାନ୍ତିପୂର୍ଣ୍ଣ ଓ ସମ୍ପୂର୍ଣ୍ଣ ସଫଳ ହୋଇଛି ଓ ଏଥିପ୍ରତି ରାଜ୍ୟବାସୀ ଅକୁଣ୍ଠ ସହଯୋଗ ଯୋଗାଇଛନ୍ତି ବୋଲି ବିଜେପିି ସଭାପତି ଜୁଏଲ ଓରାମ କହିଛନ୍ତି । ଉପାର ଶାସନରେ ଲୋକମାନେ ଅତିଷ୍ଠ ହୋଇପଡ଼ିଥିବା ଏଥିରୁ ଅନୁମିତ ହେଉଛି ବୋଲି ସେ କହିଥିଲେ ।

ବିଜେପି ନେତା ଓ କର୍ମୀମାନେ ଗ୍ରାମାଞ୍ଚଳରୁ ସହରାଞ୍ଚଳ ପର୍ଯ୍ୟନ୍ତ ବନ୍ଦ ପାଳନ କରିଥିଲେ । ଦଳୀୟ କର୍ମୀ ଓ ନେତାମାନେ କେନ୍ଦ୍ର ସରକାରଙ୍କ ବିଭିନ୍ନ ଅନୁଷ୍ଠାନ ବନ୍ଦ କରିଥିଲେ । ରେଳଷ୍ଟେସନରେ ରହି ଟ୍ରେନ ଚଳାଚଳ ମଧ୍ୟ ବନ୍ଦ କରିଥିଲେ ।

ଦଳର ରାଜ୍ୟ ସଭାପତି ଜୁଏଲ ଓରାମ କହିଛନ୍ତି ବନ୍ଦକୁ ସଫଳ କରିବା ପାଇଁ ବ୍ଲକ ଓ ଜିଲାସ୍ତରରେ ଥିବା ସମସ୍ତ କାର୍ଯ୍ୟକତା ର୍ମାନେ ସାମିଲ ହୋଇଥିଲେ । ‘ଭାରତ ବନ୍ଦ’ ଓଡିଶାରେ ଆଜି ମୋଟାମୋଟି ଶାନ୍ତିପୂର୍ଣ୍ଣଭାବେ ଶେଷ ହୋଇଛି ।

ବନ୍ଦ ଯୋଗୁଁ ସାଧାରଣ ଜୀବନଯାତ୍ରା ବ୍ୟାହତ ହୋଇଥିବା ଲକ୍ଷ୍ୟ କରାଯାଇଥିବାବେଳେ ରାଜ୍ୟର ବିଭିନ୍ନ ସ୍ଥାନରୁ ଶହଶହ କର୍ମୀ ଓ ନେତାଙ୍କୁ ପୁଲିସ ଗିରଫକରି ପରେ ଛାଡ଼ିଦେଇଛି ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର Tagged With: ଓଡିଶା ଠପ୍, ଜୁଏଲ ଓରାମ, ଡିଜେଲ ଦର ବୃଦ୍ଧି, ନୂଆଁଖାଇ, ପେଟ୍ରୋଲ ପମ୍ପ, ଭାରତ ବନ୍ଦ

Primary Sidebar

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Recent

  • ଓଡିଶା ଷ୍ଟାଫ୍ ସିଲେକ୍ସନ୍ କମିଶନ୍ ପକ୍ଷରୁ ଚାରିଟି ପଦବୀରେ ନିଯୁକ୍ତି ବିଜ୍ଞପ୍ତି
  • ବିଶେଷ: ଆସନ୍ତୁ ବୁଲିଯିବା ବୌଦ୍ଧ ଜିଲ୍ଲା
  • ତୋଷାଳି ମେଳାରେ ମନ ମୋହିଲା ବୟନିକାର ହସ୍ତତନ୍ତ ଫେସନ୍ ସୋ
  • ସବୁଜ ବଳୟ ଧ୍ୱଂସକୁ ନେଇ ଯୁବ ଚିତ୍ରଶିଳ୍ପୀଙ୍କ ଏକକ ପ୍ରଦର୍ଶନୀ
  • ଦିବ୍ୟାଙ୍ଗଙ୍କୁ ବଞ୍ଚିବାର ରାହା ଦେଖାଉଥିବା ଏକ ସ୍କୁଲର କାହାଣୀ (ବିଶେଷ)

Search

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Footer

ଆମ ବିଜ୍ଞାପନଦାତା