• Skip to primary navigation
  • Skip to main content
  • Skip to primary sidebar
  • Skip to footer
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ

ଓଡିଶା ନ୍ୟୁଜ/ Odisha News

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ଶିକ୍ଷା

ପରୀକ୍ଷାର୍ଥୀଙ୍କୁ କପି ଯୋଗାଉଥିବା ଅଧ୍ୟାପକ, କର୍ମଚାରୀ ଦଣ୍ଡିତ

March 12, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ମାର୍ଚ୍ଚ ୧୩(ଓଡ଼ିଶା ଡ଼ଟ୍ କମ୍) ଉଚ୍ଚମାଧ୍ୟମିକ ଶିକ୍ଷା ପରିଷଦ ଦ୍ୱାରାପରିଚାଳିତ ଯୁକ୍ତଦୁଇ ପରୀକ୍ଷାରେ କେତେକ କେନ୍ଦ୍ରରେ ପରୀକ୍ଷାର୍ଥୀଙ୍କୁ କପିରେ ସହାୟତା କରୁଥିବା ଅଧ୍ୟାପକ ଏବଂ କର୍ମଚାରୀଙ୍କୁ ଦଣ୍ଡିତ କରାଯାଇଛି ।

କେନ୍ଦୁଝର ଜିଲ୍ଲା ଘଟଗାଁ ସ୍ଥିତ ତାରିଣୀ ଠାକୁରାଣୀ ମହାବିଦ୍ୟାଳୟରେ ପରୀକ୍ଷା କାର୍ଯ୍ୟରେ ବ୍ୟାପକ ଅନିୟମିତତା ହେଉଥିବା ଖବର ପାଇ ପରିଷଦ ଦ୍ୱାରାସ୍କ୍ୱାଡ଼ ସୋମବାର ସେଠାରେ ଚଢ଼ାଉ କରିଥିଲେ ଏବଂ କପି ଯୋଗାଇବା ସମୟରେ ଜଣେ କର୍ମଚାରୀଙ୍କୁ ଧରିଥିଲେ ।

ସେହିପରି କେନ୍ଦ୍ରାପଡ଼ା ଜିଲ୍ଲା କୋରୁଆ ମହିଳା ମହାବ୍ୟିାଳୟର ଅଧ୍ୟାପକ ଅନୁପ୍ରଭା ରାୟ, ଦିଲ୍ଲୀପ କୁମାର ସାହୁ, ବିଜୟଲକ୍ଷ୍ମୀ ସାହୁ, ବବିତା ନାୟକ ଓ ଚିତ୍ରୋତ୍ପଳା ମହିଳା ମହାବ୍ୟିାଳୟର ଅଧ୍ୟାପକ ଅକ୍ଷୟ କୁମାର ଜେନା କପି ଯୋଗାଉଥିବା ବେଳେ ଧରାପଡ଼ିଛନ୍ତି ।

ଏହି ଅଧ୍ୟାପକ, ଅଧ୍ୟାପିକା ତଥା କର୍ମଚାରୀଙ୍କୁ ଅବଶିଷ୍ଟ ପରୀକ୍ଷା କାର୍ଯ୍ୟରୁ ଅନ୍ତର କରାଯିବା ସହିତ ବିଭାଗୀୟ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିମନ୍ତେ ଉଚ୍ଚଶିକ୍ଷା ବିଭାଗକୁ ସୁପାରିସ କରାଯାଇଥିବା ପରିଷଦର ଜଣେ ବରିଷ୍ଠ ଅଧିକାରୀ କହିଛନ୍ତି ।

ସେହିପରି ଯୁକ୍ତ ଦୁଇ କଳା ଏବଂ ବାଣିଜ୍ୟ ପରୀକ୍ଷା ଚାଲିଥିବା ବେଳେ ବିଭିନ୍ନ ପରୀକ୍ଷା କେନ୍ଦ୍ରରେ କପି କରୁଥିବା ୪୨୫ ଜଣ ଛାତ୍ରଛାତ୍ରୀ ଧରାପଡ଼ିଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର Tagged With: ଉଚ୍ଚମାଧ୍ୟମିକ, ଶିକ୍ଷା

