ଭୁବନେଶ୍ୱର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୧(ଓଡ଼ିଶା ଡ଼ଟ୍ କମ୍) ରାଜ୍ୟ ପଞ୍ଚାୟତିରାଜ ମନ୍ତ୍ରୀ ମହେଶ୍ୱର ମହାନ୍ତିଙ୍କୁ ଆକ୍ରମଣ ଘଟଣାରେ ପୋଲିସ ଜଣେ ପ୍ରଧାନଶିକ୍ଷକଙ୍କୁ ଗିରଫ କରିଛି ।

ଆକ୍ରମଣ କରିଥିବା ଅଭିଯୁକ୍ତ ବଳଭଦ୍ର ଭୋଇର ବୟାନକୁ ଭିତ୍ତି କରି ମଙ୍ଗଳବାର ପ୍ରତାପ ପୁରୁଷୋତ୍ତମପୁର ହାଇସ୍କୁଲ ପ୍ରଧାନଶିକ୍ଷକ ବଳଭଦ୍ର ଷଡ଼ଙ୍ଗୀଙ୍କୁ ଗିରଫ କରିଥିବା ଜଣେ ପୋଲିସ ଅଧିକାରୀ ବୁଧବାର କହିଛନ୍ତି ।

ଗତ ସୋମବାର ପ୍ରତାପପୁରୁଷୋତ୍ତମପୁରରେ ଦଳୀୟ କର୍ମୀଙ୍କ ଏକ ବୈଠକରେ ଯୋଗେଇଥିବା ମହାନ୍ତିଙ୍କ ଉପରେ ଆକ୍ରମଣ ହୋଇଥିଲା ଏବଂ ପୋଲିସ ବଳଭଦ୍ରଙ୍କୁ ଗିରଫ କରିଥିଲା ।

ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ବେଳେ ସେମାନଙ୍କ ଜାମିନ ନାମଞ୍ଜୁର ହୋଇଯିବାରୁ ୧୪ ଦିନ ପାଇଁ ବିଚାରବିଭାଗୀୟ ହାଜତକୁ ପଠାଇିଆଯାଇଛି ।

ଆକ୍ରମଣରେ ଆହତ ହୋଇ ମନ୍ତ୍ରୀ ବର୍ତମାନ ଭୁବନେଶ୍ୱର ସ୍ଥିତ ଘରୋଇ ଡ଼ାକ୍ତରଖାନାରେ ଚିକିତ୍ସିତ ହେଉଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୨୮ (ଓଡିଶା ଡଟ୍ କମ୍) ସମଗ୍ର ରାଜ୍ୟରେ ଶନିବାର ଉତ୍ସାହ ଉଦ୍ଦୀପନାର ସହିତ ସରସ୍ୱତୀ ପୂଜା ପାଳନ କରାଯାଇଛି ।

ଭୁବନେଶ୍ୱର ସମେତ ପୁରପଲ୍ଲୀରେ ଘରେ ଘରେ ତଥା ସ୍କୁଲ, କଲେଜ ଠାରୁ ଆରମ୍ଭ କରି ବିଭିନ୍ନ କ୍ଲବ୍
ଏବଂ ସାଂସ୍କୃତିକ ଅନୁଷ୍ଠାନ ଗୁଡିକ ପକ୍ଷରୁ ବେଶ୍ ଆଡମ୍ବର ସହିତ ବିଦ୍ୟାଦାତ୍ରୀଙ୍କ ପୂଜା କରାଯାଇଛି ।

ରାଜଧାନୀର ବିଭିନ୍ନ ସ୍ଥାନରେ ସୁନ୍ଦର ସୁନ୍ଦର ସରସ୍ୱତୀଙ୍କ ମୂର୍ତୀରେ ଫୁଲ ଏବଂ ହାର ମଣ୍ଡିତ କରାଯାଇ
ପୂଜା କରାଯିବା ସହିତ ବିଭିନ୍ନ ପ୍ରକାରର ତୋରଣମାନ ନିର୍ମାଣ କରାଯାଇଛି ।

