ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ନଭେମ୍ବର ୨୧(ଓଡ଼ିଶା ଡ଼ଟ୍ କମ୍) ରାଜ୍ୟସ୍ତରୀୟ ନବଜାତ ଶିଶୁ ଯତ୍ନ ସପ୍ତାହ ନଭେମ୍ବର ୧୫ରୁ ୨୧ତାରିଖ ମଧ୍ୟରେ ରାଜ୍ୟର ବିଭିନ୍ନ ସ୍ଥାନରେ ପାଳିତ ହୋଇଯାଇଛି ।
“ପ୍ରାମାଣିକ ତଥ୍ୟ ଭିତ୍ତିରେ ଭାରତରେ ନିରନ୍ତର ନବଜାତ ଶିଶୁ ସ୍ୱାସ୍ଥ୍ୟ ସେବା’ ଏ ବର୍ଷର ନବଜାତ ଶିଶୁ ସୁରକ୍ଷା ସପ୍ତାହ ପାଳନର ବାର୍ତା ଥିଲା ।
ଏହି ସପ୍ତାହ ପାଳନ ଅବସରରେ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ପ୍ରତିଷ୍ଠାନ ତରଫରୁ ଭୁବନେଶ୍ୱରର ବିଭିନ୍ନ ସ୍ଥାନରେ ପଥପ୍ରାନ୍ତ ନାଟକ ଓ ସାଧାରଣ ସଭା,ପ୍ରଶ୍ନୋତ୍ତର କାର୍ଯ୍ୟକ୍ରମ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ପ୍ରତିଷ୍ଠାନ ତରଫରୁ ଆୟୋଜିତ ହୋଇଥିଲା ।
ପ୍ରତିବର୍ଷ ଏହି ନବଜାତ ଶିଶୁ ଯତ୍ନ ସପ୍ତାହ ପାଳନ ଏକ ନିର୍ଦ୍ଦିଷ୍ଟ ବିଷୟବସ୍ତୁକୁ ନେଇ କରାଯାଇଥାଏ । ନବଜାତ ଶିଶୁ ମୃତ୍ୟୁହାର ରୋକିବା, ନବଜାତ ଶିଶୁକୁ ଉଭୟ ଘରୋଇ ଓ ସ୍ୱାସ୍ଥ୍ୟ ଅନୁଷ୍ଠାନରେ ଆବଶ୍ୟକୀୟ ଉନ୍ନତ ମାନର ସେବା ଯୋଗାଇ ଦେବାର ଲକ୍ଷ୍ୟ ନେଇ ଏହି ସପ୍ତାହ ପାଳନ କରାଯାଇଥାଏ ।
ପଥପ୍ରାନ୍ତ ନାଟକ ପ୍ରର୍ଶନୀ ସଂସ୍ଥା “”ନୁପୂର”ଦ୍ୱାରାଏହି ଅବସରରେ ଭୁବନେଶ୍ୱରର ୧୧ଟି ସହରାଞ୍ଚଳ ବସ୍ତି ଯଥା-ଶିଖରଚଣ୍ଡି, ସାଲିଆସାହି,ପଣ୍ଡାପାର୍କ,ଡ଼ୁମଡ଼ୁମା,ମହିଁଷିଖାଲ ଓ ଗଧିଆଖାଲ
ଇତ୍ୟାଦି ଅଞ୍ଚଳରେ ନବଜାତ ଶିଶୁର ଜନ୍ମ ପର ସମୟରେ ଯତ୍ନ ସଂପର୍କରେ ସବିଶେଷ ଧାରଣା ଦିଆଯାଇଥିଲା ଓ ଏଥିସହିତ ବିଭିନ୍ନ ପ୍ରକାର ରଚନା, ଶିକ୍ଷା ଓ ପ୍ରଚାରଧର୍ମୀ କାର୍ଯ୍ୟକ୍ରମର
ଆୟୋଜନ କରାଯାଇଥିଲା |
ସପ୍ତାହର ଶେଷଦିନ ସୋମବାର ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ପ୍ରତିଷ୍ଠାନର ରାଜ୍ୟ ଶିଶୁ ସ୍ୱାସ୍ଥ୍ୟ ସାଧନ କେନ୍ଦ୍ର ତରଫରୁ ଏକ ରାଜ୍ୟସ୍ତରୀୟ କର୍ମଶାଳାର ଆୟୋଜନ କରାଯାଇଥିଲା ।
ଓଡ଼ିଶା ଡ଼ଟ୍ କମ୍
ନବଜାତ ଶିଶୁ ଯତ୍ନ ସପ୍ତାହ ପାଳିତ