ସମସ୍ୟା ଯୋଗୁଁ ଶିକ୍ଷା ସହାୟକ ସଂଘର ଆନ୍ଦୋଳନ ଧମକ

January 29, 2012 by admin

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଜାନୁୟାରୀ ୨୯(ଓଡ଼ିଶା ଡ଼ଟ୍ କମ୍) ଦୀର୍ଘଦିନ ଧରି ଦରମା ପାଉନଥିବାରୁ ଭଦ୍ରକ ଜିଲ୍ଲାରେ ଶିକ୍ଷା ସହାୟକମାନେ ଆନ୍ଦୋଳନ ଧମକ ଦେଇଛନ୍ତି ।

ଶିକ୍ଷା ସଚିବଙ୍କ ପତ୍ର ଅନୁସାରେ ସମସ୍ତ ଶିକ୍ଷା ସହାୟକଙ୍କୁ ପ୍ରତ୍ୟେକ ମାସ ୫ତାରିଖ ପୂର୍ବରୁ ଦରମା
ଦେବାପାଇଁ ନିର୍ଦ୍ଦେଶ ଥିଲେ ମଧ୍ୟ ଚାନ୍ଦବାଲି ବ୍ଲକର ଶିକ୍ଷା ସହାୟକ ମାନେ ଗତ ୯ମାସ ଧରି ଦରମା
ପାଇନଥିବାରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।

ପ୍ରତ୍ୟେକ ବ୍ଲକରେ ଥିବା ଶିକ୍ଷା ସହାୟକ ଏହିପରି ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି ।

ସ୍କୁଲ ଛାଡ଼ୁଥିବା ପିଲା ମାନଙ୍କୁ ବିଦ୍ୟାଳୟକୁ ଫେରାଇ ଆଣିବା ପରି ଦାୟୀତ୍ୱ,୧୦ଟାରୁ ୪ଟା ପର୍ଯ୍ୟନ୍ତ ବ୍ୟିାଳୟରେ ଗୁଣାତ୍ମକ ମାନର ଶିକ୍ଷ।ଦାନ ତଥା ବହୁ ସାମାଜିକ କାର୍ଯ୍ୟରେ ସେମାନେ ନିୟୋଜିତ ଥିବାବେଳେ ଶିକ୍ଷାସହାୟକ ମାନଙ୍କ ପ୍ରତି ବିଭାଗୀୟ କର୍ତୃପକ୍ଷ ଅବହେଳା ପ୍ରଦର୍ଶନ କରୁଥିବାରୁ ସଂଘ ପକ୍ଷରୁ ନିନ୍ଦା କରାଯାଇଛି ।

ଆସନ୍ତା ୧୫ଦିନ ମଧ୍ୟରେ ଏହି ସମସ୍ୟାର ସମାଧାନ ନହେଲେ ସଂଘ ଆନ୍ଦୋଳନାତ୍ମକ ପନ୍ଥାର ଆଶ୍ରୟ
ନେବାକୁ ବାଧ୍ୟ ହେବ ବୋଲି ରବିବାର ଅନୁଷ୍ଠିତ ବୈଠକରେ ନିଷ୍ପତି ନିଆଯାଇଛି ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର Tagged With: ଦରମା, ଶିକ୍ଷା

୧୭୫୪୩ ଶିକ୍ଷାସହାୟକ ନିୟୋଜିତ ପାଇଁ ନିଷ୍ପତି

December 5, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୫(ଓଡ଼ିଶା ଡ଼ଟ୍ କମ୍) ରାଜ୍ୟର ବିଭିନ୍ନ ବିଦ୍ୟାଳୟରେ ୧୭୫୪୩ ଜଣ ଶିକ୍ଷା ସହାୟକଙ୍କୁ ନିୟୋଜିତ କରିବା ପାଇଁ ସରକାର ନିଷ୍ପତି ଗ୍ରହଣ କରିଛନ୍ତି ।

ଏ ବିଷୟରେ ଜିଲ୍ଲା ସ୍ତରରେ ଖୁବ୍ଶୀଘ୍ର ବିଜ୍ଞାପନ ପ୍ରକାଶ କରିବା ପାଇଁ ସୋମବାର ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଚ୍ଚସ୍ତରୀୟ ବୈଠକରେ ନିଷ୍ପତି ନିଆଯାଇଛି ।