ଶହୀଦ ନଗର, ୟୁନିଟ୍-୩, ବାପୁଜୀ ନଗର, ସିଆର୍ପି, ଚନ୍ଦ୍ରଶେଖରପୁର, ଶୈଳଶ୍ରୀ ବିହାର,
ଚନ୍ଦ୍ରଶେଖରପୁର ଆଦି ସ୍ଥାନରେ ଜାକଜମକରେ ପୂଜା କରାଯାଇଛି ।

ଏହି ଅବସରରେ ଅନେକ ଅନୁଷ୍ଠାନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି ।

ପ୍ରତ୍ୟେକ ବର୍ଷ ମାଘ ଶୁକ୍ଳପକ୍ଷ ପଂଚମୀ ତିଥିରେ ପବିତ୍ର ସରସ୍ୱତୀ ପୂଜା ଅନୁଷ୍ଠିତ ହୋଇଥାଏ । ବର୍ଷର ଏହି ମଙ୍ଗଳ ମୁହୂର୍ତରେ ତାଙ୍କର ଆବାହନ କରାଯାଇ ଶିକ୍ଷାର୍ଥୀ ତଥା ଅନ୍ୟମାନେ ସିଦ୍ଧି ନିମନ୍ତେ ପ୍ରାର୍ଥନା କରିଥାନ୍ତି ।
ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୨୫(ଓଡ଼ିଶା ଡ଼ଟ୍ କମ୍) ଭୁବନେଶ୍ୱରରେ ଅନୁଷ୍ଠିତ ହେବାକୁ ଥିବା ରାଜ୍ୟ ସ୍ତରୀୟ ସାଧାରଣତନ୍ତ୍ର ଦିବସ ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ଦୁଇଦିନ ପୂର୍ବରୁ ସହରର ପ୍ରବେଶପଥ ଗୁଡ଼ିକୁ ସିଲ୍ କରିିଆଯିବା ସହ ହୋଟେଲ ଏବଂ ଲଜ୍ ଗୁଡ଼ିକରେ ବ୍ୟାପକ ଯାଂଚ କରାଯାଇଛି ।

ପ୍ୟାରେଡ଼ ସମୟରେ ସୁରକ୍ଷା ପାଇଁ ୨୦ ପ୍ଲାଟୁନ୍ ଓଏସ୍ଏପି, ଦୁଇ ୟୁନିଟ୍ ଏସ୍ଓଜି ଏବଂ ୫୦ ଜଣ ଏପିଆର୍ଙ୍କୁ ନିୟୋଜିତ କରାଯାଇଥିବା ରାଜ୍ୟ ପୋଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ।

ସେହିପରି ସୁରକ୍ଷା ବ୍ୟବସ୍ଥା ପରିଚାଳନା ପାଇଁ ଚାରି ଜଣ ଅତିରିକ୍ତ ଡ଼ିସିପି, ତିନି ଜଣ ଡ଼ିସିପି, ୧୨ ଜଣ ଏସିପି, ୨୦ ଜଣ ଇନ୍ସପେକ୍ଟର ଏବଂ ଶହେରୁ ଉଦ୍ଧ୍ୱର୍ ଏସ୍ଆଇ ଏଏସ୍ଆଇଙ୍କୁ ନିୟୋଜିତ କରାଯାଇଛି ।

ଏହାବ୍ୟତୀତ ଟ୍ରାଫିକ୍ ନିୟନ୍ତ୍ରଣ ପାଇଁ ୭୮ ଜଣ ଟ୍ରାଫିକ୍ କନ୍ଷ୍ଟେବଲ, ୫୦ ଜଣ ମହିଳା କନ୍ଷ୍ଟେବଲ ଏବଂ ଶହେଜଣ ଗୃହରକ୍ଷୀଙ୍କୁ ନିୟୋଜିତ କରାଯାଇଥିବା ସେ କହିଛନ୍ତି ।

