• Skip to primary navigation
  • Skip to main content
  • Skip to primary sidebar
  • Skip to footer
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ

ଓଡିଶା ନ୍ୟୁଜ/ Odisha News

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ସୁପ୍ରିମ କୋର୍ଟ

ନବୀନଙ୍କୁ ଯାଞ୍ଚ ଅନ୍ତର୍ଭୂକ୍ତ କରିବା ପାଇଁ ହୋଇଥିବା ଆବେଦନ ଖାରଜ

April 6, 2015 by ନିଉଜ ଡେସ୍କ Leave a Comment

ନୂଆଦିଲ୍ଲୀ, ଏପ୍ରିଲ ୬ (ଓଡିଶା ଡଟକମ) ବହୁ ଚର୍ଚିତ ତଲାବିରା କୋଇଲା ଖଣି ଦୁର୍ନୀତିରେ ନବୀନ ପଟନାୟକଙ୍କୁ ଏକ ଅଭିଯୁକ୍ତ ଭାବେ ଅନ୍ତର୍ଭୂକ୍ତ କରିବାକୁ ଦାବିକରି ଜଣେ ବ୍ୟକ୍ତିଙ୍କ ଦ୍ଵାରା ରୁଜୁ କରାଯାଇଥିବା ଏକ ମାମଲାକୁ ସୁପ୍ରିମ କୋର୍ଟ ସୋମବାର ଖାରଜ କରିଦେଇଛନ୍ତି ।

ଜଷ୍ଟିସ ଭି ଗୋପାଳ ଗୌଡ ଓ ସି ନାଗପାନଙ୍କୁ ନେଇ ଗଠିତ ଖଣ୍ଡପୀଠ ମାର୍ଚ ୧୧ରେ ଦାଖଲ ହୋଇଥିବା ଏହି ମାମଲାକୁ ଖାରଜ କରିବା ସହ ଆବେଦନକାରୀ ପୂର୍ଣଚନ୍ଦ୍ର ସାହୁଙ୍କ ଉପରେ ଏକଲକ୍ଷ ଟଙ୍କାର ଜୋରିମାନା ଘୋଷଣା କରିଛନ୍ତି ।

ପଟନାୟକ ହିଣ୍ଡ।ଲକୋ ସପକ୍ଷରେ ଅନଗୁଳରେ ଥିବା ଏହି ଖଣି ସୁପାରିଶ କରି ଉକ୍ତ କମ୍ପାନୀ ପ୍ରତି ଅହେତୁକ ଅନୁକମ୍ପା ପ୍ରଦର୍ଶନ କରିଥିବା ଦର୍ଶାଇ ତାଙ୍କ ବିରୁଦ୍ଧରେ ମାମଲା ରୁଜୁ କରିବାପାଇଁସାହୁ ନିଜ ଆବେଦନରେ ଦର୍ଶାଇଥିଲେ ।

ଯେହେତୁ ଏହି ମାମଲାରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ବିରୁଦ୍ଧରେ ମକଦ୍ଦମା ଦାୟର କରାଯାଇଛି ପଟନାୟକଙ୍କ ବିରୁଦ୍ଧରେ ମଧ୍ୟ ସିବିଆଇ ଅନୁରୂପ ମାମଲା ଦାୟର କରିବାର ଆବଶ୍ୟକତା ରହିଛି ବୋଲି ସେ ଦର୍ଶାଇଥିଲେ । ଏହି ଖଣି ପାଇଁ ସୁପାରିଶ କରିଥିବାରୁ ପଟନାୟକ ମଧ୍ୟ ଏହି ମାମଲାରେ ସମଭାବରେ ଦାୟୀ , ସେ ଦର୍ଶାଇଥିଲେ।

ଏହି ଆବେଦନ ଗ୍ରହଣଯୋଗ୍ୟ ହେବକି ନାହି ସେ ସମ୍ପର୍କରେ ଶୁଣାଣି କରିବାକୁ ସୋମବାର କୋର୍ଟ ତିଥି ସ୍ଥିର କରିଥିଲେ।

ଏଠାରେ ଉଲ୍ଲେଖଯୋଗ୍ୟଯେ ଅଗଷ୍ଟ ୨୦୦୫ ରେ ପଟନାୟକ ତତ୍କାଳୀନ ପ୍ରଧାନମନ୍ତ୍ରୀଙ୍କୁ ଚିଠିଲେଖି ତଲାବିରା-୨ କୋଇଲା ଖଣି ହିଣ୍ଡ।ଲକୋକୁ ଦିଆଯିବା ପାଇଁ ପୁନର୍ବିଚାର କରିବାପାଇଁ କହିଥିଲେ ।