ଏ ସଂକ୍ରାନ୍ତୀୟ ବିଜ୍ଞାପନ ବିଭିନ୍ନ ଜିଲ୍ଲାର ଜିଲ୍ଲାପାଳମାନେ ପ୍ରକାଶ କରିବେ ଏବଂ ସେମାନଙ୍କ ଅଧିନରେ ଥିବା ଶିକ୍ଷା ଜିଲ୍ଲା ଗୁଡ଼ିକର ଆବଶ୍ୟକତା ଅନୁଯାୟୀ ଶିକ୍ଷାସହାୟକ ନିଯୁକ୍ତ କରାଯିବ ।

ଛୋଟଛୋଟ ପିଲା ମାନଙ୍କୁ ସେମାନଙ୍କ ମାତୃଭାଷାରେ ଶିକ୍ଷ।ଦ।ନ ଉପରେ ବୈଠକରେ ଗୁରୁତ୍ୱାରୋପ କରାଯାଇଛି । ତଦାନୁଯାୟୀ ଉର୍ଦ୍ଦୁ, ତେଲୁଗୁ ଓ ବଙ୍ଗାଲୀ ଭାଷାଭାଷୀ ପିଲାଙ୍କ ପାଠପଢାରେ ସୁବିଧା ପାଇଁ ସଂପୃକ୍ତ ଶିକ୍ଷାସହାୟକ ମଧ୍ୟରୁ ସେହି ଭାଷା ଜାଣିଥିବା ଶିକ୍ଷାସହାୟକଙ୍କୁ ଆବଶ୍ୟକ ଅନୁଯାୟୀ ନିୟୋଜିତ କରାଯିବ ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର Tagged With: ଶିକ୍ଷା

ଏବିଭିପିର ବଲାଙ୍ଗୀର ବନ୍ଦ, ଜୀବନଯାତ୍ରା ପ୍ରଭାବିତ

November 19, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବଲାଙ୍ଗୀର, ନଭେମ୍ବର ୧୯(ଓଡ଼ିଶା ଡ଼ଟ୍ କମ୍) ବଲାଙ୍ଗୀରରେ ଥିବା ଶିକ୍ଷାନୁଷ୍ଠାନ ଗୁଡ଼ିକରେ ଅଧ୍ୟାପକ ନିଯୁକ୍ତି ଦାବିରେ ଶନିବାର ଅଖିଳ ଭାରତୀୟ ବିଦ୍ୟାଥିର ପରିଷର ପକ୍ଷରୁ ଦିଆଯାଇଥିବା ୧୨ ଘଂଟିଆ ବନ୍ଦ ଡ଼ାକରା ଯୋଗୁଁ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି ।

ସହରରେ ଦୋକାନ ବଜାର, ଯାନବାହାନ ଚଳାଚଳ, ସରକାରୀ ବେସରକାରୀ କାର୍ଯ୍ୟାଳୟ, ବ୍ୟାଙ୍କ, ସ୍କୁଲ,କଲେଜ ଓ ବ୍ୟବସାୟିକ ପ୍ରତିଷ୍ଠାନ ଗୁଡ଼ିକ ବନ୍ଦ ରହିଛି ।

ଯାନବାହାନ ଚଳାଚଳ ବନ୍ଦ ଯୋଗୁଁ ଦୁର ଦୁରାନ୍ତରରୁ ଆସିଥିବା ଯାତ୍ରୀମାନେ ସେମାନଙ୍କ ଗନ୍ତବ୍ୟ ସ୍ଥଳକୁ ଯାଇନପାରି ବସଷ୍ଟାଣ୍ଡରେ ଅଟକି ରହିଛନ୍ତି ।

ପରିଷର କର୍ମୀମାନେ ଷ୍ଟେସନରେ ରେଳ ରୋକ ମଧ୍ୟ କରିଛନ୍ତି । ବିଭିନ୍ନ ସ୍ଥାନରେ ଟାୟର ଜାଳି ରାସ୍ତା ଅବରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି ।