ସାଧାରଣତନ୍ତ୍ର ଦିବସଦିନ ସକାଳ ୬ଟାରୁ ପ୍ୟାରେଡ଼ ଶେଷ ହେବା ପର୍ଯ୍ୟନ୍ତ ରାଜମହଲ ରାମମନ୍ଦିରରୁ ମାଷ୍ଟରକ୍ୟାନ୍ଟିନ୍ ମଧ୍ୟରେ ଗାଡ଼ି ଚଳାଚଳ ଉପରେ କଟକଣା ଜାରି କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୮(ଓଡ଼ିଶା ଡ଼ଟ୍ କମ୍) ଭୁବନେଶ୍ୱର ସ୍ଥିତ ମଂଚେଶ୍ୱର ଷ୍ଟେସନରେ ବୁଧବାର ଏକ ମାଲବାହୀ ଟ୍ରେନ୍ ଲାଇଚ୍ୟୁତ ହୋଇଥିବା ବେଳେ ଏଥିରେ କେହି ମୃତାହତ ହୋଇନାହାନ୍ତି ।

ଆନ୍ଧ୍ରପ୍ରଦେଶରୁ ଆସୁଥିବା ଏହି ସିମେଂଟ ବୋଝେଇ ଟ୍ରେନ୍ଟି ଟ୍ରାକ୍ ପରିବର୍ତନ କରୁଥିବା ବେଳେ ଏହାରଦୁଇଟି ବଗି ଲାଇନଚ୍ୟୁତ ହୋଇଥିଲା ।

ଫଳରେ କଟକ-ଭୁବନେଶ୍ୱର ଲାଇନରେ ଟ୍ରେନ୍ ଚଳାଚଳ ବ୍ୟାହତ ହୋଇଥିଲା । ଲାଇନ ଠିକ୍ ହେବା
ପରେ ଟ୍ରେନ୍ ଚଳାଚଳ ସ୍ୱାଭାବିକ ହୋଇଥିବା ରେଳବାଇର ଜଣେ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଜାନୁୟାରୀ ୧୫(ଓଡ଼ିଶା ଡ଼ଟ୍ କମ୍) ଭୁବନେଶ୍ୱର ସ୍ଥିତ ମଂଚେଶ୍ୱର ଷ୍ଟେସନ୍ରେ ରବିବାର ଟ୍ରେନ୍ ରୁ ଖସିପଡ଼ି ଜଣେ କାର୍ଯ୍ୟରତ ଟିଟିଇଙ୍କ ମୃତ୍ୟୁ ହୋଇଛି ।

ସଂପୃକ୍ତ ଟିଟିଇଙ୍କ ନାଁ କୋରନାଥ ସାହୁ ଓ ତାଙ୍କ ଘର ରଙ୍ଗମାଟିଆ ଅଂଚଳରେ ।

ସେ ନୂଆଦିଲ୍ଲୀ ପୁରୀ ନୀଳାଚଳ ଏକ୍ସପ୍ରେସରେ ଆସୁଥିବା ସମୟରେ ମଂଚେଶ୍ୱର ଷ୍ଟେସନରେ ଓହ୍ଲାଇବା
ବେଳେ ଭାରସାମ୍ୟ ହରାଇ ତଳେ ପଡ଼ିଯାଇଥିଲେ ।

ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁ ଖବର ପାଇ ସ୍ଥାନୀୟ ଅଂଚଳର ଲୋକମାନେ ଷ୍ଟେସନ୍ ରେ ପହଂଚିଥିଲେ ଓ କିଛି ସମୟ ପାଇଁ ସେଠାରେ ଉତ୍ତେଜନା ପ୍ରକାଶ ପାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୬(ଓଡ଼ିଶା ଡ଼ଟ୍ କମ୍) ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ପାଇଁ ବର୍ତମାନ କୌଣସି ପ୍ରସ୍ତାବ ନାହିଁ ବୋଲି ଶୁକ୍ରବାର ଭୁବନେଶ୍ୱରରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଯୋଜନା କମିଶନ ଉପାଧ୍ୟକ୍ଷ ମଂଟେକ ସିଂ ଆହ୍ଲୁୱାଲିଆ କହିଛନ୍ତି ।