ଓଡିଶା ଡଟକମ

Filed Under: ରାଜନୀତି Tagged With: କୋଇଲା ଖଣି, ଜୋରିମାନା, ଦୁର୍ନୀତି, ନବୀନ ପଟନାୟକ, ପ୍ରଧାନମନ୍ତ୍ରୀ, ସୁପ୍ରିମ କୋର୍ଟ

ବାଚସ୍ପତି ନିଷ୍ପତି ନଶୁଣାଇଲେ ଆଇନର ଆଶ୍ରୟ ନେବୁ: ଉତ୍କଳକେଶରୀ

January 20, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୨୦(ଓଡିଶା ଡଟ୍ କମ୍)- ଏନସିପିର ଚାରିଜଣ ବିଧାୟକ ବିଜେଡ଼ିରେ ମିଶିବା ମାମଲାରେ ସୁପ୍ରିମ କୋର୍ଟ ରାୟର ନକଲ ବାଚସ୍ପତି ପ୍ରଦୀପ କୁମାର ଅମାତଙ୍କ ହସ୍ତଗତ ହୋଇଛି । ସେ ଏହାର ତର୍ଜମା କରୁଛନ୍ତି ଏବଂ ଶୀର୍ଘ ଆଇନାନୁଯାୟୀ ପଦକ୍ଷେପ ନେବେ ବୋଲି କହିଛନ୍ତି ।

amat

ତେବେ ଏନ ସିପି ସଭାପତି ଉତ୍କଳକେଶରୀ ପରିଡ଼ା ଗଣମାଧ୍ୟମ ଆଗରେ ତାଙ୍କର ପୂର୍ବଦିନର ଦାବି ଦୋହରାଇଛନ୍ତି । ବାଚସ୍ପତି ଶୀଘ୍ର ନିଷ୍ପତି ନଶୁଣାଇଲେ ସେ ପୁନର୍ବାର ଆଇନର ଆଶ୍ରୟ ନେବେ ଓ ଅଦାଲତ ଅବମାନନା ମାମଲାରୁଜୁ କରିବେ ବୋଲି କହିଛନ୍ତି ।

ଏନ ସିପି ସଭାପତି ଶ୍ରୀ ପରିଡ଼ାଙ୍କ ସହ କିଛି ନେତା ବାଚସ୍ପତିଙ୍କୁ ସାକ୍ଷାତକରି ସୁପି୍ରମ କୋର୍ଟ ନିର୍ଦ୍ଦେଶମତେ ଶୀଘ୍ର ନିଷ୍ପତି ଶୁଣାଇବାକୁ ଦାବି କରିଥିଲେ । ବାଚସ୍ପତି କହିଥିଲେ ଯେ ସେ ରାୟର ତର୍ଜମା କରୁଛନ୍ତି, ଆଇନାନୁସାରେ ପଦକ୍ଷେପ ଗ୍ରହଣ କରିବେ ଓ ଯେତେଶୀଘ୍ର ସମ୍ଭବ ନିଷ୍ପତି ଶୁଣାଇବେ ।

ଏହି ମାମଲାରେ ଏବେ ବାଚସ୍ପତିଙ୍କ ସମ୍ମୁଖରେ ତିନିଟି ରାସ୍ତା ରହିଥିବା ସମ୍ବିଧାନ ବିଶେଷଜ୍ଞମାନେ ମତ ଦେଇଛନ୍ତି । ପ୍ରଥମତଃ ସେ ସମ୍ପୃକ୍ତ ଚାରିଜଣ ବିଧାୟକଙ୍କ ବିଜେଡ଼ିରେ ଯୋଗଦାନକୁ ସ୍ୱୀକୃତି ଦେବେ, ଦ୍ୱିତୀୟରେ ସେମାନଙ୍କୁ ସ୍ୱାଧୀନ ସଦସ୍ୟ ଭାବେ ଗ୍ରହଣ କରିବେ; ନଚେତ ସେମାନଙ୍କର ସଭ୍ୟପଦ ରଦ୍ଧହେବ ।