ଅଧ୍ୟାପକ ନିଯୁକ୍ତି ସହ ମେଡ଼ିକାଲ କଲେଜ ପ୍ରତିଷ୍ଠା, ସରକାରୀ ଆୟୁର୍ବେିଦିକ କଲେଜରେ ନାମ ଲେଖା ଆଦି ବିରେଧରେ ଏହି ବନ୍ଦ ଡ଼ାକରା ଦିଆଯାଇଥିବା ପରିଷର ଜଣେ କର୍ମୀ କହିଛନ୍ତି ।

ଏହି ସମସ୍ୟା ଗୁଡ଼ିକର ସମାଧାନ ପାଇଁ ବାରମ୍ବାର ଦାବି କରାଯାଇ ଆସୁଥିଲେ ମଧ୍ୟ ପ୍ରଶାସନ କିମ୍ବା ସରକାର ଏଥିପ୍ରତି ଦୃଷ୍ଟି ଦେଉନଥିବା ସେମାନେ ଅଭିଯୋଗ କରିଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: ଶିକ୍ଷା

ଗଣଶିକ୍ଷକଙ୍କ ଦରମା ବୃଦ୍ଧି କରିବାକୁ ଘୋଷଣା

November 16, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୧୭(ଓଡ଼ିଶା ଡ଼ଟ୍ କମ୍) ରାଜ୍ୟର ବିଭିନ୍ନ ବିଦ୍ୟାଳୟରେ କାର୍ଯ୍ୟରତ ସମୁଦାୟ ୨୨,୦୪୮ ଜଣ ଗଣଶିକ୍ଷକଙ୍କ ଦରମା ବୃଦ୍ଧି କରିବାକୁ ସରକାର ଘୋଷଣା କରିଛନ୍ତି ।

ଗଣଶିକ୍ଷକଙ୍କ ଦୀର୍ଘଦିନର ଦାବି ପରେ ରାଜ୍ୟ ସରକାର ଏହି ନିଷ୍ପତି ନେଇଛନ୍ତି ବୋଲି ଗଣଶିକ୍ଷା ମନ୍ତ୍ରୀ ପ୍ରତାପ ଜେନା ବୁଧବାର ଗଣମାଧ୍ୟମକୁ କହିଛନ୍ତି ।

ସମୁଦାୟ ୨୨,୦୪୮ ଜଣ ଗଣଶିକ୍ଷକଙ୍କ ମଧ୍ୟରୁ ତାଲିମପ୍ରାପ୍ତ ୬୧୯ ଜଣଙ୍କୁ ଶିକ୍ଷା ସହାୟକ ଭାବେ ମାସିକ ୪୦୦୦ ଟଙ୍କାରେ ନିଯୁକ୍ତି ଦିଆଯିବ ଏବଂ ୨୦୦୧୭ ଜଣ ଅଣତାଲିମପ୍ରାପ୍ତ ଯୁକ୍ତଦୁଇ ବା ଅଧିକ ଯୋଗ୍ୟତା ସଂପନ୍ନ ଗଣଶିକ୍ଷକଙ୍କ ଦରମା ମାସିକ ୨୨୫୦ ଟଙ୍କାରୁ ବୃଦ୍ଧି କରାଯାଇ ୩୨୦୦ ଟଙ୍କା ବୋକୁ ସରକାର ସ୍ଥିର କରିଛନ୍ତି ।

ସେହିପରି ୧୪୧୨ ଅଣତାଲିମପ୍ରାପ୍ତ ମାଟ୍ରିକ ବା ହାଇସ୍କୁଲ ପାସ୍ ଯୋଗ୍ୟତା ସଂପନ୍ନ ଗଣଶିକ୍ଷକଙ୍କ ଦରମା ମାସିକ ୨୨୫୦ ଟଙ୍କାରୁ ବୃଦ୍ଧି କରାଯାଇ ୨୭୦୦ ଟଙ୍କା ଦିଆଯିବାର ବ୍ୟବସ୍ଥା କରାଯାଇଛି ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: gòlK, ଶିକ୍ଷା

ବିଜ୍ଞାନ କଂଗ୍ରେସକୁ ଲୋକପ୍ରିୟ କରାଇବା ପାଇଁ “ବିଜ୍ଞାନ ରଥ”

