ଓଡ଼ିଶା ଡ଼ଟ୍ କମ୍ ସମ୍ବାଦ ଦାତା
ଭୁବନେଶ୍ୱର, ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) କାର୍ତ୍ତିକ ପୂର୍ଣ୍ଣିମା ଅବସରରେ ଡ଼ଙ୍ଗା ଭଷାଣି ବେଳେ ବିଭିନ୍ନ ସ୍ଥାନରେ ସାତ ଜଣଙ୍କ ମୃତ୍ୟୁ ହୋଇଛି ।
ଯାଜପୁର ଜିଲ୍ଲାରେ ଜଣେ ୧୩ ବର୍ଷର ବାଳକ ସାଙ୍ଗ ମାନଙ୍କ ସହ ନିକଟସ୍ଥ ପୋଖରୀକୁ ଡ଼ଙ୍ଗା ଭଷାଇବାକୁ ଯାଇଥିବା ବେଳେ ଗୋଡ଼ ଖସି ଯିବାରୁ ପାଣିରେ ବୁଡ଼ିଯାଇଥିଲେ ।
ପରେ ତାଙ୍କର ମୃତ ଦେହ ଉଦ୍ଧାର କରାଯାଇଥିଲା । ସେହିପରି କଟକ ସ୍ଥିତ ଖାନ୍ନଗରରେ ଜଣେ ବାଳକ ଓ ଗଞ୍ଜାମ ଜିଲ୍ଲା ଛତ୍ରପୁରରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ବାଲେଶ୍ୱର ଜିଲ୍ଲା ସୋର ନିକଟରେ ଦୁଇ ଜଣ ବାଳିକା ଡ଼ଙ୍ଗା ଭଷାଇବାକୁ ଯାଇ ପାଣିରେ ବୁଡ଼ି ମୃତ୍ୟୁବରଣ କରିଛନ୍ତି ।
ଢେଙ୍କାନାଳ ଜିଲ୍ଲା ଲାଠୋକା ଗ୍ରାମରେ ଦୁଇ ଜଣ ବାଳକଙ୍କ ମୃତ୍ୟୁ ହୋଇଥିବା ବେଳେ କେନ୍ଦ୍ରାପଡ଼ା ଜିଲ୍ଲା ପାଟକୁରା ଅଞ୍ଚଳରେ ଜଣେ ବାଳିକା ନିଖୋଜ ହୋଇଯାଇଥିବା ଜଣାପଡ଼ିଛି ।
ଓଡିଶା ଡଟ୍ କମ୍