ଓଡିଶା ଡଟ୍ କମ୍

Filed Under: ଓଡିଶା ଖବର, ରାଜନୀତି Tagged With: ବାଚସ୍ପତି ପ୍ରଦୀପ କୁମାର ଅମାତ, ବିଜେଡ଼ି, ସୁପ୍ରିମ କୋର୍ଟ

ଏନ୍ଆର୍ଇଜିଏ ଅନିୟମିତତା:ସରକାରଙ୍କୁ କାରଣ ଦର୍ଶାଅ ନୋଟିସ୍

December 16, 2010 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ଡ଼ିସେମ୍ବର ୧୬(ଓଡ଼ିଶା ଡ଼ଟ୍ କମ୍) ଓଡ଼ିଶାରେ କାର୍ଯ୍ୟକାରୀ ହେଉଥିବା ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା(ଏନ୍ଆର୍ଇଜିଏ)ରେ ବ୍ୟାପକ ଅନିୟମିତତା ନେଇ ସୁପ୍ରିମ କୋର୍ଟ ଗୁରୁବାର ରାଜ୍ୟ ସରକାରଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି ।

ଏହି ଘଟଣାର କାହିଁକି ସିବିଆଇ ତଦନ୍ତ କରାଯିବ ନାହିଁ ବୋଲି କୋର୍ଟ ଦର୍ଶାଇବା ସହ ତିନି ସପ୍ତାହ ମଧ୍ୟରେ ଜବାବ ଦାଖଲ କରିବାକୁ ଓଡ଼ିଶା ମୁଖ୍ୟ ଶାସନ ସଚିବ ଓ କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରାଳୟର ଅତିରିକ୍ତ ସଚିବଙ୍କୁ ନିଦେ୍ର୍ଧଶ ଦେଇଛନ୍ତି ।

ଏହି ଯୋଜନା ପାଇଁ ୨୦୦୬ରୁ ୨୦୧୦ ମଧ୍ୟ କେତେ ପାଣ୍ଠି ଆସିଛି ଏବଂ ଏହି ପାଣ୍ଠିର ବିନିଯୋଗ ପ୍ରମାଣ ପତ୍ର କେନ୍ଦ୍ର ସରକାରଙ୍କୁ ଦିଆଯାଇଛି କି ନାହିଁ ସେ ସଂପର୍କରେ ଜଣାଇବାକୁ କୁହାଯାଇଛି ।

ଓଡ଼ିଶାରେ ଏହି ଯୋଜନାରେ ବ୍ୟାପକ ଅନିୟମିତତା ହୋଇଥିବା ଦର୍ଶାଇ ଏକ ସ୍ୱେଚ୍ଛାସେବୀ ଅନୁଷ୍ଠାନ ପକ୍ଷରୁକରାଯାଇଥିବା ଜନସ୍ୱାର୍ଥ ମାମଲାର ବିଚାର କରି ଅଦାଲତ ଏହି ନୋଟିସ୍ ଜାରି କରିଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର Tagged With: ଏନ୍ଆର୍ଇଜିଏ, ମୁଖ୍ୟ ଖବର, ସୁପ୍ରିମ କୋର୍ଟ

Primary Sidebar

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Recent

  • ଓଡିଶା ଷ୍ଟାଫ୍ ସିଲେକ୍ସନ୍ କମିଶନ୍ ପକ୍ଷରୁ ଚାରିଟି ପଦବୀରେ ନିଯୁକ୍ତି ବିଜ୍ଞପ୍ତି
  • ବିଶେଷ: ଆସନ୍ତୁ ବୁଲିଯିବା ବୌଦ୍ଧ ଜିଲ୍ଲା
  • ତୋଷାଳି ମେଳାରେ ମନ ମୋହିଲା ବୟନିକାର ହସ୍ତତନ୍ତ ଫେସନ୍ ସୋ
  • ସବୁଜ ବଳୟ ଧ୍ୱଂସକୁ ନେଇ ଯୁବ ଚିତ୍ରଶିଳ୍ପୀଙ୍କ ଏକକ ପ୍ରଦର୍ଶନୀ
  • ଦିବ୍ୟାଙ୍ଗଙ୍କୁ ବଞ୍ଚିବାର ରାହା ଦେଖାଉଥିବା ଏକ ସ୍କୁଲର କାହାଣୀ (ବିଶେଷ)

Search

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Footer

ଆମ ବିଜ୍ଞାପନଦାତା