November 7, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୭(ଓଡ଼ିଶା ଡ଼ଟ୍ କମ୍) ଆସନ୍ତା ବର୍ଷ ଜାନୁୟାରୀ ମାସରେ ଭୁବନେଶ୍ୱରରେ ହେବାକୁ ଥିବା ୯୯ତମ ବିଜ୍ଞାନ କଂଗ୍ରେସକୁ ଲୋକପ୍ରିୟ କରିବା ପାଇଁ “ବିଜ୍ଞାନ ରଥ”ର ଆୟୋଜନ କରାଯାଇଛି ।

ଆସନ୍ତା ୧୪ ତାରିଖରେ ନୟାଗଡ଼ ଜିଲ୍ଲା ଖଣ୍ଡପଡ଼ା ଠାରେ ରାଜ୍ୟପାଳ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେ ଏହି ରଥକୁ ପତାକା ଦେଖାଇ ଶୁଭାରମ୍ଭ କରିବେ ବୋଲି ବିଜ୍ଞାନ କଂଗ୍ରେର ମୁଖ୍ୟ ପୃଷ୍ଠପୋଷକ ତଥା କିଟ୍ ବିଶ୍ୱବିଦ୍ୟାଳୟର ପ୍ରତିଷ୍ଠାତା ଅଚ୍ୟୁତ ସାମନ୍ତ ଓଡ଼ିଶା ଡ଼ଟ୍ କମ୍ କୁ କହିଛନ୍ତି। ।

ଉକ୍ତ ରଥ ୨୦ଦିନ ଧରି ୩୦ଟି ଜିଲ୍ଲାରେ ବିଜ୍ଞାନ ତଥା ବିଜ୍ଞାନ କଂଗ୍ରେସ ବିଷୟରେ ବାର୍ତା ପହଂଚାଇବ । ଏହି ସମୟ ମଧ୍ୟରେ “ବିଜ୍ଞାନ ରଥ’୬୦୦ଟି ଶିକ୍ଷାନୁଷ୍ଠା ଦେଇ ଯିବ ଏବଂ ଡ଼ିସେମ୍ବର ୩ରେ କଟକ ସ୍ଥିତ ରେଭେନ୍ସା ବିଶ୍ୱବି୍ୟାଳୟରେ ପହଂଚିବ, ବୋଲି ସେ କହିଛନ୍ତି ।

କିଟ୍ ବିଶ୍ୱବିଦ୍ୟାଳୟ ଏବଂ ଜାତୀୟ ବିଜ୍ଞାନ ଓ ଗବେଷଣା ସଂସ୍ଥାନ(ନାଇଜର)ର ମିଳିତ ସହଯୋଗରେ ହେବାକୁ ଥିବା ଏହି କଂଗ୍ରେସକୁ ପ୍ରଧାନମନ୍ତ୍ରୀ ମନମୋହନ ସିଂହ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି ।

ଜାନୁୟାରୀ ୩ ରୁ ୭ ପର୍ଯ୍ୟନ୍ତ କିଟ୍ କ୍ୟାମ୍ପସରେ ହେବାକୁ ଥିବା ଏହି ବିଜ୍ଞାନ କଂଗ୍ରେସରେ ୫୦୦ ବିଦେଶୀ ବୈଜ୍ଞାନିକ ଓ ୨୦ ଜଣ ନୋବେଲ ବିଜେତାଙ୍କ ସମେତ ୧୫ ହଜାର ପ୍ରତିନିଧି ଯୋଗ ଦେବେ ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: ଶିକ୍ଷା

ମ୍ୟାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଫଳ ପ୍ରକାଶିତ

November 1, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ନଭେମ୍ବର ୨(ଓଡ଼ିଶା ଡ଼ଟ୍ କମ୍) ମାଧ୍ୟମିକ ଶିକ୍ଷା ପରିଷର ଦ୍ୱାରାପରିଚାଳିତ ଚଳିତ ବର୍ଷର ମ୍ୟାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଫଳ ବୁଧବାର ପ୍ରକାଶ ପାଇଛି ।