“”ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ପାଇଁ ଯୋଜନା କମିଶନଙ୍କ ନିକଟରେ କୌଣସି ପ୍ରସ୍ତାବ ନାହିଁ” ସେ ସାମ୍ବାଦିକଙ୍କୁ କହିଛନ୍ତି ।

ଗତ ୩ ତାରିଖରେ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଓଡ଼ିଶା ଗସ୍ତ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ପାଇଁ ଦ।ବି କରିବାର ତିନିଦିନ ପରେ କମିଶନ ଉପାଧ୍ୟକ୍ଷ ଏହି ମନ୍ତବ୍ୟ ଦେଇଛନ୍ତି ।

“”ଆମେ ବିଭିନ୍ନ ରାଜ୍ୟରୁ ଏଭଳି ଅନୁରୋଧ ପାଇଛୁ । ପ୍ରତି ରାଜ୍ୟରୁ ଆସୁଥିବା ଏଭଳି ଅନୁରୋଧ ବିଷୟରେ ମୁଁ କହିପାରିବି ନାହିଁ” ମଂଟେକ୍ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୩୧(ଓଡ଼ିଶା ଡ଼ଟ୍ କମ୍) ଭୁବନେଶ୍ୱରରେ ହେବାକୁ ଥିବା ଜାତୀୟ ବିଜ୍ଞାନ କଂଗ୍ରେସରେ ଯୋଗ ଦେବାକୁ ପ୍ରଧାନମନ୍ତ୍ରୀ ମନମୋହନ ସିଂହ ଆସୁଥିବାରୁ ଏହାକୁ ଦୃଷ୍ଟିରେ ରଖି ସହରରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

କିଟ୍ ବିଶ୍ୱବ୍ୟିାଳୟରେ ବିଜ୍ଞାନ କଂଗ୍ରେସ ୩ରୁ ୭ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ । ପ୍ରଧାନମନ୍ତ୍ରୀ ୨ତାରିଖ ସଂଧ୍ୟାରେ ଭୁବନେଶ୍ୱରରେ ପହଂଚି ୩ ତାରିଖରେ କିଟ୍ ପରିସର ଓ କଂଗ୍ରେସ ଭବନରେ ଯୋଗ ଦେବାର କାର୍ଯ୍ୟକ୍ରମ ରହିଛି ।

ତାଙ୍କର ସୁରକ୍ଷା ବ୍ୟବସ୍ଥା ତାରଖ ପାଇଁ ଏସ୍ପିଜି ଡିଆଇଜି ପିୟୁଷ ପାଣ୍ଡେଙ୍କ ନେତୃତ୍ୱରେ ଏକ ଚାରି ଜଣିଆ ଟିମ୍ ଶୁକ୍ରବାର ଭୁବନେଶ୍ୱରରେ ପହଂଚି ରାଜଧାନୀର ବିଭିନ୍ନ ସ୍ଥାନ ବୁଲି ସୁରକ୍ଷା ବ୍ୟବସ୍ଥା ଯାଂଚ କରିଛନ୍ତି ।

ବିଜୁ ପଟ୍ଟନାୟକ ବିମାନବନ୍ଦର କର୍ତୃପକ୍ଷ, ସିଆଇଏସ୍ଏଫ୍ ଅଧିକାରୀ ଓ ପୋଲିସ କମିଶନର ଏନେଇ ଆଲୋଚନା କରିଛନ୍ତି । ପ୍ରଧାନମନ୍ତ୍ରୀ ଯିବା ଆସିବାର ୧୫ ମିନିଟ୍ ପୂର୍ବରୁ ଉକ୍ତ ରାସ୍ତାକୁ ସିଲ୍ କରିିଆଯିବ ସମୟରେ କମିଶନରେଟ ପୋଲିସ ପକ୍ଷରୁ ମଧ୍ୟ ଏନେଇ ବ୍ୟାପକ ପ୍ରସ୍ତୁତି କରାଯାଇଛି ।

ଓଡ଼ିଶା ଡ଼ଟ୍ କମ୍