ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ
ବରଗଡ, ମଇ ୧୪(ଓଡ଼ିଶା ଡ଼ଟ୍ କମ୍) ପୂର୍ବ ଶତୃତାକୁ କେନ୍ଦ୍ର କରି ଏସିଡ଼୍ ମାଡ଼ରେ ଗୁରୁତର ଆହତ ହୋଇଥିବା ବରଗଡ ଜିଲ୍ଲା ସୋହେଲା ଅନ୍ତର୍ଗତ ଭାତବିଡା ଗ୍ରାମର ଚୂଡାମଣୀ ବାଗଙ୍କ ସୋମବାର ମୃତ୍ୟୁ ହୋଇଛି ।
ଗତ ମାସ ୧୫ ତାରିଖରେ ନାମ ଯଜ୍ଞ ଚାଲିଥିବା ବେଳେ ତାଙ୍କ ଉପରକୁ ଏସିଡ଼୍ ମାଡ଼ ହୋଇଥିଲା ଫଳରେ ପାଖରେ ଥିବା ୬ଶିଶୁ ସମେତ ୧୩ଜଣ ଆହତ ହୋଇଥିଲେ ।
ଚୂଡାମଣୀଙ୍କ ସମେତ ୪ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ସୋହେଲା ଡାକ୍ତରଖାନରେ ପ୍ରାଥମିକ ଚିକିତ୍ସା କରାଯିବା ପରେ ବୁର୍ଲା ସ୍ଥାନାନ୍ତର କରାଯାଇଥିଲା । ପରେ ଚୂଡ଼ାମଣିଙ୍କୁ କଟକ ବଡ଼ ମେଡ଼ିକାଲରେ ଭର୍ତି କରାଯାଇଥିଲା ।
ଉଲ୍ଲେଖଯୋଗ୍ୟ ଯେ ଗତ ଏକ ବର୍ଷ ତଳେ ଚୂଡାମଣୀ ବାଗ ପ୍ରଶାନ୍ତଙ୍କ ଭଉଣୀଙ୍କୁ ଅସଦାଚାରଣ କରିଥିଲେ । ଏନେଇ ସୋହେଲା ଥାନାରେ ମାମଲା ମଧ୍ୟ ରୁଜୁ ହୋଇଥିଲା । ଉକ୍ତ ଘଟଣା ପରେ ପ୍ରଶାନ୍ତଙ୍କ ଭଉଣୀ ହତ୍ୟା ଉଦ୍ୟମ କରିଥିଲେ ।
ପ୍ରଶାନ୍ତଙ୍କ ଭଉଣୀ ଉପରେ ଚୂଡ଼ାମଣିର ଖରାପ ନଜର ରହିଥିବାରୁ ଅନେକଦିନ ପରେ ତାଙ୍କୁ ଦେଖି ପ୍ରଶାନ୍ତ ଏସିଡ଼୍ ମାଡ଼ କରିଥିଲା ।
ପୋଲିସ ଏକ ମାମଲା ରୁଜୁ କରିିଥିଲେ ମଧ୍ୟ ମାମଲାରେ କେହି ଗିରଫ ହୋଇ ନାହାନ୍ତି । ଚୂଡାମଣୀଙ୍କ ମୃତ୍ୟୁ ଖବର ପାଇଲା ପରେ ପୋଲିସ ସୋହେଲା ଗ୍ରାମରେ ଜଗି ରହିଛନ୍ତି । ଘଟଣା ପରେ ପ୍ରଶାନ୍ତ ସାହୁଙ୍କ ପରିବାର ଅନ୍ୟତ୍ର ରହୁଛନ୍ତି ।
ଓଡ଼ିଶା ଡ଼ଟ୍ କମ୍