ପରିକ୍ଷା ଫଳ କଟକ, ଭୁବନେଶ୍ୱର, ବ୍ରହ୍ମପୁର ଓ ସମ୍ବଲପୁର ସ୍ଥିତ କାର୍ଯ୍ୟାଳୟରେ ଏକ ସମୟରେ ପ୍ରକାଶିତ ହୋଇଛି । ମୋଟ୍ ୩୨.୪୨ ପ୍ରତିଶତ ଛାତ୍ରଛାତ୍ରୀ ଏଥିରେ ଉତୀର୍ଣ୍ଣ ହୋଇଛନ୍ତି ।

ଚଳିତ ବର୍ଷ ରାଜ୍ୟର ୩୩୩ଟି କେନ୍ଦ୍ରରେ ମୋଟ୍ ୬୧ ହଜାର ୧୬୮ ଜଣ ଛାତ୍ରଛାତ୍ରୀ ଏହି ପରୀକ୍ଷା ଦେଇଥିଲେ । ସୋମନଙ୍କ ମଧ୍ୟରୁ ୪୯ ହଜାର ୨୦୩ ଜଣ ରେଗୁଲାର ଏବଂ ୧୧ ହଜାର ୯୬୫ ଜଣ ଏକ୍ସ ରେଗୁଲାର ଛାତ୍ରଛାତ୍ରୀ ।

ପରୀକ୍ଷା ଫଳ ୫ଟି ୱେବସାଇଟ୍ ରେ ଉପଲବ୍ଧ ହେବ ବୋଲି ପରିଷର ପକ୍ଷରୁ କୁହାଯାଇଛି । ଅଗଷ୍ଟ ୨୨ରୁ ସେପ୍ଟମ୍ବର ୮ ପର୍ଯ୍ୟନ୍ତ ଏହି ପରୀକ୍ଷା ଅନୁଷ୍ଠିତ ହୋଇଥିଲା ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: ଶିକ୍ଷା

ପଞ୍ଚାୟତ ନିର୍ବାଚନ ପାଇଁ ମ୍ୟାଟ୍ରିକ ପରୀକ୍ଷାରେ ପରିବର୍ତନ

November 1, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର ,ନଭେମ୍ବର ୨(ଓଡ଼ିଶା ଡ଼ଟ୍ କମ୍) ମାଧ୍ୟମିକ ଶିକ୍ଷା ପରିଷଦ ଦ୍ୱାରାପରିଚାଳିତ ଆସନ୍ତା ୨୦୧୨ ମ୍ୟାଟ୍ରିକ ପରୀକ୍ଷାକୁ ଘୁଞ୍ଚାଇ ଦିଆଯାଇଛି ।

ଫେବୃଆରୀ ତୃତୀୟ ସପ୍ତାହରେ ଏହି ପରୀକ୍ଷା ହେବାକୁ ଥିଲା କିନ୍ତୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ତାହାକୁ ପରିବର୍ତନ କରାଯାଇଥିବା ମଙ୍ଗଳବାର ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ କୁହାଯାଇଛି ।

ନିର୍ବାଚନ ପାଇଁ ଫେବୃଆରୀ ତୃତୀୟ ସପ୍ତାହରେ ହେବାକୁ ଥିବା ପୂର୍ବଘୋଷିତ କାର୍ଯ୍ୟକ୍ରମ ବଦଳାଯାଇ ମାର୍ଚ୍ଚ ଦ୍ୱିତୀୟ ସପ୍ତାହକୁ ଘୁଞ୍ଚାଯାଇଛି ବୋଲି ମାଧ୍ୟମିକ ଶିକ୍ଷା ପରିଷଦର ଜଣେ ଅଧିକାରୀ କହିଛନ୍ତି ।

ନିର୍ବାଚନ ପରିଚାଳନାରେ ଶିକ୍ଷକମାନେ ନିୟୋଜିତ ହେବେ ଏବଂ ହାଇସ୍କୁଲ ଘର ଗୁଡ଼ିକୁ ଭୋଟଗ୍ରହଣକେନ୍ଦ୍ର ରୂପେ ବ୍ୟବହାର କରାଯିବ ତେଣୁ ଏହି ସମସ୍ତ ବିଷୟକୁ ଦୃଷ୍ଟିରେ ରଖି ନିଷ୍ପତି ନିଆଯାଇଥିବା ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: _eúlû, ଶିକ୍ଷା

ଅଧ୍ୟାପକ ନିଯୁକ୍ତି ଦାବିରେ ଛାତ୍ରଛାତ୍ରୀଙ୍କ ବନ୍ଦ ଡ଼ାକରା

October 31, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କୋରାପୁଟ,ଅକ୍ଟୋବର ୩୧(ଓଡ଼ିଶା ଡ଼ଟ୍ କମ୍) ଅଧ୍ୟାପକ ନିଯୁକ୍ତି ଦାବିରେ ଜୟପୁର ଡ଼ିଏଭି କଲେଜ ଛାତ୍ର ସଂସ ପକ୍ଷରୁ ସୋମବାର କୋରାପୁଟ ବନ୍ଦ ଡ଼ାକରା ଦିଆଯାଇଛି ।

ପଦବୀ ପୂରଣ ତଥା ଆଇନ ମହାବିଦ୍ୟାଳୟକୁ ସରକାରୀ ଘୋଷଣା ଦାବିରେ ଛାତ୍ରଛାତ୍ରୀମାନେ ଗତ ତିନିି ଦିନ ଧରି ଅନଶନରେ ବସିବା ପରେ ଆଜି ୧୨ ଘଣ୍ଟିଆ ବନ୍ଦ ଡ଼ାକରା ଦେଇଛନ୍ତି ।

ବନ୍ଦ ଯୋଗୁଁ ଜିଲ୍ଲାରେ ଯାନବାହାନ ଚଳାଚଳ ବନ୍ଦ ରହିଥିବାରୁ ସ୍କୁଲ କଲେଜ ମଧ୍ୟ ବନ୍ଦ ରହିଛି । ବନ୍ଦକୁ କୋରାପୁଟ ନାଗରିକ କମିଟି, ବ୍ୟବସାୟ ସଂଘ ଆଦି ସମର୍ଥନ ଜଣାଇଥିବା ବେଳେ ଜିଲ୍ଲା ଓକିଲ ସଂଘ ପକ୍ଷରୁ ଏହାକୁ ସମର୍ଥନ ଜଣାଇ କାର୍ଯ୍ୟବନ୍ଦ କରାଯାଇଛି ।

ଛାତ୍ରଛାତ୍ରୀମାନେ ରାସ୍ତା ଅବରୋଧ କରିଥିବା ବେଳେ ଜିଲ୍ଲାପାଳ ଘଟଣାସ୍ଥଳରେ ପହଞ୍ଚି ସେମାନଙ୍କ ସହ ଆଲୋଚନା କରିଛନ୍ତି ।

ଡିଏଭି ମହାବିଦ୍ୟାଳୟରେ ୪୦ ଜଣ ଅଧ୍ୟାପକ ଆବଶ୍ୟକତା ଥିବାବେଳେ ବର୍ତମାନ କେବଳ ଦଶ ଜଣ ଅଛନ୍ତି । ସେମାନଙ୍କ ମଧ୍ୟରୁ ଦୁଇ ଜଣ ଆସନ୍ତା ମାସରେ ଅବସର ଗ୍ରହଣ କରିବେ ତେଣୁ ଏହି ପଦବୀ ପୂରଣ କରାଯାଇନଥିବାରୁ ଆନ୍ଦୋଳନ କରାଯାଉଛି ବୋଲି ଛାତ୍ର ସଂସଦର ଜଣେ କର୍ମମର୍ତା କହିଛନ୍ତି ।

ବନ୍ଦକୁ ଦୃଷ୍ଟିରେ ରଖି ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: QûZâQûZâú, ଶିକ୍ଷା

ବନ୍ୟଜନ୍ତୁଙ୍କ ଗୁରୁତ୍ୱ ଉପରେ “ଜୁ ଶିକ୍ଷା କାର୍ଯ୍ୟକ୍ରମ”

October 30, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ଅକ୍ଟୋବର ୩୦(ଓଡ଼ିଶା ଡ଼ଟ୍ କମ୍) ବନ୍ୟଜନ୍ତୁଙ୍କ ଗୁରୁତ୍ୱ ଉପରେ ଛାତ୍ରଛାତ୍ରୀ ମାନଙ୍କୁ ସଚେତନ କରାଇବା ଲକ୍ଷ୍ୟରେ ରାଉରକେଲା ଇସ୍ପାତ କାରଖାନା ପକ୍ଷରୁ “ଜୁ ଶିକ୍ଷା କାର୍ଯ୍ୟକ୍ରମ”ର ଆୟୋଜନ କରାଯାଇଥିବା ରବିବାର ଜଣେ ଅଧିକାରୀ କହିଛନ୍ତି ।

କାରଖାନାର ଉଦ୍ୟାନ ବିଭାଗ ପକ୍ଷରୁ ଗତ ଶୁକ୍ରବାର ଅନୁଷ୍ଠିତ ଏହି କାର୍ଯ୍ୟକ୍ରମରେ ବାଜି ରାଉତ ଶିକ୍ଷା ନିକେତନର ୯୦ ଜଣ ଛାତ୍ରଛାତ୍ରୀ ଯୋଗ ଦେଇଥିଲେ ।

ଜୈବମଣ୍ଡଳରେ ସନ୍ତୁଳନ ରକ୍ଷା ସହ ପୃଥିବୀକୁ ଜୀବଜଗତ ପାଇଁ ଏକ ଆଦର୍ଶ ବାସସ୍ଥଳୀରେ ପରିଣତ କରିବା ନିମନ୍ତେ ପ୍ରାଣୀ ଓ ଉଦ୍ଭିଦର ଭୂମିକା ଉପରେ ଡ଼ିଏଫ୍ଓ ଏ.କେ.ବେହେରା ଆଲୋକପାତ କରିଥିଲେ ।

ଛାତ୍ରଛାତ୍ରୀ ମାନଙ୍କୁ ସେମାନଙ୍କ ଜୀବନରେ ବନ୍ୟଜନ୍ତୁ ଓ ପକ୍ଷୀ ମାନଙ୍କ ଉପାଦେୟତା ଉପରେ ଅବଚେତନ
କରାଇବା ଲକ୍ଷ୍ୟରେ ପ୍ରତି ବର୍ଷ ଏଭଳି କାର୍ଯ୍ୟକ୍ରମ କରାଯାଉଛି ବୋଲି ଏଥିରେ ଯୋଗଦେଇ ଉଦ୍ୟାନ କୃଷି ବିଭାଗର ଅତିରିକ୍ତ ମହାପ୍ରବନ୍ଧକ ଏଚ୍.ମିଶ୍ର କହିଥିଲେ ।

ଏହା ଚଳିତ ବର୍ଷର ଚତୁର୍ଥ ଜୁ ଶିକ୍ଷା କାର୍ଯ୍ୟକ୍ରମ ଏବଂ ଆଉ ଏଭଳି ଚାରୋଟି କାର୍ଯ୍ୟକ୍ରମ କରିବା ପାଇଁ ଯୋଜନା ରଖାଯାଇଥିବା ଅଧିକାରୀ ଜଣକ କହିଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ଶିକ୍ଷା Tagged With: ଶିକ୍ଷା

  • « Go to Previous Page
  • Go to page 1
  • Go to page 2
  • Go to page 3
  • Go to Next Page »

Primary Sidebar

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Recent

  • ଓଡିଶା ଷ୍ଟାଫ୍ ସିଲେକ୍ସନ୍ କମିଶନ୍ ପକ୍ଷରୁ ଚାରିଟି ପଦବୀରେ ନିଯୁକ୍ତି ବିଜ୍ଞପ୍ତି
  • ବିଶେଷ: ଆସନ୍ତୁ ବୁଲିଯିବା ବୌଦ୍ଧ ଜିଲ୍ଲା
  • ତୋଷାଳି ମେଳାରେ ମନ ମୋହିଲା ବୟନିକାର ହସ୍ତତନ୍ତ ଫେସନ୍ ସୋ
  • ସବୁଜ ବଳୟ ଧ୍ୱଂସକୁ ନେଇ ଯୁବ ଚିତ୍ରଶିଳ୍ପୀଙ୍କ ଏକକ ପ୍ରଦର୍ଶନୀ
  • ଦିବ୍ୟାଙ୍ଗଙ୍କୁ ବଞ୍ଚିବାର ରାହା ଦେଖାଉଥିବା ଏକ ସ୍କୁଲର କାହାଣୀ (ବିଶେଷ)

Search

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Footer

ଆମ ବିଜ୍ଞାପନଦାତା